Össur í orrustu fyrir undanþágur

Eins og aðrir á Össur Skarphéðinsson fulla rétt til að haga sér eins og hálfviti. Í rúmt ár er utanríkisráðherra búinn að undirbúa aðildarviðræður við Evrópusambandið. Það líður að stóru stundinni og rúnnaði íslenski ráðherrann mætir evrópskum starfsbræðrum sínum. Hvað ætlar að Össur að segja? Jú, stóru málin eru tvö

Það er sjávarútvegur og landbúnaður, þó vitaskuld séu önnur atriði einnig reifuð. Megináherslan er þó á það tvennt.

Stóru málin eru sem sagt ætlaðar undanþágur frá reglum félagsskaparins sem kallar saman heila ríkjaráðstefnu vegna umsóknar Íslands.

Það er vitanlega ekki heil brú í málflutningi Össurar. Siðmenntaðar þjóðir þar sem ráðherrar eru með sæmilega dómgreind draga ekki ríkjasamtök á asnaeyrunum. Ef minnsti vilji væri hjá íslensku þjóðinni að ganga í Evrópusambandið væru þung og sannfærandi rök fyrir inngöngu sem utanríkisráðherra landsins myndi reifa á ríkjaráðstefnunni. Engum slíkum rökum er til að dreifa.

Össur Skarphéðinsson hagar sér eins og hálfviti á kostnað Íslendinga.

 

Aukinn stuðningur við aðild

Árni Þór gengur erinda Samfylkingar

Samfylkingin er einangruð í afstöðu sinni til Evrópusambandsins. Samfylkingin er eini stjórnmálaflokkurinn sem vill inngöngu á meðan aðrir flokkar eru ýmist harðir á móti, þ.e. Sjálfstæðisflokkur og Vg, eða myndu íhuga umsókn ef Evrópusambandið breyttist - Framsóknarflokkurinn.

Árni Þór Sigurðsson var kjörinn á þing fyrir Vinstrihreyfinguna grænt framboð. Í júní ályktaði flokksráð Vg á eftirfarandi hátt

Flokksráðsfundur VG samþykkir að vísa tillögu um að aðildarumsókn að Evrópusambandinu verði dregin til baka, til málefnaþings sem haldið verður á haustmánuðum.

Forsendur ESB umsóknar eru breyttar og í því ljósi er mikilvægt að málið verði tekið til gagngerrar endurskoðunar. Jafnframt felur flokksráð stjórn flokksins að skipa hið fyrsta undirbúningshóp til að halda utan um meðferð málsins fram að málefnaþinginu vegna fyrirhugaðs málefnaþings.

Flokksráð ítrekar andstöðu VG við aðild að Evrópusambandinu og vísar til fyrri samþykkta í þeim efnum.

Árni Þór veit jafnvel og allir sem fylgjast með stjórnmálum að meginþorri flokksmanna Vg er á móti aðild Íslands að Evrópusambandinu og vill draga umsóknina tilbaka.

Árni Þór ætti að sýna sitt rétta andlit og ganga í Samfylkinguna.

 

Ganga erinda landsfundar

Konur sigra karla í kreppu

Konuveröld björt og ný blasir við þegar kreppan sleppir taki á okkar heimshluta. Þýska tímaritið Der Spiegel staðfestir að fréttir af undanhaldi karla á Íslandi er ekki einangrað tilvik heldur hluti af þróun frá karlaheimi til kvenlegra hagkerfis.

Dæmigerðum karlastörfum á Íslandi fækkar, t.d. í byggingariðnaði og verktöku. Í Þýskalandi eru það störf í vélaframleiðslu og bílaiðnaði sem kreppan heggur í. Það er athugunarefni að í jafn ólíkum hagkerfum og hráefnahagkerfinu íslenska og þýska iðnaðarveldinu skuli karlastarfsgreinar í báðum tilvikum verða verr úti.

Þegar haft er í huga að konur eru í meirihluta nemenda í öllum háskólagreinum verður þess ekki langt að bíða að körlum verði ofaukið í stjórnunar- og sérfræðistörfum. Karlinn er best geymdur heima. 

Kreppan bitnar á körlum