Aðlögunar-afneitun Fréttablaðsins

Fréttablaðið birti í dag heilsíðufréttaskýringu um Ísland og Evrópusambandið sem var sniðin fyrir aðildarsinna enda birta þeir fréttskýringuna á blogginu sínu. Annað tveggja er blaðamaðurinn sem skrifar fréttaskýringuna handónýtur fagmaður eða þjálfaður til að ljúga. Hann sér ekki og veit ekki það sem Evrópusambandið segir sjálft um að eina leiðin inn í sambandið er aðlögun.

Evrópusambandið býður ekki upp á óskuldbindandi viðræður, aðeins aðlögun sem felur í sér að umsóknarríki tekur jafnt og þétt upp lög og regluverk sambandsins, samtals 90 þúsund blaðsíður. Í útgáfu Evrópusambandsins segir ótvírætt hvað aðlögun felur í sér.

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable. (bls. 9, annar dálkur).

Blaðamaður Fréttablaðsins er svo illa að sér að hann kemur ekki auga á einföldustu staðreyndir. Nema, auðvitað, ritstjóri blaðsins, Ólafur Stephensen, fyrrum formaður félags aðildarsinna, hafi sagt blaðamanni að skrifa í samræmi við þarfir Brussel.

 

Eftirspurn eftir valdameiri forseta

Ein yrðing af þjóðfundi hefst með orðunum ,,Við viljum þrískiptingu valdsins, valdameiri forseta og varaforseta..."

Ólafur Ragnar gerir sig sem landsfaðir og fólk biður um meira.

Kreppa stjórnmálastéttarinnar birtist í yrðingum þjóðfundar þar sem enginn biður um meiri völd handa þingi eða ríkisstjórn.

Grunngildin skýrð á þjóðfundi

Uppgjörsfælni tefur endurreisn

Vexti eru lágir, nóg er af peningum á lausu og viðskiptaumhverfið er hagfellt. Samt gerist fátt í atvinnulífinu annað en Viðskiptaráð vælir og ASÍ grenjar út í stjórnarandstöðuna. Hver er ástæðan? Jú, uppgjörsfælni.

Ríkisstjórnin fer fyrir uppgjörsfælninni og er aðalvandinn. Ríkisstjórnin þorði hvorki í efnahagslegt uppgjör, útskýra fyrir fólki að meira verið ekki gert, né heldur í pólitískt uppgjör.

Uppgjörsfælnin tefur endurreisnina meira en nokkuð annað.

Viðskiptaumhverfi fremur gott á Íslandi

Velgengni Gnarr verður fall hans

Kjósendur vildu ekki stjórnmál síðast þegar þeir kusu í Reykjavík heldur persónu sem dró dár að pólitíkusum. Jón Gnarr var slík persóna. Mistökin sem hann gerði eftir glæsilegan kosningasigur var hætta ekki leiknum og valhoppa úr pólitíkinni fyndinn, hnarreistur og hvers manns hugljúfi.

Jón Gnarr gerði bandalag við Samfylkinguna til að verða borgarstjóri og fá eitthvað í aðra hönd fyrir ómakið. Fólki finnst hann ekki lengur skemmtilegur, hann er lúpulegur og vekur æ meiri andstyggð.

Uppistandarinn veldur ekki hlutverkinu að vera alvarlegur stjórnmálamaður og hann getur ekki stjórnað með fimmauratilsvörum.

Borgarstjórinn mun senn undirbúa brotthvarf sitt. Við skulum vona að það verði hægt að hlæja að þeirra uppákomu.

 

Samfylkingarhrunið og auðrónadeildin

Auðrónadeild Sjálfstæðisflokksins er með böggum hildar vegna fylgishruns Samfylkingarinnar. Eina von auðrónadeildarinnar um völd og áhrif í samfélaginu er í gegnum Samfylkinga sem mælist með 18 prósent fylgi. Þorsteinn Pálsson dálkahöfundur á Fréttablaðinu kennir öfgafólki yst til vinstri í Vinstri grænum um fylgistap Samfylkingarinnar sem fellur undir flokkinn langsóttar skýringar.

Samfylkingin og auðrónadeild Sjálfstæðisflokksins eiga þá hagsmuni sameiginlega hvorugir vilja pólitískt uppgjör við hrunið. Samkrull stjórnmálamanna og auðmanna er náttúrulegt ástand hjá samfylkingarelítunni og auðrónadeildinni. 

Við síðustu kosningar komst Samfylkingin hjá réttlátri refsingu almennings vegna aðildar flokksins að hrunstjórninni. Sjálfstæðisflokkurinn tók skellinn. Samfylkingin fékk sjens sem flokkurinn notaði illa. Fyrir það er flokknum refsað.