ESB herðir kröfur um aðlögun

Evrópusambandið gerir auknar kröfur um aðlögun þeirra ríkja sem sækja um aðild að sambandinu. Í aðlögun felst að umsóknarríki taki jafnt og þétt upp lög og reglugerðir Evrópusambandsins samhliða aðildarviðræðum. Samkvæmt útgáfu Evrópusambandsins er um að ræða um 90 þúsund blaðsíður af lögum og reglum sem ætlast er til að umsóknarríki innleiði í sín lög.

Stækkunarstjóri Evrópusambandsins, Stefan Füele, útskýrir þessar nýju áherslur í viðtali við fjölmiðil sem sérhæfir sig í umfjöllun um stækkun Evrópusambandsins í suðaustur hluta álfunnar.

The EU has taken an increasingly cautious approach to further enlargement. Some new mechanisms in the negotiation process with candidate countries have been installed, with Croatia and Turkey the first to be subjected to the new rules.

The rules were intended to enhance "credibility" said Mr Fuele, who specifically mentioned the introduction of opening benchmarks (candidate countries have to meet certain criteria even before they can open a chapter) and the requirement of a positive "track record" as a condition for a chapter to be closed.

Samningaviðræður við umsóknarríki er skipt á 35 kafla. Nýju reglurnar kveða á um að umsóknarríki skuli mæta tilteknum viðmiðum eða kröfum og sýni fram á árangur áður en samningaviðræður eru opnaðar um nýjan kafla.

(tekið af heimssyn.is)

Samfylking eltir skottið á töpuðum málstað

Samfylkingin varð frjálshyggjuflokkar þegar Sjálfstæðisflokkurinn sá að í óefni var komið og frelsið var orðið annað heiti yfir óreiðumenn. Samfylkingin gerðist auðmannasleikja þegar Sjálfstæðisflokkurinn þvoði hendur sínar að mönnum eins og Sigurði Einarssyni og Hreiðari Má í Kaupþingi og Jón Ásgeiri Jóhannessyni í Baugi.

Þegar málefni er orðið gjaldþrota má treysta að dómgreindarlaus forysta Samfylkingarinnar stökkvi til. Der Spiegel, helsta fréttatímarit Þýskalands, flytur reglulega fréttir af vaxandi andstöðu við evruna í Þýskalandi. Í samantekt sem birtist í dag í enskri útgáfu tímaritsins er vísaði í skoðanakönnun frá í desember sem sýnir 57 prósent Þjóðverja sammála staðhæfingu um að þýska markið þjóni þeim betur en evran. Önnur könnun sýnir átta af hverjum tíu Þjóðverjum hafa áhyggjur af stöðugleika evrunnar.

Andstaðan við evruna vex í stjórnmálaflokkum og fleiri en ein grasrótarsamtök eru í burðarliðnum sem eiga það sameiginlegt að vilja endurheimta þýska markið. Kærur eru tilbúnar fyrir þýska stjórnlagadómstólinn frá lagaprófessorum sem fullyrða að stjórnarskrá Þýskalands leyfi ekki að peningum skattborgarana sé sólundað í óreiðuríki í Suður-Evrópu.

Og einmitt þegar Þýskaland, sem fjármagnar evruna og er eina landið sem getur haldið henni uppi, fyllist efasemdum um gjaldmiðilinn þá sannfærist forysta Samfylkingarinnar enn frekar að evran sé heppilegasti gjaldmiðillinn fyrir lýðveldið Ísland. Grein Árna Páls Árnasonar viðskiptaráðherra er stúdía í fáránleika. Árni Páll er maður sem rær lífróður að sökkvandi Titanic og vill ólmur kaupa farmiða. Ef það væri aðeins samfylkingarforystan sem ætlaði um borð gæti okkur staðið slétt á sama - en Arni Páll, Jóhanna ætla setja þjóðina um borð enda þau sjálf búin að tryggja sér björgunarbát.

Krónan og ónýta verkalýðsforystan

Verkalýðshreyfingin á Íslandi kom í veg fyrir í krafti ofbeldis að eðlilegur hagnaður yrði af atvinnustarfsemi. Með kaupkröfum úr öllu samhengi við efnahagslegan veruleika og tíðum verkföllum gróf verkalýðsforystan undan eðlilegri framþróun efnahagslífsins. Af óábyrgri verkalýðsforystu leiddi efnahagslegur óstöðugleiki með viðvarandi verðbólgu og gjaldfalli krónunnar.

Eftir þjóðarsáttina um afnám verðbólgu 1990 breytti verkalýðsforystan um stefnu og tók að iðka ævintýrapólitíkina í gegnum lífeyrissjóði þar sem elítan úr röðum atvinnurekenda annars vegar og hins vegar verkalýðsforystu muldi undir sjálfa sig á kostnað almennra félagsmanna.

Lífeyrissjóðirnir ásamt ódýru erlendu lánsfé fjármögnuðu útrásina og gerðu auðmönnum kleyft að veðsetja framtíð þjóðarinnar.

Einn helsti spunakarlinn úr röðum verkalýðsforystunnar, Guðmundur Gunnarsson, reynir allt hvað af tekur að kenna krónunni um eyðimörkina sem samkrullið í gegnum lífeyrissjóði landsmanna hefur leitt yfir þjóðina.

Verkalýðsforystan og auðmenn eru samherjar þegar kemur að því að kenna krónunni um efnahagsástandið á Íslandi. Krónan var enginn gerandi í útrásinni.

Jón Ásgeir stefnir fréttamanni RÚV

Jón Ásgeir Jóhannesson kenndur við Baug telur sig vera yfir aðra dauðlega menn hafinn. Hann telur sjálfsagt að eiga stóra sneið af fjölmiðlamarkaðnum á Íslandi og nota þau yfirráð til að draga fjöður yfir fjármálaglæpi sem hann að aðrir auðmenn bera ábyrgð á. Jafnframt beitir Jón Ásgeir hótunum í garð þeirra sem ekki eru á mála hjá honum og segja fréttirnar eins og þær koma fyrir.

Jón Ásgeir hefur stefnt Svavari Halldórssyni fréttamanni RÚV fyrir fréttaflutning um fjárhagslega snúninga Jóns Ásgeirs og félaga.

Dómsmálið verður prófsteinn á það hvort auðræði ríkir enn á Íslandi.