Spyrnt við ofríki auðmanna

Sjálfstæðisflokkurinn virðist vera að ná áttum. Æ fleiri sjálfstæðismenn vilja spyrna við fótum gegn upphleðslu auðs og valda hjá fámennum hópi manna sem kunna sér ekki hóf. Borgarfulltrúar Sjálfstæðisflokksins andæfðu sjálftektinni á eigum Orkuveitunnar og Halldór Blöndal fyrrum þingmaður og ráðherra skrifar varnaðarorð í Morgunblaðið um að almannavaldið haldi vöku sinni.

Stjórnmálaflokkar ættu að vera sverð og skjöldur almennings gegn auðmannaliðinu. Þeir hafa þó sumir brugðist því hlutverki, Framsóknarflokkurinn og Samfylkingin sérstaklega.