Framsókn vill mýkja Samfylkinguna

Framsóknarmönnum þykja það vond tíðindi að trúnaðarmenn Samfylkingarinnar eigi samtöl við áhrifamenn í Sjálfstæðisflokknum um mögulega ríkisstjórnarmyndun að loknum kosningum í vor. Tilvera Framsóknarflokksins byggist á því að vera ýmist valkostur til vinstri eða hægri.

Framsóknarmennirnir Steingrímur Sævar og Pétur Gunnarsson blogga um samdráttinn og borgarfulltrúinn Björn Ingi Hrafnsson er þegar kominn með varnaráætlun sem felst í því að daðra meira við Evrópusambandið til að ná athygli Samfylkingarinnar.

Ungu framsóknarmennirnir gleyma á hinn bóginn að fæstum þykir smekklegt að gera umræðu um inngöngu í Evrópusambandið að pólitískum hrossakaupum. Sölumennska af þessu tagi vinnur gegn tilgangi sínum. Prangið er of augljóst.

Athugasemdir

[Heimir Lárusson Fjeldsted, 15.1.2007 kl. 09:29]

Hef alltaf haldið að framsóknarmennska væri sama og prang.