Sjálfstæðisflokkurinn heldur lífi í ríkisstjórninni

Aðalástæðan fyrir því að ríkisstjórn Jóhönnu Sig. heldur lífi er Sjálfstæðisflokkurinn. Þingmenn Sjálfstæðisflokksins eru skítlogandi hræddir við kosningar. Brátt bætist við þingflokkinn útrásargóss í formi Þorgerðar Katrínar Gunnarsdóttur sem mun berjast með kjafti og klóm fyrir því að kosningar verða ekki haldnar fyrr en í lok kjörtímabilsins.

Fyrir á fleti í þingflokknum er Guðlaugur Þór Þórðarson sem er alveg til í að fylgja aðlögunarferli Samfylkingar að Evrópusambandinu til heimsenda bara ef það verður til að fresta kosningum.

Fimmtu herdeild ríkisstjórnar Jóhönnu Sigurðardóttur er að finna í þingflokki Sjálfstæðisflokksins.

ESB-RUV til skammar

Stærsta og umdeildasta pólitíska spurning seinni tíma er hvort Íslandi eigi að ganga inn í Evrópusambandið eða standa utan þess. Hvað gerir RÚV sem á að heita þjóðarfjölmiðill? Jú, í umræðuþætti eru þrír aðildarsinnar fengnir til að dásama Evrópusambandið.

Í vikulokin í morgun mátti heyra þau Guðmund Gunnarsson formann Rafiðnaðarsambandsins, Margréti Frímannsdóttur frá Samfylkingu og Benedikt Jóhannesson formann í félagsskap aðildarsinna. Öll þrjú einlægir aðildarsinnar.

Það er vitanlega ekki heil brú í RÚV.

 

Engilsaxnesk frjálshyggja og evrópsk forsjá

Óhefluð engilsaxnesk frjálshyggja leiddi yfir okkur hrunið. Evrópsk forsjá færði okkur úr öskunni í eldinn. Ísland er á milli tveggja heima og má hvorugum ánetjast en eiga vinsamleg samskipti við báða. Saga okkar og landafræði staðfestir að tortryggið vinasamband í austur og vestur er farsælasta utanríkisstefnan.

Jörundur hundadagakonungur reyndi til lýðveldis á Íslandi fyrir 200 árum. Í utanríkismálum stóð tvennt upp úr: Ísland færi undan yfirráðum Danmerkur og undir verndarvæng Bretlands. Það gekk ekki eftir fyrr en hálfri annarri öld síðar þegar Ísland afþakkaði evrópska forsjá með því að stofna lýðveldi og gerði samtímis bandalag við Bandaríkin.

Þegar Bandaríkin kvöddu undir lok síðustu aldar greip ótti ístöðulitla og leituðu þeir evrópskrar forsjár. Hrunið gaf þeim tækifæri til að ná tökum á stjórnvaldinu og því er hluti ríkisvaldsins í aðlögunarferli að Evrópusambandinu.

Þjóðin veit af sögu sinni að evrópsk forsjá leiðir til eymdar og volæðis um aldir.

Baugsfeðgar og farsabankinn

Arion banki leiðir Baugsfeðga út úr Högum og gefur þeim tuskubúðir, bíla og fasteignir. Um leið er gerður samningur um að ganga ekki að öðru fyrirtæki feðganna, Gaumi. Hvað veldur?  Hvaða tök hafa feðgarnir á Arion banka sem gerir þeim mögulegt að halda farsanum áfram?

Arion banki segir að fyrir tuskubúðirnar eigi feðgarnir að greiða 1,2 milljarða kr. í reiðufé. Sömu feðgar skulda sama banka margfalt hærri upphæð vegna Gaums. Jón Ásgeir gefur það upp vegna lögsóknar Íslandsbanka að hlutabréf í Gaumi séu einskins virði. Hvers vegna gerir Arion banki kyrrstöðusamning við félag sem eigandinn telur einskins virði?

Arion banki sérhæfir sig í farsaþjónustu.

Arion banki gerir kyrrstöðusamning við Gaum