ESB að kveikja á samfóplottinu

Evrópuþingið ræddi umsókn Íslands um aðild að ESB í vikunni. Samkvæmt samantekt þingsins settu þingmenn fram efasemdir um raunverulegan vilja Íslendinga til að ganga í sambandið og spurðu hvort íslenska umsóknin ætti nokkurn stuðningi heima fyrir. Áhrifamikill þýskur þingmaður, Elmar Brok, hafði orð fyrir efasemdarmönnum.

Elmar Brok (EPP, DE), noted that Iceland is ideally located for energy supplies and said that only 33% of Icelanders would support joining the EU. "Can we negotiate with a population who is likely to say no in the end? The Norwegians told us no twice in the past!", he asked, a view echoed by MEPs Hannes Swoboda (S&D, AT) and Ulrike Lunacke (Greens/EFA, AT).

Brok eins og þýsku þigmennirnir sem eru í heimsókn hér veit sínu viti. Hann væri hlynntur inngöngu Íslands, m.a. vegna auðlindanna, en sér ekki miklar líkur á að íslenska þjóðin sé á leiðinni í Evrópusambandið.

Samfylkingin gerði aðild að kosningamáli fyrir tæpu ári vegna þess að flokkurinn vildi ekki ræða fortíð sína í hrunstjórn Geirs H. Haarde í einn stað og í annan stað vegna þess að flokkurinn hafði ekkert fram að færa. Betra að veifa röngu ESB-tré en alls öngvu, var kosningastrategía Samfylkingarinnar.

Merkingarlausa samfóplottið verður okkur dýrt í Evrópu ef við grípum ekki strax í taumana og drögum umsóknina til baka.

 

Þýsk niðursöllun á ESB-rökum

Vesalingarnir á Íslandi sem enn halda fram ágæti þess að landið gangi í Evrópusambandið fengu enn eina gusuna yfir sig í Spegli kvöldsins. Þar var sagt frá blaðamannafundi í þýska sendiráðinu með þingmönnum Bundestag sem næstu vikur fjalla um ESB-umsókn Íslands. Þýsku þingmennirnir eru ekki málpípur framkvæmdastjórnar ESB heldur tala þeir blátt áfram og segja hlutina eins og þeir eru.

Meðal þess sem kom fram er að Ísland mun greiða meira til Evrópusambandsins en það fær þaðan í formi styrkja, einfaldlega vegna þess að þrátt fyrir hrun eru Íslendingar ríkari en meðalmaðurinn í Evrópu. ESB mun sem sagt jafna íslensk lífskjör niður í evrópskt meðaltal.

Þingmennirnir sögðu að Ísland yrði að breyta sjávarútvegsstefnu sinni og hleypa útlendingum í útgerðina. Þá verðum við líkast til að hætta að veiða hvali.

Þýskir sögðust telja Ísland áhugavert vegna nálægðar við norðurslóðir en þar eru náttúruauðlindir og auk nýrra skipaleiða í fyrirsjáanlegri framtíð. Íslenskir aðildarsinnar hafa hingað til ekki mátt heyra á það minnst að ESB kynni að hafa áhuga á legu landsins.

Þjóðverjarnir munu án efa taka vel á móti okkur, það er af Samfylkingin fær nokkru ráðið.

 

 

 

Samfylkingin undirbýr uppsögn Vg

Samfylkingin leitar undankomu úr ríkisstjórnarsamstarfi við Vinstri græna. Magnús Orri Schram þingmaður var gerður út af örkinni í hádegisfréttum til að hafi í frammi efasemdir um hvort hann gæti afram stutt aðgerðalausa ríkisstjórn. Í gær var annar nýliði þingflokksins, Sigmundur Ernir, í fjölmiðlum með sömu sjónarmið.

Strategía Samfylkingarinnar er að kenna Vinstri grænum um aðgerðarleysið. Samfylkingin mun biðla til Sjálfstæðisflokksins um stjórnarsamstarf í framhaldinu.

Til að gera sig meira aðlaðandi í augum Sjálfstæðisflokksins yrði Samfylkingin jafnvel til í að fórna ESB-umsókninni. Hvorki Magnús Orri né Sigmundur nefndu Evrópusambandið einu orði.

Frystum Icesave og ESB

Ríkisstjórnin gerist sek um gönuhlaup þegar í upphafi ferilsins með því annars vegar að hrapa að samningum við Breta og Hollendinga um Icesave reikningana og hins vegar að sækja um aðild að ESB. Á meðan rykið hefur ekki sest eftir hrunið hér heima og fjármálakreppa geisar í útlöndum er ráðlegt að fara sér hægt.

Jóhönnustjórnin ætlaði sér of margt á of stuttum tíma. Að auki var hún sjálfri sér sundurþykk þar sem pólitískir glæframenn í Samfylkingunni kúguðu Vinstri græna til að svíkja sannfæringu sína og kjósendur í ESB-málinu.

Icesave-málið og ESB-umsókn á að leggja á hilluna. Ef það þýðir að samstarfið við AGS komist í uppnám verður að slíta því. Jóhönnustjórnin getur þetta ekki og því á hún að víkja.

Sérfræðingar segja að ríkið þurfi að leita til Parísarklúbbsins