Hagkerfi nýfrjálsra ríkja

Eystrasaltslöndin, Spánn, Portúgal og Grikkland glíma við hvað mestu efnahagsörðugleikana í ESB. Ríkin eiga það sameiginlegt að hafa búið við ólýðræðislega stjórnarhætti til skamms tíma.

Bætum við Íslandi og Írlandi sem, hvort á sína vísu, eru síðbúin í iðnvætt borgaralegt samfélag.

Spurning. 

Afskriftir til fyrirtækja, eymd fyrir heimilin

Stefna ríkisstjórnarinnar er að láta heimilin sigla sinn sjó en láta fyrirtækin njóta afskrifta af skuldum. Björgunaraðgerðir stjórnvalda koma útrásarauðmönnum ágætlega, til dæmis Ólafi Ólafs og Baugsfeðgum, en almenningur er afskiptur.

Talsmenn ríkisstjórnarinnar keppast hver um anna þveran að lýsa yfir að skuldaafskriftir sem fyrirtækjum bjóðast séu ekki raunhæfar fyrir almenning.

Hver tók þá ákvörðun að fyrirtæki skyldu njóta forgangs til afskrifta?

Þorsteinn Páls vill nýja Baugsstjórn

Fyrrverandi formaður Sjálfstæðisflokksins, Þorsteinn Pálsson, skrifar grein í baugsútgáfuna í dag þar sem hann leggur að jöfnu vinstriarm Vinstri grænna og Sjálfstæðisflokkinn. Þorsteinn gefur sér að Samfylkingin sé miðpunktur íslenskra stjórnmála og það sé Sjálfstæðisflokksins að ganga til liðs við Samfylkinguna og losa flokkinn úr viðjum Vinstri grænna.

Hrunverjadeild Sjálfstæðisflokksins bjó til ríkisstjórn Samfylkingar og Sjálfstæðisflokks undir forsæti Geirs H. Haarde. Hreinn Loftsson mærði þessa ríkisstjórn og gerði hana að réttnefndri Baugsstjórn þar sem Samfylkingin var í ökumannsætinu og sjálfstæðismenn hræddir hérar.

Þorsteinn Pálsson óskar sér ESB-vædda Baugsstjórn til að fullkomna hrunið með fullveldisafsali til Evrópusambandsins. 

 

Bakdyr Baugslands Sigga G.

Sigurður G. Guðjónsson var um árabil hægri hönd Jóns Ólafssonar sem kennur er við Skífuna. Jón Ásgeir Baugsstjóri keypti þrotabú Jóns um aldamótin og Sigurður G. fylgdi með sem rekstrarmaður fjölmiðla Baugs. Sigurður G. reyndist Jóni Ásgeiri vel í stríðinu um fjölmiðlafrumvarpið.

Lögmaðurinn var kosningastjóri Ólafs Ragnars Grímssonar árið 1996. Sigurður G. nýtti sér bakdyrnar að stjórnkerfinu til að fá forsetaneitun fjölmiðlalögin árið 2004. Þar með var tryggt auðmannaræði á fjölmiðlamarkaði.

Jón Ásgeir tók hins vegar Gunnar Smára Egilsson ritstjóra fram yfir Sigurð G. í uppbyggingu fjölmiðlaveldis heima og erlendis. Gunnar Smári brenndi baugsmilljörðum í Bretlandi og Danmörku en Sigurður G. stofnaði 24-stundir til að keppa við Fréttablað Baugs. Hann komst  í gættina á bakdyrum Árvakurs útgáfufélags Morgunblaðsins en var gerður afturreka.

Saman greri með þeim félögum Sigurði G. og Jóni Ásgeiri áður en útrásin rann sitt skeið. Sigurður G. var í stjórn Glitnis þegar Seðlabankinn keypti 75 prósent bankans en lögmaðurinn sagði það rán. Í raun var bankinn einskins virði.

Sigurður G. er  enn á mála hjá Jóni Ásgeiri og reynir að komast bakdyramegin inn í kröfuaðila Fons til að verja hagsmuni Jóns Ásgeirs.

Bakdyramenn eins og Sigurður G. eru ávallt til þjónustu reiðubúnir.

 

Keypti sér kröfu á Fons