Þýskir vísa Grikkjum á AGS

Evrópusambandið hleypur ekki undir bagga með Grikkjum sem glíma við fjallháar ríkisskuldir og samdrátt í atvinnulífi. Talsmaður Angelu Merkel Þýskalandskanslara vísar Grikkjum til Alþjóðagjaldeyrissjóðsins. Samkvæmt Reuters segir talsmaðurinn vanda Grikkja aðeins toppinn á ísjakanum.

Spánverjar, Lettar, Ungverjar, Ítalir og Írar horfast í augu við áþekk vandamál og Grikkir.

Þjóðverjar greiða mest til ESB og ef þeir segjast ekki ætla að fjármagna endurreisn evru-landa nema í gegnum Alþjóðagjaldeyrissjóðinn er loku fyrir það skotið að Brussel veiti björg.

Ein röksemd Samfylkingar fyrir aðild Íslands að ESB var að þar væri að finna efnahagsleg bjargráð.

Steingrímur J. hafnar Icesave

Án þess að segja það berum orðum hafnar fjármálaráðherra, Steingrímur J. Sigfússon, nauðungarfrumvarpi um Icesave sem liggur fyrir á Alþingi og geymt í nefnd. Hótanir Breta og Hollendinga frá hausti 2008 um slit á EES-samningi tók Steingrímur J. svo alvarlega að hann skipaði sérstökum fulltrúum sínum í samninganefndinni um Icesave að gefa eftir í öllu meginatriðum. Þessar hótanir eru ekki i gildi lengur, EES-samningurinn er ekki í uppnámi, og engin ástæða til að bjóða Bretum og Hollendingum betri kjör en þeir hafa með samþykkt Alþingis síðsumars.

Yfirlýsing Steingríms J. á Alþingi jafngildir að hann gefi þingmönnu í eigin flokki umboð til að greiða atkvæði gegn frumvarpinu þegar og ef það kemur til afgreiðslu.

Ögmundur Jónasson, höfuðandstæðingur frumvarpsins í þingflokki Vg, sá hvað verða vildi og bloggaði í fyrradag að kominn væri tími á atkvæðagreiðslu.

Spurningin er hvort ríkisstjórnin lifi það af að frumvarpið verði fellt. Kannski er eins gott að leyfa því að sofna í nefnd - en það verður órólegur svefn.

Segir Breta hafa hótað