Skyndilýðræði

Tæknilausnir á pólitískum, félagslegum og siðferðilegum úrlausnarefnum eiga það iðulega sammerkt að einfalda flókinn veruleika. Lýðræði er töluvert meira en atkvæðagreiðsla um tvo eða fleiri kosti. Skuggaborg opnar möguleika að að setja fram margar hugmyndir, fá umræðu og atkvæðagreiðslu.

Á endanum þarf einhver að ákveða hvenær umræðu lýkur og hvaða kostir skuli vera í framboði og hvernig eigi að gera upp á milli þeirra. Þegar búið að að kjósa þarf að framkvæma og þá er að ákveða hversu lengi ákvörðun á að standa. Ef til dæmis samþykkt verður að steypa upp Tjörnina til að leysa bílastæðisvandamál miðborgarinnar má biðja um nýja atkvæðagreiðslu að ári til að endurheimta Tjörnina. Verður hægt að fá hana til baka?

Skyndilýðræði er eins og skyndimatur og skyndikynni. Fullnægjandi meðan á stendur en skilur eftir tómleikatilfinningu þegar frá líður.

Skoðanaskipti í Skuggaborg

Besti flokkur atvinnulífsins eru bankarnir

Bankarnir baka atvinnulífinu tjón með ákvarðanafælni og úrræðaleysi. Ástæðan fyrir bankaruglinu er algjörlega misheppnuð endurreisn þeirra. Ríkisstjórn Jóhönnu Sig. gerði þau grundvallarmistök að tryggja ekki ábyrgð og trúverðugleika bankastarfseminnar þegar þeir voru endurreistir.

Hornsteinn ábyrgðar og trúverðugleika er gangsæi - það verður að liggja fyrir hverjir eiga bankanna. Steingrímur J. fjármálaráðherra féllst á að huldufólk mætti eiga bankana enda haga bankamenn sér eins og álfar út úr hól.

Bjánaskapur bankanna er margvíslegur; þeir halda lífi fjárhagslega og siðferðilega gjaldþrota aðilum eins og Baugsbatteríinu; þeir standa í fyrirtækjarekstri um allar þorpagrundir og enginn þorir í samkeppni við þá; þeir falsa bækur sínar með nafnverðmætum ónýtra fyrirtækja.

Yfir öllu draslinu stendur yfirfjármálatrúður landsins. Hann er bara ekkert fyndinn.

Reiði, fyndni og pólitík

Hjörleifur Kvaran er útrásarembættismaður í subbustofnun þar sem snillingar eins og Alfreð Þorsteinsson, Björn Ingi Hrafnsson og Guðlaugur Þór Þórðarson nauðguðu almannaþjónustunni í þágu auðmanna.

Krafa um að spúlað sé út í OR heyrist úr baklandi væntanlegra meirihlutaflokka, Besta bullsins og Samfylkingarinnar.

Gnarristar hljóta að geta breytt allri hörmunginni í góðan brandara.

„Gjaldskráin verður að hækka“

Ísbirnir, rónar og heitt vatn

Besti flokkurinn og samfylkingarhækjan eru komin með verðugt verkefni áður en meirihlutinn er myndaður í höfuðborginni. Í stað þess að hækka heita vatnið um 37 prósent, líkt og OR segir nauðsynlegt, er hægt að fara nýstárlegar leiðir.

Ísbjarnarinnflutningur, þar sem Húsdýragarðurinn er miðstöð, gefur tækifæri til frekari þróunar. Leigja má ísbirni inn á reykvísk heimili gegn vægu gjaldi enda dýrin með mikinn hitaforða. Það ætti að lækka hitunarkostnaðinn.

Þá ættu rónar, sem Besti flokkurinn fóstrar, að geta miðlað af reynslu sinni að sofa undir berum himni. Fólk sem er vant að hafa 26 gráður innihiti gæti alveg komist af með svona 7 gráður eftir að hafa lært af rónum.

Skemmtunin tekur engan enda með Degi bé og bestafólkinu.

Heita vatnið þarf að hækka um 37%