Vók-vinstrið í framhaldsskólum

Snorri Másson þingmaður Miðflokksins var tekinn fyrir í kennslustund í Menntaskóla Kópavogs. Alræmdur kynjafræðingur, Þorsteinn V. Einarsson, gerði fjarstaddan Snorra að kennsluefni. Þorsteinn gat sér til frægðar að siga fylgjendum sínum á skrifstofukonu í Bónus, Ester að nafni, sem ekki vildi taka bók Þorsteins í sölu. Að öðru leyti er kynjafræðingurinn helst þekktur fyrir að selja kvenríkinu þjónustu að rakka niður karla. 

Fyrir tveim árum líkti framhaldsskólakennari í Verslunarskólanum Sigmundi Davíð formanni Miðflokksins við Hitler og Mússólíni. Einn stjórnmálaflokka hefur Miðflokkurinn staðið upp í hárinu á vókinu sem tröllríður vinstriflokkunum og fær óbeinan stuðning frá meðvirkum Sjálfstæðisflokki.  

Allur þorri framhaldsskólakennara er vinstrisinnaður. Um 10-20 prósent þeirra er aðgerðarsinnar í anda vók. Transhugmyndafræðin er síðustu ár helsta birtingarform vóksins. Transið höfðar til róttækra vinstrimanna enda aumingjavænt, líkt og öreigarnir forðum. Í öðru lagi er transið óskiljanlegt, á það sameiginlegt með marxískri uppskrift að samfélagi. Aumingjagóður fáránleiki veitir róttækum vinstrimönnum sannfæringu um siðferðilega yfirburði annars vegar og hins vegar gnótt tækifæra til að refsa þeim sem feta ekki slóð rétttrúnaðarins. Refsigleðin fær útrás í slaufun og útskúfun. Ávallt, auðvitað, í nafni æðri gilda. 

Í framhaldsskóla á höfuðborgarsvæðinu var lesbískur íþróttakennari á einhverfurófinu gerður að hinseginfulltrúa. Skólameistarinn, hellur undir trans, taldi skólann skora stig með hinseginvæðingu. Hinseginfulltrúinn tók óðara til sinna ráða. Nemendasalerni voru gerð kynlaus en ekki kennaraklóin til að byrja með. Konur eru meirihluti kennara og ekki mátti strax styggja mikilvægan hagaðila. Fulltrúinn á rófinu fékk tvo nemendur að mæta á kennarafund til að útskýra hvaða transfornöfn skyldi nota. Nemendur klykktu út með að fleiri fornöfn væru á leiðinni, verið væri að þýða þau úr ensku. Hnípnir kennarar er héldu sig talfæra sátu skömmustulegir  undir translexíum sem gera tungumálið óskiljanlegt. 

Rétttrúnaðurinn var ekki bundinn við skólann. Hinsegin á rófinu taldi nauðsynlegt að fylgjast með hvað kennarar sögðu og hugsuðu utan vinnutíma. Er það í takt við róttæka vinstrihefð að stunda persónunjósnir. Stofnað var til leshrings með róttækum vókistum að hafa eftirlit með skoðunum samkennara um samfélagsmál. Óformlegt heiti leshringsins var ,,Má bjóða þér að brjálast." Einn kennari þótti hafa sérstaklega viðsjárverðar skoðanir, samþykkti ekki að sumir fæddust í röngum líkama og heldur ekki að kynin væru fleiri en tvö. Leshringurinn gerði sér upp vanlíðan að hætti fórnarlambsins og klagaði til skólameistara. Heilsunefnd skólans, með hinsegin á rófinu innanborðs, skrifaði til skólanefndar. Undirskriftum var safnað til að fordæma að kennarinn leyfði sér skoðun í andstöðu við rétttrúnaðinn. Eins og nærri má geta er þessi kennari fyrrverandi.

Vók-vinstrið í framhaldsskólum lemur enn hausnum við steininn þótt hratt fjari undan hugmyndafræðinni. Transfræðin um að sumir fæðist í röngum líkama og að kyn sé hugarástand en ekki hlutlæg staðreynd þola ekki umræðu. Þess vegna beitir vókið skoðanakúgun.