Viðskiptaráð, hrunmenn og meðhlauparar

Viðskiptaráð gortaði af því á tímum útrásar að þing og ríkisstjórn fóru að öllum tilmælum ráðsins. Útkoman var hrunið. Þar sem áður voru aðalmenn útrásarinnar Björgólfar, Baugsfeðgar, Bakkavararbræður, Ólafur Ólafsson, Pálmi í Fons, Wernersbræður og aðrir sem gengu heilir til skógar eru núna á vettvangi Viðskiptaráðs aðeins stöku meðhlauparar.

Þorsteinn Pálsson er kynntur sem fyrrum ráðherra en ekki Baugsritstjóri sem mældi upp lygina um útrásina handa lesendum Fréttablaðsins sem á hverjum morgni var sendur lygasnepill Baugsfeðga undir traustri ritstjórn Steina Páls.

,,Er framtíð fyrir íslenskt atvinnulíf?" er spurt á þingi Viðskiptaráðs. Svarið er þetta: Atvinnulífið á sér framtíð án hrunmanna og meðhlaupara þeirra.

Er framtíð fyrir íslenskt viðskiptalíf?

Útrársarmenn bjóða mútur

Samtök atvinnulífsins vilja moka yfir spillinguna og einbeita sér að hagvexti. Það er skiljanlegt vegna þess að SA er spillingarbæli útrásarinnar. Á næstunni munu koma fram skilaboð frá SA að ekki megi tefja atvinnuuppbygginguna með því að krefjast reikningsskila vegna útrásaröfganna og auðgunarbrota helstu snillingana.

Samtök atvinnulífsins halda að þjóðin sé ginnkeypt fyrir mútum um mikinn hagvöxt í stað uppgjörs við spillingaráratuginn. Samtök atvinnu lífsins halda að fólk kaupi það að milljón króna mennirnir hjá SA hafi áhyggjur af atvinnuleysi og velferðarmálum.

Nei takk, við förum í gegnum uppgjörið við umbjóðendur Villa Egils. Við látum ekki Jón Ásgeir, Ólaf Ólafs, Finn Ingólfs, Wernerbræður, Pálma í Fons, Bakkavararbræður, Sigurð Einars og Hreiðar Má og hina gaurana sem nærri settu þjóðina á hausinn kaupa sig frá réttlætinu.

Atvinnuleysið ekki ásættanlegt

Gríska kreppan breytir Evrópusambandinu

Grikkland er lítið land á evrópska vísu, telur 10 millljónir íbúa. Þjóðverjum og Frökkum væri ekki skotaskuld úr því að bjarga Grikkjum úr fjárhagsvandræðunum. Vandi stórríkjanna er að á eftir Grikklandi gætu komið lönd eins og Portúgal, Spánn og Írland sem vildu fá sömu fyrirgreiðslu og Grikkir. Þessi lönd glíma öll við fjallháar opinberar skuldir og stórfellt atvinnuleysi.

Evrulöndin 16 mynda kjarnasamstarf Evrópusambandsins. Evran er pólitískt gjald sem Frakkar kröfðust af Þjóðverjum þegar þýsku ríkin tvö sameinuðustu fyrir 20 árum. Myntsamstarfinu fylgdi ekki fjármálasamstarf þar sem hvert ríki ber ábyrgð á eigin fjármálum. 

Stöðutaka spákaupmanna gegn evru felst m.a. í veðmálum gegn því að Grikkir nái að fjármagna skuldir ríkisins. Grísk evruskuldabréf bera mun hærri vexti en þýsk og endurspeglar það litla tiltrú á grískri efnahagsstjórnun.

Gríska vandamálið var ekki leyst á fundi forseta Frakklands og kanslara Þýskalands í síðustu viku. Aðeins var lofað að það yrði leyst og þannig voru keyptir fáeinir dagar.

Í grunninn eru aðeins tveir möguleika í stöðunni. Annars vegar að myntsamstarfið leysist í sundur og hins vegar að evrulöndin sameinist um miðstýrða efnagasstjórnun.

Hvor heldur leiðin sem verður ofa á gerbreytist Evrópusambandið.

Hér er yfirferð yfir grísku kreppuna í Telegraph.