Beygður ráðherra virkar ekki í útlöndum

Steingrímur J. er samkvæmt yfirlýsingu ríkisstjórnarinnar ekki starfhæfur ráðherra. Ríkisstjórnin lofaði Bretum og Hollendingum niðurstöðu sem hún gat ekki staðið við vegna mótmæla almennings. Í Kastljósviðtalinu var fjármálaráðherra eins og skopparahringla. Hann ýmist málaði skrattann á vegginn eða hvatti til bjartsýni. Ýmist ætlaði hann að standa og falla með Icesave-frumvarpinu eða ekki. Kannski verður þjóðaratkvæði eða ekki.

Til að toppa vitleysuna ætlar Steingrímur J. til útlanda. Til hvurs, með leyfi? Hvaða erindi á beygður ráðherra og flæktur í eigin mótsagnir í útlend stjórnarráð?

Sterkasti ráðherra ríkisstjórnarinnar er fallinn með Steingrími J. og þar með ættu flestir sæmilega lesandi að sjá skriftina á veggnum.

Ákvörðun forsetans vonbrigði

Athugasemdir

[Guðmundur 2. Gunnarsson (IP-tala skráð) 6.1.2010 kl. 20:39]

Maðurinn var algerlega úti á túni.  Kannaðist ekkert við nein vandamál að kynna málstað okkar erlendis.  Alveg grjótharður á að allt hafi verið gert hárrétt. Augljóslega ekki látið sig detta í hug að senda fréttatilkynningu til fjölmiðla deginum áður en niðurstaðan var skýr, hvað myndi raunverulega gerast ef að forsetinn vísaði málinu í þjóðaratkvæðagreiðslu.  Hann sagðist hafa haft tvö ólík bréf til að senda eftir hver niðurstaða forsetans yrði.  Virtist samt hafa farið svo illilega á límingunum að hann klúðraði málinu, mátti á honum skilja.  Kannski sleikt frímerkin á röngunni?  Toppurinn var samt að hann kannaðist ekkert við bölbænir og hræðsluáróðinn á gremjublaðamannafundinum ótrúlega.  Hvað þá að þau hafi nokkur tíman haldið einhverju slíku fram.  Þá kom það klassíska.  "Það voru hinir sem gerðu það".

[Kári (IP-tala skráð) 6.1.2010 kl. 21:04]

Af hverju segirðu okkur ekki hver þessi "skrift á veggnum" er? Það þýðir ekkert að tala í einhverjum ósljósum frösum. Ertu að tala um tortímingu þessa lands, eins og við blasir, eða eitthvað annað. Þú virðist ekki sjálfur vita hvað þú ert að segja; talar í hálfkveðnum vísum, innantómum frösum í bland við fúkyrði.

[joi (IP-tala skráð) 6.1.2010 kl. 21:30]

Væri til bóta ef þáttarstjórnandinn hefði nokkur komment frá fjármálaráðherranum á takteinum sem væri hægt að krefja hann svara um og athuga hvort þau standist skoðun þegar ráðherrann er búinn að vera margsaga um sama hlutinn?

Steingrímur hefur greinilega tekið þann pólinn í hæðina eftir gærdaginn, að fara að ráðum þeirra sem bentu honum á að hann ætti að standa með Íslandi, ekki Bretum. Það er bara of seint að skipta um lið þegar búið  er að flauta leikinn á. Það lítur frekar illa út að skipta um treyju í miðjum leik úti á velli. Það var nákvæmlega það sem fjármálaráðherrann gerði í dag.

Eitt verður þó ekki af Steingrími tekið, hann gefur færi á sér og gefur viðtöl, annað en hægt er að segja um Jóhönnu og Össur. Hvar eru þau eiginlega? Hvorki sést til þeirra né heyrist. Fóru þau til fjalla með kertasníki á þrettándanum?

[Davíð (IP-tala skráð) 6.1.2010 kl. 21:44]

Ég skil ekki alveg þegar fólk talar um að skipta um lið ? Er þetta komið í það ástand að annaðhvort ertu með Bretum, eða þú ert með Íslendingum....

Ég er samt hræddur um að nú verðir allt sett í stopp, lánalínur eru frystar og það verður ekki gert mikið á næstunni til þess að reyna að styrkja efnahagslífið á Íslandi.... Þetta Icesave er að reynast okkur alltof dýrkeypt, alltof of mikið öðrum málum sem þarf að tækla