ESB-aðlögun er án umboðs þings og þjóðar

Samfylkingin og Össur Skarphéðinsson utanríkisráðherra hafa logið okkur hálfa leið til Brussel á þeirri forsendu að hægt sé að efna til óskuldbindandi viðræðna við Evrópusambandið og efna til þjóðaratkvæðis um samninginn. Evrópusambandið býður aðeins aðlögunarviðræður þar sem umsóknarríki aðlagar sig jafnt og þétt að regluverki ESB. Í reynd þýðir þetta að umsóknarþjóð er smátt og smátt innlimuð í Evrópusambandið.

Í samantekt sem Evrópusambandið gaf út um aðlögunarferli segir berum orðum að umsóknarþjóðir eigi að taka upp 90 þúsund blaðsíður af regluverki.

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable. (bls. 9, annar dálkur).

Samheitið ,,acquis" er notað um regluverk ESB. Þegar alþingi samþykkti aðildarumsókn 16. júlí 2009 var hvergi sagt að Ísland færi í aðlögunarferli og tæki jafnt og þétt upp regluverk ESB.

ESB-aðlögunin er hvorki með umboði alþingis né þjóðarinnar.

Yfirgangur minnihlutahópa

Lýðræði er annars vegar form bundið við lög og reglur og hins vegar samstaða um hvernig leysa eigi úr ágreiningsmálum. Lýðræði er iðkað með umræðu þar sem sjónarmið eru sett fram, þau gagnrýnd og valkostir ræddir.

Þegar los kemst á samfélagið, líkt og gerðist eftir hrun, sæta minnihlutahópar færis að stytta sér leið í umræðunni. Minnihlutahópar með sín sérmál hafa rétt til að taka þátt í umræðunni og reyna fyrir sér með áhugamál sín.

Minnihlutahópar, hvort sem það eru aðildarsinnar eða trúleysingjar, hafa á hinn bóginn engan rétt til að nýta sér sérstakar aðstæður í þjóðfélaginu til að þvinga áhugamálum sínum upp á meirihlutann.

Segja vegið að faglegum heiðri kennara

Vigdís þorir að spyrja þjóðina; Össur ekki

Vigdís Hauksdóttir þingmaður Framsóknarflokksins þorir að leggja eitt umdeildasta mál seinni tíma stjórnmála, aðlögunarferlið að Evrópusambandinu, í dóm kjósenda. Össur Skarphéðinsson utanríkisráðherra er of blauður til að spyrja kjósendur álits á feigðarflaninu til Brussel.

Össur og Samfylkingin knúðu fram þingsályktunartillögu um umsókn að Evrópusambandinu með ofbeldi og hótunum um stjórnarslit.

Þjóðin hefur aldrei verið spurð um það hvort hún vilji sækja um aðild að Evrópusambandinu. Samfylkingin beitir bolabrögðum til að hindra að þjóðin fái að segja álit sitt.

Reynir að hrauna yfir mig

ESB-umsóknin og landsbyggðin

Sjúkradeildum á landsbyggðinni er lokað til að samfylkingarráðuneytin geti haldið áfram aðlögunarviðræðum að Evrópusambandinu. Utanríkisráðuneytið, sem skipuleggur og hefur yfirumsjón með aðlögunarferlinu, þarf aðeins að skera niður um sjö prósent, samkvæmt fjárlagafrumvarpinu.

Á meðan samfylkingarhluti stjórnarráðsins brennir 2-4 milljörðum í leiðangur til Brussel sem þjóðin er á móti og stærstu atvinnuvegir landsins eru andvígir þarf að skerða grunnþjónustu við almenning á landsbyggðinni. 

Á alþingi í vetur talaði Össur Skarphéðinsson utanríkisráðherra í hálfkæringi um að hann vissi ekki hver kostnaðurinn við aðlögunarferlið yrði. 

Landsbyggðin veit hverju hún þarf að fórna fyrir gæluverkefni Össurar og samfylkingarráðherra.

Gengislánin og orkuauðlindirnar

Einhver fjármálastofnun reið á vaðið og bauð gengistryggð lán þótt það væri ólöglegt. Aðrir komu í kjölfarið og lögin voru virt að vettugi. Allir töldu sig græða þangað til að allt hrundi. Sama leik er nú reynt að setja af stað með orkuauðlindir þjóðarinnar. Fjárhagslega og siðferðilega gjaldþrota yfirstjórn Reykjanesbæjar seldi HS-Orku til erlendra braskara með stuðningi úr samfylkingarráðuneyti sem benti á sænsku skúffufyrirtækjaleiðina.

Verði HS-Orka Magmavædd í þágu braskara munu Þingeyingar telja sér heimilt að braska með almannaeigur á sínu landssvæði. Fordæmið er komið. Einkavæðing orkuauðlindanna mun hækka verðið til almennings og græðgisvæðing leiða til ósjálfbærar orkunýtingar þar sem gengið verður á rétt komandi kynslóða.

Á bakvið Magmavæðinguna stendur auðrónadeild Íslandsbanka, þar sem Árni Magnússon fyrrum ráðherra fer fyrir. Á bakvið braskvæðingu orkunnar í Þingeyjarsýslu er Saga Capital sem væri gjaldþrota ef ekki væri fyrir milljarða gjöf frá ríkinu.

Græðgisvæðinguna í orkugeiranum verður að stöðva áður en það er um seinan.