Landbúnaður er málið í ESB

Um fjörtíu prósent af fjárlögum Evrópusambandsins taka til landbúnaðarmála. Landbúnaðarstefnan, CAP, er langstærsti einstaki þátturinn í starfsemi Evrópusambandsins. Rætur stefnunnar liggja til eftirstríðsáranna þegar matarskortur var í álfunni.

Landbúnaðarstefnan tekur til framleiðslu og markaðssetningu landbúnaðarafurða. Á síðari árum eru byggðamál fléttuð saman við landbúnaðarstefnuna. Samkvæmt könnun ESB telja nær níu af hverjum tíu Evrópubúum landbúnað og dreifbýli skipa veigamikinn sess í framtíð álfunnar.

Þrátt fyrir að landbúnaðarstefnan hafi lengi verið umdeild, m.a. vegna spillingar sem þrífst í skjóli hennar, er breiður stuðningur við landbúnaðarstefnuna í ríkjum sambandsins.

Hér er samantekt um viðhorf íbúa ESB til landbúnaðarstefnunnar.

Athugasemdir

[Haukur Kristinsson (IP-tala skráð) 30.1.2010 kl. 23:07]

Grikkland hefur fengið himinhár upphæðir frá Brüssel til styrktar landbúnaði.

Mér hafa Grikkir sagt, að ófáir bændur hafi notað peningana til kaupa á íbúð handa dótturinni, sem skyldi verða hennar ???ί??, eða heimamundur.

Ég veit að þessi saga er sönn.

[Þorsteinn H. Gunnarsson, 30.1.2010 kl. 23:18]

Páll, ég má nú ekki vera að því að taka hér til máls um landbúnaðarmál að sinni.

En ég vil þakka þér fyrir liðveislu við okkur skæruliða bændur sem svo vorum nefndir í bændafélaginu Röst á sínum tíma og börðumst m.a. við Bændaforustuna út af búvörulögunum og landbúnaðarkvótum.

Greinin eða samantektin eftir þig hét ,, Bændablús í beinni" og kom í Vikublaðinu 28. janúar 1994 og eru því 16 ár síðan. 

[Jenný Stefanía Jensdóttir, 31.1.2010 kl. 02:26]

Hef alltaf talið að sá "heimskautalandbúnaður" sem stundaður er á okkar ástkæra landi, af þrautagóðu bænda og búaliði, muni verða einn af okkar "ásum" í viðræðum við þetta bandalag, og verði klárlega tekið út fyrir sviga, ef ekki væri nema hversu fjandans góðar íslenskar kótilettur í raspi með grænum ORA baunum smakkast, að ekki sé minnst á hrygginn með stökkri pöru Páll minn.