Arion og svikamylla Baugsfeðga

Baugsfeðgar reka sömu svikamylluna og þeir gerðu á tímum útrásar. Í boði Arion banka stýra þeir verslunarveldinu Högum. Auglýsingafé frá Högum stendur undir fríblaðsútgáfu Fréttablaðsins. Ritstjórn blaðsins er aftur ráðin til að stunda almannatengslavinnu fyrir Baugsfeðga, sverta andstæðinga þeirra og hefja á loft hagsmuni feðgana.

Útrásin var jafn tryllt og raun ber vitni vegna þess að fjölmiðlar voru á mála útrásarauðmanna.  Efasemdir um innistæðu útrásarinnar komust hvergi að, hvað þá gagnrýni. Viðhald á sömu svikamyllu er tilræði við endurreisnina eftir hrunið. Arion banki vinnur skemmdarverk á því samfélagi sem bankinn á í orði kveðnu að þjóna. 

Arion banki er óðum að verða samnefnari fyrir siðblindu.

Hagar auglýsa nær einungis í Fréttablaðinu

Athugasemdir

[Ólafur S (IP-tala skráð) 19.2.2010 kl. 09:18]

Ekki myndi ég gefa morgunblaðinu pening ef það réði ritstjóra sem hefði eytt nánast öllum sínum kröftum í að ná sér niður á mér síðustu 10 árin.

[karl (IP-tala skráð) 19.2.2010 kl. 09:42]

Arion-Hagar-Fréttablaðið-Samfylkingin.

Einhvern veginn þannig liggja þræðir spillingarinnar.  

[Jón Ásgeir (IP-tala skráð) 19.2.2010 kl. 11:02]

Ég er búin að færa allt mitt út úr því sem kallast Arion Banki.

Líklega það skynsamlegasta sem ég hef gert alla vega þetta árið!

[Leifur H, 19.2.2010 kl. 11:25]

Þetta er satt og rétt hjá þér Páll.

En er ekki kominn tími til að eini fjölmiðillinn sem er laus úr viðjum útrásarauðmanna, Morgunblaðið, líti um öxl og fari í heiðarlega úttekt á sínum þætti í því að blekkja almenning á þessum árum? Ég held að Morgunblaðið hefði gott af því fyrir eigin sálarheill. Þetta yrði eins konar detox. Blaðið mundi auka trúverðugleika sinn verulega að slíkum þvotti loknum.

[Jón Bragi Sigurðsson, 19.2.2010 kl. 11:43]

Ertu ekki örugglega bara að grínast Leifur H ??

[Óskar, 19.2.2010 kl. 11:50]

hvaða fjölmiðill fékk 4 milljarða afskrifaða ?  Væri ekki ráð að blaðamenn á þeim snepli tali um eitthvað annað en spillingu ?

[Hrafnkell S Gíslason, 20.2.2010 kl. 11:50]

þegar auglýsingamagn í Mogga var meira  en Þjóðvilja, Alþýðublaðs, Vísis og Tíma var það útskýrt með því að auglýsendur sæktu þangað vegna útbreyðslu. Auglýsing í Mogga kæmi fyrir margfalt fleiri sjónir. 
Hvers vegna gilda þessi rök ekki í dag?  Sjalfur kysi ég heilsíðu í Fréttablaðinu frekar en heilsíðu í Mogga.  
Auðvitað vita allir að það voru ekki viðskiptalegar ástæður fyrir því að Hagar hættu að auglýsa í Mogga.  Sjálfur myndi ég ekki vilja styðja blað sem legði mig í einelti.
Mig langar hins vega að vita hvers vegna sýslumenn landsins hafa árum saman bara auglýst í Mogga.  Er ástæðan sú að uppboðsþolar sé í flestum tilfellum áskrifendur blaðsins eða eru aðrar ástæður að baki.

Kveðja,