Samfylkingin þvær hendur sínar af Icesave

Eins og við manninn mælt taka samfylkingarmenn vísbendingu Kristrúnar Heimisdóttur í grein i Fréttablaðinu í dag: Icesave-samningurinn er alfarið á ábyrgð Vinstri grænna. Fjármálaráðherra skipaði vildarvin sinn og pólitískan fóstra, Svavar Gestsson, yfir samninganefndina og sá fargaði hagsmunum Íslands.

Samfylkingarlínan um Icesave-málið kemur heim og saman við náttúru flokksins, sem er að sækjast eftir völdum en afneita allri ábyrgð.

Jóhanna forsætis er farin í vetrarfrí, líklega vegna þess að jafnvel henni líður ekki vel með aðferð Samfylkingarinnar við að láta Steingrím J. dingla einan í snörunni.

Byr fari í gjaldþrot

Byr er útrásarsparisjóður sem engin tengsl hefur við samfélagið sem sjóðurinn á að þjóna. Byr á að slá af og skapa þar sem svigrúm fyrir aðrar fjármálastofnanir.

Byr er skólabókardæmi um græðgisvæðingu útrásartímabilsins og á vitanlega að fara sömu leið og Spron.

Nú þegar eru þeir of margir sem veita fjármálaþjónustu hér á landi. Of þung yfirbygging veit aðeins á vaxtamun þar sem almenningur mun þurfa að greiða hærri vexti til að standa undir ofvexti í fjármálageira.

Ríkið vill eignast Byr

Tvöfaldur glæpur Arion

Arion banki vinnur gegn samfélaginu sem bankinn á að þjóna. Í tilfelli Haga er bankinn sekur um tvöfaldan glæp. Í fyrsta lagi með því að selja Haga í heilu lagi og þar með einokunarstöðu sem fyrirtækið hefur á smásölumarkaði. Í öðru lagi að leyfa aðkomu Baugsfeðga, Jóns Ásgeirs og Jóhannesar, að fyrirtækinu sem þeir settu á hausinn.

Samþjöppun auðs var forsenda fyrir útrásinni sem leiddi yfir okkur hrunið. Baugsfeðgar notuðu yfirþyrmandi stöðu sína á smásölumarkaði til að útiloka samkeppni. Arði af fákeppnisrekstri var veitt í áhættufjárfestingar hér heima og erlendis.

Arion leggur grunn að nýrri útrás Baugsfeðga með því að leyfa þeim að halda Högum.

Við eigum að setja viðskiptabann á Arion banka.

Ýmsar leiðir færar við að tryggja dreifða eignaraðild