Samfylkingin fyrirlítur þjóðina

Einsdálksfrétt á blaðsíðu 20 í Morgunblaðinu í dag segir stóra sögu um botnlausa fyrirlitningu Samfylkingarinnar á íslenskri þjóð. Í fréttinni er borið undir utanríkisráðherra, Össur Skarphéðinsson, hvort ekki sé ástæða til að endurskoða ákvörðun um að senda umsókn til Brussel um inngöngu Íslands í Evrópusambandið.

Tilefnið er ný könnun Viðskiptaráðs sem segir 60 prósent forsvarsmanna fyrirtækja á móti inngöngu í ESB. Áður hafa kannanir sýnt þráfaldlega að almenningur er afgerandi á móti inngöngu, 60 prósent og þar yfir.

Þetta er svar Össurar: ,,Alþingi hefur tekið sína ákvörðun og [framkvæmdavaldinu] ber skylda til að framfylgja henni." Össur veit mætavel að ákvörðun alþingis var fengin með því að Samfylkingin svínbeygði Vinstri græna til að ganga þvert á gefin kosningaloforð um að halda Íslandi utan ESB.

Samfylkingin er elítuflokkur úr öllum tengslum við íslenskt þjóðlíf. Þversögn er að flokkurinn þiggur á annað hundrað milljónir króna árlega af skattfé almennings og notar peningana til að vinna gegn grundvallarhagsmunum þjóðarinnar.

Þjóðin er farin að sjá í gegnum Samfylkinguna sem fékk 29 prósent atkvæða við síðustu kosningar. Fylgismælingar undanfarið setja Samfylkinguna í þriðja sæti, á eftir Sjálfstæðisflokki og Vinstri grænum.

 

Athugasemdir

[Björn Birgisson, 20.2.2010 kl. 18:05]

"Samfylkingin fyrirlítur þjóðina "

Ég fyrirlít svona endemisbull. Veit ekki um neinn Íslending sem fyrirlítur þjóð sína. Veit þó um nokkra sem þjóðin ætti að fyrirlíta og gerir án nokkurs vafa.

[. (IP-tala skráð) 20.2.2010 kl. 18:54]

AE ae ae hvad thú ert í djúpri holu.

[Jakob Þór Haraldsson (IP-tala skráð) 20.2.2010 kl. 19:21]

Rétt hjá þér félagi: "Samspilling er svo sannarlega elítuflokkur úr öllum tengslum við íslenskt þjóðlíf - í raun bara RuslFlokkur...!"

kv. Heilbrigð skynsemi (fun.blog.is)

[Guðmundur 2. Gunnarsson (IP-tala skráð) 20.2.2010 kl. 20:02]

Tjaaa.... Samfylkingin gengur augljóslega út frá því að fólk er fífl.