Fylgi Samfylkingar hrynur

Samfylkingin myndi missa um þriðjung þigmanna sinna, færi úr 20 í 14, yrði gengið til kosninga nú, samkvæmt nýrri skoðanakönnun á vefsvæðinu heimur.is Vinstri grænir eiga meira fylgi meðal þjóðarinnar samkvæmt þessari könnun, 26 prósent en Samfylkingin mælist með 22 prósent fylgi.

Samfylkingin er að einangrast í íslenskri pólitík. Einn flokka vill Samfylkingin sækja um aðild að ESB. Skilaboðin sem Brussel fær í aðdraganda þess að ráðherraráðið tekur afstöðu til umsóknar Samfylkingarinnar um aðild er að aðeins fimmtungur þjóðarinnar styður aðildarflokkinn.

Einangrun Samfylkingar mun halda áfram vegna þess að flokkurinn hefur enga viðspyrnu hvorki sem þjóðfélagsafl né fulltrúi nokkurra lífsgilda sem þjóðin finnur til samkenndar með.

Grikkir upp á þýska náð og miskunn

Þýskalandskanslari og Frakklandsforseti ákváðu í dag að Grikkjum skyldi bjargað frá gjaldþroti. Á fundinum með Merkel og Sarkozy voru upp á punt van Rompuy nýkjörinn forseti Evrópusambandsins og Trichet yfirmaður Evrópska Seðlabankans. Van Rompuy er án umboðs Evrópusambandsins þar sem aðeins 16 ríki af 27 eru með evru og Trichet er bannað að skera einstök evru-ríki úr snörunni þar sem Þjóðverjar kröfðust þess á sínu tíma að Seðlabankinn hefði ekki heimild til að borga reikninga óreiðuríkja.

 Times greinir frá þessari ákvörðun með svofelldum orðum

The leaders of France and Germany agreed today to work together to tackle the Greek debt crisis but failed to reassure jittery European financial markets.
Both the euro and Greek government bonds enjoyed a moment of respite after reports that the new EU President, Herman Van Rompuy, had brokered a bailout deal in a meeting this morning with President Sarkozy, Chancellor Angela Merkel and Jean-Claude Trichet, head of the European Central Bank.

Þetta þýðir að Grikkir þurfa að semja beint við Þjóðverja um stuðning, en það er Berlín sem mun veita stærstu lánin, og þýskir setja reglurnar.

 

 

Samtök iðnaðarins fjölpósta fyrir klofninshóp Sjálfstæðisflokksins

Samtök iðnaðarins hafa sent út fjölpóst til félagsmanna sinna með hvatningu um að þeir gangi til liðs við klofningshóp Benedikts Jóhannessonar og Ragnheiðar Ríkharðsdóttur sem undirbúa stofnun flokksdeildar Sjálfstæðisflokksins með áherslu á inngöngu í Evrópusambandið.

Yfir sjö af hverjum tíu sjálfstæðismönnum er andvígur inngöngu í Evrópusambandið. Hópur Benedikts hefur starfað um hríð og beitti sér m.a. fyrir sammala.is sem hvatti sjálfstæðismenn til að kjósa Samfylkinguna við síðustu þingkosningar.

Samtök iðnaðarins hafa sent félagsmönnum sínum fjölpóst undanfarið þar sem hvatt er til þess að félagsmenn samtakanna gangi til liðs við nýja aðildarsinnaða flokksdeild Sjálfstæðisflokksins.

Arion sigar Baugsfeðgum á þjóðina

Fréttir af fjármálahryðjuverkum Baugsfeðga halda áfram að leka út. Þeim Jóni Ásgeiri og Jóhannesi Jónssyni leiðst að taka snúning ofan á snúning á með útrásargalskapurinn stóð sem hæst. Ætla mætti að eftir hrun, þegar fáheyrð ósvífni þessara manna stendur afhjúpuð, myndu ábyrgir aðilar sameinast um að úthýsa feðgunum úr íslensku viðskiptalífi.

En því er ekki að heilsa og Baugsfeðgar njóta stuðnings á ólíklegustu stöðum. Arion banki sem á milljarða útistandandi hjá feðgunum lítur bersýnilega á það sem sérstakt hlutverk sitt að þeir fái áfram að stunda sína iðju.

Amx vekur athygli á frétt í RÚV um að yfirveðsettur 400 fermetra fjallakofi  Jóhannesar Jónssonar í Eyjafirði verði mögulega yfirtekinn af Arion banka vegna þess að ekki er greitt af 370 milljón króna skuld sem hvílir á setrinu.

Hversdagsfólk kemst ekki upp með að borga ekki af húsnæði sínu en fá sérmeðferð með aðrar eigur sínar, líkt og Arion býður Baugsfeðgum hvað verslunarveldið Haga áhrærir.

Arion banki þarf að útskýra hvers vegna bankinn leggur slíka fæð á íslenska þjóð að Baugsfeðgar fái stuðning bankans til að stunda áfram fjármálahryðjuverkin með alræmdum afleiðingum.

Og Vodafone skuldsett í viðskiptum við eigendur