Ísland dregur umsóknina tilbaka

Um 70 prósent þjóðarinnar er á móti inngöngu. Ríkisstjórnin getur ekki verið í stríði við þjóðarvilja nema um hríð. Á alþingi verður lögð fram þingsályktun um að draga umsóknina tilbaka. Þingmenn Vg verða eftir samþykkt flokksráðs Vg í janúar að samþykkja slíka ályktun.

Þegar Samfylkingin fær skýr skilaboð frá Brussel að tilgangslaust sé að þvinga þjóð í félagsskap sem hún vill ekki fara í mun Samfylkingin lyppast niður.

Umsókn Íslendinga rædd í dag

Athugasemdir

[Tómas Ibsen Halldórsson, 24.2.2010 kl. 09:32]

Með áframhaldandi þvermóðsku mun Samfylkingin einangrast í íslenskum stjórnmálum til langs tíma, það mun ekki verða áhugavert fyrir aðra flokka að vinna með þeim, þeir munu ekki geta treyst Fylkingunni.

[Jóhanna Björnsdóttir (IP-tala skráð) 24.2.2010 kl. 09:48]

"...veita íslendingum stuðning í krafti sameiningar og aðgang að sjóðum ESB...." - hvað er að gerast í Grikklandi - ekki er nú stuðningurinn mikill frá ESB þar í landi......

Okkur er betur borgið utan sambandsins - það sýnir líka reynsla Írlands....

[Kári Harðarson, 24.2.2010 kl. 10:26]

Við eigum semsagt ekki að sækja um af því þú veist að allir vilja það ekki fyrirfram.  Í fyrsta lagi veistu það ekki og í öðru lagi veit fólk ekki hvað það vill fyrr en það veit hvað er í boði.  Bændur voru á móti símanum...

Ég legg af stað í ferðir þótt veðrið sé stundum slæmt í bænum, oft reynist veðrið skínandi gott á áfangastað.  Ekki gefast upp fyrirfram, segi ég.

[Páll Vilhjálmsson, 24.2.2010 kl. 10:34]

Kári, myndlíking þín um færðina á ekki við. ESB er áfangastaður, ekki veðurfar. 

[Tómas Ibsen Halldórsson, 24.2.2010 kl. 12:54]

Það er með ólíkindum að ESB-sinnar halda að við fáum aðra meðferð innan apparatsins en önnur lönd.  Hvaða sér meðferð hafa Eystrasaltslöndin fengið ? eða Grikkir (nú virðist ESB nauðbeygt til að koma þeim til hjálpar, stóru ríkjunum til ama), Spánverjar, Portúgalar, Ítalir eða Írar ? svo nokkur lönd séu nefnd.  Af hverju þurfum við að sjá hvað í boði er þegar við vitum það fyrir ?

En Kári og aðrir ESB-sinnar virðast hafa fengið ofbirtu í augun af ESB-glampanum sem er í raun ekkert nema fals, því í ESB er enga lausn að finna fyrir Ísland, frekar en ofannefndar þjóðir.

[Kári Harðarson, 24.2.2010 kl. 13:32]

Ég veit ekki hvort ég er ESB sinni ...

Ég veit bara að eftir 11 ára búsetu erlendis finnst mér Ísland skrýtinn staður að flytja heim til, að við hefðum gott af því að auka sambandið við umheiminn.

Mér finnst hæpið að við séum "the good guys" í Icesave deilunni.  Við höfum hagað okkur eins og geðveikt fólk sem var að drepast úr hroka og sjálfhverfu, sem stafar af minnimáttarkend og einangrun.

Ef samstarfið við aðrar þjóðir hefði verið nánara, hefði hrunið ekki orðið svona slæmt.  Sýkópatar eins og útrásarvíkingarnir hefðu kannski ekki fengið að ríða röftum óáreittir.

Fyrirtæki og bankar urðu hér miklu stærri en ríkið og stjórnsýslan.  Til að fyrirbyggja að þetta gerist aftur þarf annað hvort að banna stóra banka og fyrirtæki eða gera eftirlitsaðilana öflugri.  Við höfum flutt flest allt inn til eyjunnar, hvers vegna ekki eftirlitsstofnanir og stjórnsýslu?

Þær fengjum við ef við göngum í ESB.

[Elle_, 24.2.2010 kl. 15:04]

Og af hverju þurfum við að vita´hvað er í boði´þar?  Það er Jóhönnu/Össurar-áróður.  Það er EKKERT í boði þar nema missa stjórn okkar laga og sjálfstæðis þangað.  Við viljum ekki eyða milljarði + í að gá ofan í tóma tunnu. 

[The Critic, 24.2.2010 kl. 15:23]

Öll þessi umræða er eins og þegar Ísland tók upp EES samninginn á sínum tíma. Almenningur varð snældu vitlaust og allt ætlaði um koll að keyra, sá samningur hefur ekkert nema gott af sér leitt og hið sama mun EU aðild gera.

Jóhanna Björnsdóttir og Tómas:  Þið sýnið alveg fádæma fáfræði með þessu bulli þínu, önnur ríki í sambandinu eru að reyna að koma Grikklandi til hjálpar því EU löndin standa saman og styðja við bakið á hvort öðru þegar illa gengur. Við íslendingar erum hinsvegar vælandi í öllum um aðstoð og allir svo vondir því þeir vilja ekki hjálpa okkur, kannski af því að við ákváðum að vera ekki partur af hópnum!

Elle: Þú gerir þér ekki grein fyrir því að við erum nú þegar 75% inn í þessu sambandi í gegnum EES samninginn. Þurfum að fylgja flest öllum reglum sem þaðan koma án þess að fá að taka þátt í að gera þær eða andmæla því við erum ekki með mann við borðið, hvað er það annað en að missa stjórn á okkar hlutum? Ef við værum í sambandinu þá myndum við allavega geta tekið þátt í því að gera þessar reglur og andmæla . Nú munu sumir segja að það muni ekki vera hlustað á okkur, það er hin dæmigerða minnimáttarkennd íslendinga.

[Hreinn Sigurðsson, 24.2.2010 kl. 16:06]

Mér þykir þessi þvæla um hvað er í boði alveg kostuleg. Það sjá allir sem vilja sjá að það er ESB sem er í boði. Þeirra fiskveiðistefna landbúnaðarstefna og svo framvegis. Að reyna að telja fólki trú um að það sé eitthvað annað í boði en ESB eru draumórar enda til hvers að ganga í kola og stálbandalagið ef menn vilja eitthvað annað en ESB.

[Benedikt Halldórsson, 24.2.2010 kl. 17:32]

Það átti að kjósa tvisvar um ESB. Í fyrra skiptið hvort fólk vildi ganga í ESB. Ef jáið sigraði. Samningaviðræður. A þeim loknum, kosið um aðild.  

Ef fólk væri spurt hvort það væri fylgjandi aðildarviðræðum við Bandaríkin, um að verða eitt af Bandaríkjunum, er ég viss um mjög margir segðu já, þó ekki nema fyrir forvitnissakir, en segðu nei að  þegar á hólminn væri komið.

Ég er ekki viss um þeir í Brussel skilji Íslendinga sem trúa á hvalreka og önnur hey í harðindum.

[Elle_, 25.2.2010 kl. 00:54]

Þið sýnið alveg fádæma fáfræði með þessu bulli þínu, önnur ríki í sambandinu eru að reyna að koma Grikklandi til hjálpar því EU löndin standa saman og styðja við bakið á hvort öðru þegar illa gengur.

The Critic, það er rangt, enginn er gera neitt fyrir Grikkland og þeir þjást.  Líka Lettland, og Svíþjóð kemst upp með að níðast á þeim með okurlánum.  

Elle: Þú gerir þér ekki grein fyrir því að við erum nú þegar 75% inn í þessu sambandi í gegnum EES samninginn.

Þetta er rangt.  Þessu fer víðs fjarri og þetta er Jóhönnu og Össurar EU-áróður og brenglun á málinu.  

Ef við værum í sambandinu þá myndum við allavega geta tekið þátt í því að gera þessar reglur og andmæla . Nú munu sumir segja að það muni ekki vera hlustað á okkur, það er hin dæmigerða minnimáttarkennd íslendinga. 

Nei, það er líka rangt, okkar vægi væri hverfandi.  Við værum að tapa yfirráðum yfir okkar eigin löggjafarvaldi að mestu leyti, værum með, að mig minnir, o,6% vægi.  Eða þar í kring.  Það fer eftir mannfjölda.  Þar ráða nokkur lönd langmestu og minni löndin hafa nánast ekkert vægi.  Stærstu löndin: Bretland, Frakkland, Spánn, Þýskaland ráð langmestu.  

[Elle_, 25.2.2010 kl. 12:48]

Stærsu löndin: Bretland, Frakkland, Ítalía, Pólland, Spánn og Þýskaland munu ráða yfir 70% af atkvæðamagni: EVRÓPUBANDALAGIÐ LEGGUR SNÖRUR SÍNAR. HÉR ERU YFIRRÁÐ STÆRSTU RÍKJANNA AFHJÚPUÐ!