Icesave er afsökun fyrir aðgerðarleysi

Icesave-málið er afsökun fyrir aðgerðarleysi ríkisstjórnarinnar. Jóhanna og Steingrímur J. klifa á því að lausn á Icesave sé forsenda fyrir efnahagsendurreisn landsins. Icesave er ekkert slíkt. Það er mál sem þarf að leysa en mun engu breyta í næstu misserin og árin fyrir okkur.

Endurreisnin snýst ekki um að fá peninga inn í landið, hvorki í formi lána né fjárfestinga. Endurreisnin er að grisja spillinguna sem enn þrífst í atvinnulífinu, keyra þau fyrirtæki í gjaldþrot sem þurfa þess og leggja drög að nýskipan atvinnulífsins.

Stjórnvöld hafa ekkert gert til að uppræta spillinguna. Þvert á móti ætla þau að setja lög handa Björgólfi Thor svo hann geti reist gagnaver; Ólafur Ólafsson fær að halda Samskipum og Baugsfeðgar fá að stunda einokun á smásölumarkaði með blessun og velvild ríkisstjórnarinnar.

Ríkisstjórnin hefur ekki græna glóru hvert hún ætlar.

„Vorum nálægt samkomulagi“

Athugasemdir

[Hallgeir Jónsson (IP-tala skráð) 8.3.2010 kl. 01:33]

Umsókn að ESB átti strax að bæta ástandið.

Ég hef ekki tekið eftir neinum breytingum, allavega ekki til góðs. 

[Ásgrímur Hartmannsson, 8.3.2010 kl. 01:41]

Hvað er þetta?  Ríkisstjórnin hefur gert ýmislegt:

Þau hafa hækkað skattana, hækkað bensínverðið, hækkað áfengisverðið, hækkað verðbólguna... nú, og þegar þau eru innt eftir því, þá kenna Þau næstu ríkisstjórn á undan um allt.

 Þau hafa gert fullt.

[Guðmundur Karl Snæbjörnsson, 8.3.2010 kl. 07:56]

Afvegaleyðing heitir það víst hjá Steingrími. Stjórnin fékk aldeilis rauða kortið frá þjóðinni og nánast á stóru plakatformi svo skiljanlegt er það öllum - þau skilja það ekki vegna heiftarlegrar afneitunar sem maður upplifir sterkt frá Steingrími sem oft áður. Hvað er gert þegar leikmenn skilja ekki stöðuna og láta sem þeir séu litblindir?

[Sigurður Haraldsson, 8.3.2010 kl. 11:06]

Þetta útspil Steingríms útheimtir byltingu!