Píratar vilja ófrið í samfélaginu

Einn Pírati sakar forsætisráðherra um lygar, annar Pírati heimtar verkföll. Stjórnmálastefna Pírata er að efna til ófriðar í samfélaginu þar sem alið er á tortryggni og andúð.

Píratar eru á fallandi fæti í skoðanakönnunum. Þeir fengu minna fylgi í síðustu kosningum en þeir ætluðu sér.

Núna feta Píratar sömu slóð og Samfylkingin gerði allt síðasta kjörtímabil með alkunnum afleiðingum. Píratar kunna ekki að lesa skriftina á veggnum.

Sakar Bjarna um lygar

Fáar fréttir af mannfalli í Mósúl

Þegar sýrlenskar hersveitir sátu um Aleppo og nutu stuðnings Rússa voru fjölmiðlar sneisafullir af fréttum mannfall óbreyttra borgara.

Nú sækja hersveitir Íraka inn í Mósúl með aðstoð Bandaríkjamanna og Nató-ríkja. Fátt segir af mannfalli óbreyttra borgara.

Vestrænir fjölmiðlar fylgja vestrænni ritstjórnarstefnu. Nema hvað.

Þúsundir flúið Mósúl

Trump og fjölmenning þjóðríkja

Bandaríkin fylgja ekki lengur þeirri stefnu að vera alheimslögga sem skipar málum í fjarlægum heimshornum. Þjóðríki velja sér sínar eigin leiðir í henni veröld, sagði Trump forseti í stefnuræðu sinni.

Hægt og sígandi læra Bandaríkin af mistökum sínum í Íraksstríðinu 2003 og afskiptum af innanlandsmálum í Sýrlandi og Líbýu. Ein afleiðing af mistökunum er vöxtur herskárra hreyfinga múslíma - sem Trump ætlar að berjast gegn af fullum krafti.

Nató getur ekki lengur treyst á að Bandaríkin fjármagni starfsemina með líkum hætti og áður. Þar af leiðir að vopnaskakið við landamæri Rússlands verður ekki lengur með stuðningi Bandaríkjanna. Í Evrópu skapast forsendur fyrir friðsamlegri samskiptum í austurátt.

Trump gæti reynst meiri friðarforseti en margur hugði.

Þjóðarstoltið verði endurvakið