Samtök útrásarauðmanna í samsæri gegn almenningi

Hagvöxtur er ekki forgangsatriði heldur heilbrigt atvinnulíf sem spilltist krabbameinsvexti útrásarinnar. Samtök atvinnulífsins eru skipuð fólki sem útrásarauðmenn röðuðu á garðinn. Enginn lærdómur  er dreginn af hruninu heldur á að drífa upp fimm prósent árlegan hagvöxt.

Gangi þessi krafa fram verður brýnasta verkefni stjórnvalda gagnvart atvinnulífinu látið sitja á hakanum. Verkefnið er tvíþætt. Annars vegar að koma í veg fyrir að útrásarauðmenn sölsi undir sig eigur og fái til þess afslátt frá bankastofnunum í ríkiseigu eða undir ríkisvaldinu. Hins vegar að brjóta um eignarhaldsfélögin og tryggja að fákeppni verði ekki aftur ráðandi einkenni í atvinnulífinu.

Eftir þenslu síðustu ára er nauðsynlegt að drepa niður fæti og meta aðstæður. Krafa um fimm prósent hagvöxt er ávísun nýjar hörmungar. Tökum ekki leiðbeiningum frá liðinu sem leiddi þjóðina í hrunið.

5% árlegur hagvöxtur nauðsyn

Athugasemdir

[karl (IP-tala skráð) 12.2.2010 kl. 16:04]

Mjög góð ábending.

Framúrskarandi.

Algjört frumkvæðisleysi ríkisstjórnarinnar á þeim sviðum sem höfundur tilgreinir vekur mikla totryggni.

Á sama tíma þegir stjórnmálastéttin um brask tveggja þingmanna sem komust yfir bankabréf vegna starfa sinna og seldu þau milljónatuga hagnaði.

Að sífellt fleirum læðist sá grunur að spillt öfl í pólitíkinni sjái til þess að hér sé ekkert gert til að hefta auðmenn eða tryggja eðlilega samkeppni.   

[Bíddu bíddu (IP-tala skráð) 12.2.2010 kl. 16:08]

Hvad med LÍÚara? LÍÚ í samsaeri gegn almenningi. Eda passar thad ekki á Dabbanum?

[Pjetur Hafstein Lárusson, 12.2.2010 kl. 17:02]

Valdastéttin á Íslandi ætti að leggja tvö ártöl á minni; 1789 og 1917.

[Gísli Foster Hjartarson, 12.2.2010 kl. 17:45]

Við erum ekki að ná tökum á spillingunni af því að það er ekki búið að gefa upp á nýtt það er en spilað á sama gamla spilastokkinn. Karl það þarf ekkert að læðast einhver grunur að fólki varðandi spilltu öflin, svona er þetta - við sjáum það í afskriftum og hagræðingum ákveðnu fólki til handa á degi hverjum.

[Svavar Bjarnason (IP-tala skráð) 12.2.2010 kl. 19:44]

Ég var að sjá að moggi Davíðs  er búinn að taka þinn málstað upp á sína arma.

Þú ert kominn í mjög góðan félagsskap Páll.