Vinstri grænir að ná vopnum sínum?

Drög að ályktunum flokksráðsfundar Vinstri grænna kveða á um að Ísland dragi tilbaka umsókn um aðild að Evrópusambandinu. Eftir hálfs árs setu í ríkisstjórn með Samfylkingunni rennur upp fyrir æ fleiri flokksmönnum Vg að fórnin sem var færð 16. júlí er ekki hægt að réttlæta.

Vg eiga sóknarfæri á vinstri kanti stjórnmálanna. Skoðanakannanir sýna að flokkurinn heldur sína og vel það á meðan fylgi við Samfylkinguna dalar.

Eftirhrunssamfélagið biður um orðheldni. Ef flokksráðið samþykkir ályktun um að draga umsóknina tilbaka er boðið upp á sátt við þá fjölmörgu kjósendur sem kusu Vg gagngert vegna andstöðu við inngöngu í ESB.

Fréttastofan ESB-RÚV sá ástæðu til að taka fram þegar fréttin var sögð að í stjórnarsáttmála Vg og Samfylkingar segir að sótt skuli um aðild að ESB. Fréttastofan hafði ekki fyrir því segja að hvergi í sáttmálanum er tekið fram að ekki megi draga umsóknina tilbaka.

Athugasemdir

[Ómar Harðarson (IP-tala skráð) 15.1.2010 kl. 19:30]

Einhvern veginn fannst mér mótsögn í þessu hjá þér, Páll. Ef eftirspurn er eftir orðheldni er þá ekki líka eftirspurn eftir því að Vg haldi sig við niðurstöðuna í stjórnarsáttmálanum þar ákveðið er að þjóðin útkljái málið í þjóðaratkvæðagreiðslu? Það vissu það allir fyrir kosningar að ef Vg og Samfylkingin ættu að geta starfað saman yrði málamiðlunin á milli þeirra eitthvað á þá leið.

[Fannar frá Rifi, 15.1.2010 kl. 20:45]

hvaða málamiðlun var Ómar? VG hefur bakkað í öllum málum nema með álverið á Bakka. ennþá.

[Ómar Harðarson (IP-tala skráð) 15.1.2010 kl. 21:34]

Láttu ekki eins og þú þekkir ekki þessar málamiðlanir, Fannar. Það lá alveg ljóst fyrir í aðdraganda kosninga hvað bæri á milli þessara flokka. Þeir voru lika þráspurðir í sjónvarpi og á öllum fundum hvernig þeir ætluðu að leysa þann ágreining.

Hingað til hefur meirihluti þingmanna í Vg staðið við sinn hluta málefnasamningsins (menn eins og Ásmundur Daði og Jón bóndi hafa þó svikist undan) sem og Samfylkingarmenn. Þess vegna fór Helguvík í gegn af því hún var komin af stað en Bakkaálverið var dregið til baka. Þess vegna verður samið við ESB en þjóðin fær að ákveða lyktir þess á undan Alþingi.

Það er rétt hjá málshefjanda að það er eftirspurn eftir orðheldni í landi okkar.

[Fannar frá Rifi, 15.1.2010 kl. 21:41]

ég fylgdist vel með kosningunum. ég var kærður í þeim fyrir að láta birta mynd af Steingrími með orðunum "sjáum til" "Steingrímur J. í umræðum um ESB" í héraðsblöð hérna í NV.

Fyrir kosningar stóðu báðir flokkar hart á sínu. VG var alfarið á móti ESB og engin frambjóðandi þeirra sagði að flokkurinn myndi gefa eftir í ESB málinu. þannig að eina sem ég sé er að VG bakkaði alfarið í sumar í ESB málinu og gaf allt eftir.

[Elle_, 16.1.2010 kl. 00:47]

Fréttastofan ESB-RÚV

Já, óeðlilega pólitískt af hlutlausm ríkismiðli. Stjórn RUV verður að fara að muna að öll þjóðin borgar nauðungarskatt fyrir RÍKISmiðilinn RUV.

[joi (IP-tala skráð) 16.1.2010 kl. 01:02]

Steingrímur taldi líkur á borgarastyrjöld ef Icesave yrði samþykkt. Það sagði hann amk fyrir ári siðan. Núna er hann greinilega að hleypa af stokkunum borgarastyrjöld, taki hann eitthvað mark á því sem hann sjálfur sagði fyrir nokkrum mánuðum síðan.

I stefnuskrá VG stendur skýrum stöfum að ESB aðild sé ekki á dagskrá. Það hlýtur að orka tvímælis leggist steingrímur gegn tillögu um að þetta ESB brölt verði dregið til baka, enda engar forsendur lengur fyrir viðræðum við ESB.

Hvað varðar virkjanamál, þá verður ekki annað séð en VG séu enn á móti virkjunum og að reisa álver, nema þessum þremur eða fjórum álverum sem einhver hafði minnst á hér fyrir nokkrum árum. Ekki hægt að hætta við þau að sögn steingríms sjálfs.

Síðan getur fjármálaráðherrann ekkert aðhafst þó ríkið dæli milljörðum á milljörðum ofan í fyrirtæki sem Björgólfur Thor á meirihlutann í. Núna á að grafa stríðsöxina og semja frið við þessa náunga sem steingrímur og aðrir forkólfar VG fyrirlitu á síðasta ári, ekki nóg með það, heldur hafa kúlulánin öðlast nýja merkingu hjá þeim VG mönnum. Nú virðast kröfurnar vera þær að til að geta fengið vinnu í fjármálaráðuneytinu þurfi fólk að hafa fengið niðurfelld amk 150 milljón kr. kúlulán, sbr. kúlulánadrottninguna sem stýrir bankasýslu steingríms j. sigfússonar sf.

Hvar þessi vitleysa endar er ekki gott að segja, hún virðist ekki á enda enn. Punkturinn virðist þó ætla að verða það sem fjármálaráðehrrann spáði sjálfur yrði Icesave skellt á þjóðina með skuldafangelsi næstu áratugina.

[Svavar Bjarnason (IP-tala skráð) 16.1.2010 kl. 01:42]

Ykkur til fróðleiks er hérna sá hluti stjórnarsáttmálans sem fjallar um ESB:

Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í  þjóðaratkvæðagreiðslu að loknum aðildarviðræðum. Utanríkisráðherra mun leggja fram á  Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

[Gunnar Heiðarsson, 16.1.2010 kl. 09:14]

Víst væri gott ef VG myndu í alvöru vilja taka til baka umsóknina í ESB, kannski er vilji almennra félagsmanna í flokknum til þess en það er engin hætta á að ráðherrar og þeirra vinir samþykki það, til þess eru stólarnir of mjúkir.

Það er annars merkilegt hvernig þessir blessaðir stólar geta breitt mönnum, þegar menn eins og Steingrímur J., sem ég hef alltaf virrt þótt hann sé á vitlausum stað í pólitíkinni, það er hans vandamál, þegar menn eins og hann snúast eins og skopparakringla, gerir allt það sem hann hefur gagnrýnt aðra fyrir og virðist vera búinn að gleima öllu því sem hann hefur staðið fyrir undanfarn ár og áratugi.

Varðandi ESB-RUV og ESB-Stöð 2 þá er það alvegótrúlegt hvað fréttamenn þessara fjölmiðla fá að ganga uppi

[Jón Steinar Ragnarsson, 16.1.2010 kl. 09:17]

"Drink the CoolAid and all our trouble will be over." Rev. Jim Jones - Jonestown.

  Þetta eru skilaboðin hjá sjálfsmorðskölti VG.  Lógíkin fyrir því að semja er svo engu lík.

"Við verðum að taka á okkur 7-1200 milljarða, svo við getum fengið  500 milljarða að láni." 

Það er augljóst að það var ekki hagfræði og viðskiptskor í jarfræðináminu hér forðum.