Tvær játningar Steingríms J. og Jóhönnu

Ríkisstjórn sem þarf að neita því að hún hafi gert mistök er búin að mála sig út í horn. Ríkisstjórn sem segist taka alvarlega hluti alvarlega veit ekki sitt rjúkandi ráð. Um hádegisbil sögðu Steingrímur J. og Jóhanna að þau hefðu ekki gert mistök. Undir kvöld segist Steingrímur J. taka skuldavanda heimilanna alvarlega.

Hvorki Steingrímur J. né Jóhanna Sig. eru nógu huguð að segja staðreyndina sem blasir við öllum nema þeim skötuhjúum: Það eru ekki til peningar að ríkisvæða íslensk heimili með almennri niðurfellingu skulda.

Blauð og hugmyndalaus ríkisstjórn Jóhönnu Sig. er á síðustu metrunum.

Fundur um skuldavanda

Frekjan Jóhanna Sig. vill sátt

Frekjupólitík Jóhönnu Sig. með bægslagangi og hávaða er orðin að tísti um sátt. Hjákátlegasta ríkisstjórn síðari tíma, að ríkisstjórn Geirs H. Haarde frátaldri, er við það að leggja upp laupana. Siðferðisbrestir Samfylkingar eru öllum augljósir, ekki síst flokksmönnum, og þá er beðið um sátt.

Jóhanna Sig. og rugludallarnir í kringum hana gátu boðið sátt við upphaf stjórnarferilsins. Ríkisstjórnin átti sviðið með Sjálfstæðisflokkinn í sárum. Bauð Jóhanna þjóðinni sátt? Nei, Samfylkingareðjótin ætluðu með 29 prósent fylgi að troða gælumálum sínum ofan í kok þjóðarinnar. Fullkomnum hroka fylgir fullkominn ósigur, rétt eins og algjöru valdi fylgir algjör spilling.  

Eina tilboðið um sátt sem þjóðin mun hlusta á er að ríkisstjórn Jóhönnu Sig. biðjist lausnar.

Samfélagsleg sátt forsenda niðurfærsluleiðar

Andvana fædd Helguvíkurstjórn

Auðrónadeild Sjálfstæðisflokksins og Samfylkingin ætluðu að mynda Helguvíkurstjórn um sukkið hjá Reykjanesbæ. Þingsályktun frá frænda Árna Sigfússonar bæjarstjóra Reykjanesbæjar um 700 milljónir til Helguvíkurhafnar átti að ryðja brautina. Svo virðist sem mistækur formaður Sjálfstæðisflokksins hafi verið með í ráðum, en hann ræddi um það forgangsmál að skapa atvinnu.

Atvinnusköpun á grunni spillingar elur á meiri spillingu. Fjármuni almennings á ekki að nota í gæluverkefni stjórnmálamanna sem sannanlega kunna ekki að greina á milli einkahagsmuna sinna og almannahags.

Dómgreindarleysið í forystu Sjálfstæðisflokksins er átakanlegt um þessar mundir. Sjálfstæðismenn sem gera samfylkingargælur eru annað tveggja siðlausir eða þjakaðir af botnlausri heimsku.

Össur undir fávísisfeldi

Össur Skarphéðinsson utanríkisráðherra lýgur jöfnum höndum í orðum og með þögn. Í Morgunblaðsgrein í dag um aðildarumsóknina að Evrópusambandinu tekst Össuri að nefna ekki orðið aðlögun, sem þó er opinbert heiti á upptöku nýrra ríkja í ESB. Aðlögun felur í sér að umsóknarríki tekur jafnt og þétt upp lög og reglur Evrópusambandsins samhliða aðildarviðræðum.

Utanríkisráðherra býr til nýtt hugtak í vaxtaumræðu sem heitir ,,Evrópuvextir." Hann ætti að segja Grikkjum og Írum frá Evrópuvöxtum en þeir þurfa að greiða 4-6 prósent hærri vexti en Þjóðverjar.

Strax í fyrstu málsgrein utanríkisráðherra er afhjúpandi játning: ,,Forsenda upplýstrar ákvörðunar er að fullgerður samningur liggur fyrir." Af þessari setningu leiðir að Össur og Samfylkingin tóku óupplýsta ákvörðun þegar sótt var um aðild að Evrópusambandinu.

Umsókn um aðild að Evrópusambandinu var véluð í gegnum alþingi á fölskum forsendum um að óskuldbindandi viðræður við Evrópusambandið væru í boði. Í reynd heitir ferlið ,,accession process," aðlögunarferli.

Í samantekt sem Evrópusambandið gaf út um aðlögunarferli segir berum orðum að umsóknarþjóðir eigi að taka upp 90 þúsund blaðsíður af regluverki á meðan viðræður standa yfir.

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable. (bls. 9, annar dálkur).

Samheitið ,,acquis" er notað um regluverk ESB. Össur vill að við aðlögum okkur að Evrópusambandinu og greiðum atkvæði eftir að hafa í reynd gengið inn í sambandið. Þannig er veröld Össurar; framkvæma fyrst og hugsa eftirá.