Sjálfstæðisflokkur tekur ekki eitrað peð Kristrúnar

Kristrún forsætis og stjórnarmeirihlutinn lögðu gildru fyrir Sjálfstæðisflokkinn með því að setja bók 35 á dagskrá þingsins en taka öll önnur mál af dagskrá. Á meðan Sjálfstæðisflokkurinn var í stjórn vildi a.m.k. hluti þingflokksins samþykkja bókun 35. Við núverandi kringumstæður yrði það pólitískt sjálfsmorð fyrir Sjálfstæðisflokkinn. Ástæðan er tvöfeldni EES-samstarfsins í íslenskum stjórnmálum.

Bókun 35 snýst um að ESB-lög, sem koma inn í EES-samninginn, skáki út íslenskum lögum. Lagalega álitamálið er hvort bókun 35 samrýmist stjórnarskránni eða ekki. Sterk rök, sjá grein Hjartar J. Guðmundssonar, eru fyrir þeirri túlkun að án stjórnarskrárbreytinga sé ekki hægt að samþykkja bókun 35. Heimssýn tekur einnig málið fyrir í pistli.

Pólitíska hliðin snýr að EES-samningunum í heild. Á sínum tíma var EES-samningurinn seldur þjóðinni á þeim forsendum að við þyrftum ekki að ganga í Evrópusambandið, EES væri nóg fyrir okkar hagsmuni. Andstæðingar ESB-aðildar, sumir hverjir, styðja EES-samninginn á þessum forsendum. Aðrir, tilfallandi þar á meðal, vilja EES-samstarfið feigt og gera í staðinn tvíhliða samning við Evrópusambandið.

Eins og nærri má geta tala ESB-sinnar um EES-samninginn á öðrum nótum en andstæðingar aðildar. Í máli ESB-sinna kemur oft fram að EES sé aukaaðild að ESB - við ættum að stíga skrefið til fulls og gerast fullgildir aðilar að Evrópusambandinu.

Tvöfeldni EES-samningsins í íslenskum stjórnmálum felur í sér að þegar starfandi er ríkisstjórnarmeirihluti sem stefnir ekki á ESB-aðild er umræðan um EES-samstarfið hófstillt. En þegar stjórnarmeirihlutinn, Kristrún og félagar, stefnir á ESB-aðild verður umræðan sjálfkrafa hatrammari, enda meira í húfi. Samþykkt bókunar 35 undir slíkum kringumstæðum er að búa í haginn fyrir ESB-aðild. Þetta þýðir að þingmenn Sjálfstæðisflokksins geta leyft sér umburðalyndi gagnvart EES-samstarfinu þegar þeir eru í stjórn en alls ekki í stjórnarandstöðu.

Vilhjálmur Árnason þingflokksformaður Sjálfstæðisflokksins veit hvað klukkan slær þegar Kristrún býður upp á eitraða peðið sem er bókun 35. Taki móðurflokkur íslenskra stjórnmála peðsfórninni er skákin töpuð Valhallarmönnum.

Peðsfórnin er augljós brella sem auðvelt er að sniðganga án áhættu. Útlendingastjórninni verður ekki kápan úr klæðinu að saka sjálfstæðismenn um tvískinnung, hafa eina stefnu í stjórn og aðra í stjórnarandstöðu. Áróður ESB-sinna um að án EES-samstarfsins einangrist Ísland er bitlaust vopn. Viðhorf landsmanna er óðum að snúast í þá átt að við séum of mikið tengd umheiminum en ekki of lítið. Nú falla öll vötn til Dýrafjarðar. Brussel-farvegurinn, sem aldrei var meira en lækjarspræna, er uppþornaður.

Tilboði ESB-sinna, um að skipta um þjóð í landinu, með opnum landamærum og útlenskum lögum, hefur verið hafnað. Það er mergurinn málsins.

Ekkert nýtt, óvænt eða sérstakt

Útlendingastjórnin

Helstu skjólstæðingar ríkisstjórnar Íslands eru útlendingar. Hælisleitendur fá sérmeðferð í trássi við lög og reglur. Hermangarar í útlöndum fá loforð um aukin íslensk framlög til hermála og gott ef ekki vilyrði um íslenska dáta að deyja í útlöndum. Utanríkisráðherra flýgur landa á milli til að styðja hryðjuverkasamtökin Hamas. Forsætisráðherra hoppar á milli evrópskra höfuðborga að leysa Úkraínustríðið.

Nefndir ráðherrar, utanríkis og forsætis, vinna hörðum höndum í þágu Brussel að gera Ísland að hjáríki Evrópusambandsins og um leið útvörð ESB á norðurslóðum. Rétt eins og ESB gæti veitt einhverjar bjargir í tröllaslag Bandaríkjanna og Rússlands á Norður-Atlantshafi.

Bókun 35 og tvöföldun veiðigjalda falla eins og flís við rass að ESB-stefnu Kristrúnarstjórnarinnar. Evrópsk lög gangi íslenskum framar og útgerðin verði ómagi á opinberri framfærslu - líkt og í ESB.

Þegar ríkisstjórnin lætur svo lítið að gefa íslenskum málefnum gaum blasir við spillt sérgæska, eins og launahækkun Jóns Gnarr og strandveiðar Sigurjóns.

Útlendingastjórnin er bastarður án málefna og baklands. Stjórnarsinnar geta ekki bent á nein meginmál sem gefa hugboð um hvernig ríkisstjórnin sér íslensk málefni þróast næstu misseri og ár. Starfsorka ráðherra er öll í þágu útlenskra hagsmuna en þeim finnst sjálfsagt að hirða laun sín úr vasa íslenskra skattgreiðenda og skammta sér ríkulega.

Tveir ríkisstjórnarflokkanna, Viðreisn og Samfylking, eru hneigðir til sérvisku sem kennd er við hinsegin. Þannig þenkjandi fólk skortir yfirleitt rökhugsun og er ósýnt um samhengi hlutanna.

Þannig segir Viðreisnarráðherrann Hanna Katrín að meint bakslag transfræða sé vegna skorts á lagasetningu. Hanna Katrín ætlar sér að setja lög um skoðanir fólks, það á að trúa að kynin séu legíó og hægt sé að fæðast í röngum líkama. En kynin eru óvart aðeins tvö og meðvitundin fæðist með líkamanum; ómöguleiki er að annað tveggja sé rangt. Það er eins og að segja að rangt barn hafi fæðst.

Og hvar tilkynnti Hanna Katrín að hún ætlaði að breyta íslenskum lögum í þágu alþjóðatrans? Nú, auðvitað, í útlöndum en ekki á alþingi Íslendinga. Og ekki í hvaða útlöndum sem er, heldur sjálfri höfuðborg Trump, Washington. Með í för ráðherra voru fulltrúar Samtakanna 78 á ríkisdagpeningum. Þegar Trump tók við embætti fyrir hálfu ári sögðu Samtökin 78 og Hanna Katrín að Bandaríkin væru ekki ,,öruggt ríki" þar sem Trumpstjórnin viðurkenndi ekki nema tvö kyn. En nú flýgur transþotuliðið vestur sátt við tilvistarvanda sinn í háborg bakslagsins gegn hinseginfræðum. Auðvitað á kostnað íslenska ríkisins.

Málefnaskortur Kristrúnar og félaga kemur fram í dauðyflislegu baklandi. RÚV reynir að peppa upp stemninguna en Glæpaleiti er komið með nýtt einkennistákn, trúðsmerki,  til samræmis við trúverðugleikann. Að RÚV slepptu eru fáir sem nenna að tala máli stjórnarinnar. Jafnvel Doddi netníðingur hefur hægt um sig.

Pólitískt bakland þarf frásögn til að halda á lofti um að stjórnarmeirihlutinn standi fyrir þetta eða hitt. Eina frásögnin í boði er að kvenkynið í stjórnarráðinu mylur undir útlensk málefni en fyrirverður sig fyrir allt íslenskt. Sú frásögn selst ekki á íslensku.

Starfsáætlun þingsins er felld úr gildi, segir í viðtengdri frétt. Vonandi starfar þingið út sumarið. Í haust gætum við fengið kosningar. Útlendingaflokkarnir væru þá afhjúpaðir fyrir það sem þeir eru, - til óþurftar fyrir land og þjóð.

 

 

Starfsáætlun Alþingis út um þúfur

Guð, lýðræði og íslam

Lýðræði og múslímatrú, íslam, fara illa saman. Stallsystir Kristrúnar forsætis, Mette Fredriksen í Danmörku, tilkynnir að bænaherbergi í háskólum skulu aflögð. Bænaherbergin eru bergmálshellir múslíma sem kjósa að samlagast ekki vestrænum ríkjum er hafa tekið á móti múslímum á flótta undan stjórnarfari íslam.

Kristin trúarmenning veraldarvæddist eftir miðaldir. Vestræn kristni síðustu tvær aldir eða svo aðgreinir lýðræði og réttarríki frá trúarsannfæringu borgaranna. Múslímsk trúarmenning fór á mis við veraldarvæðinguna. Íslömsk ríki samþykkja ekki mannréttindayfirlýsingu Sameinuðu þjóðanna. Mannréttindaskrá múslímaríkja er Kairó-yfirlýsingin. Fyrsta setningin segir íslam og allah æðsta yfirvaldið. Í íslam eru mannréttindi ekki allra heldur frátekin fyrir rétttrúaðra - fylgjendur spámannsins.

Árni Már Jensson skrifar í þriðjudagsútgáfu Morgunblaðsins grein um lýðræði og íslam. Tilfallandi leyfir sér að birta lykilefnisgreinar:

Hug­mynda­fræði íslams tek­ur yfir flest svið mann­legr­ar hugs­un­ar og at­gervis háð þeirri al­trú að Kór­an­inn sé bein og ófrá­víkj­an­leg til­skip­un Allah til Múhameðs um hvernig mann­leg sam­fé­lög eigi að vera og muni verða í tím­ans rás. Íslam er þannig full­mótað alræði (tota­litari­an­ism) sem inni­held­ur trú­ar­kerfi, stjórn­mál, stjórn­skip­un, lög, rétt­ar­kerfi, refsi­kerfi, upp­eldis­kerfi, mennta­kerfi, fé­lags­kerfi og kerfi menn­ing­ar, lista og sam­skipta. Með öðrum orðum er tak­markað rými fyr­ir frjálsa hugs­un, at­gervi og sköp­un inn­an íslams, sem stang­ast á við reglu og túlk­un­ar­kerfi trú­arklerka grund­vallað á Kór­an­in­um, Sira og Hadíðunum. [...]

Kjarn­inn í út­breiðslu íslams er jí­had, sem grund­vall­ast á hug­mynd­inni um bar­áttu fyr­ir trú. Þótt ýms­ir fylgj­end­ur íslams leggi þann skiln­ing í jí­had að það tákni ein­ung­is and­lega og menn­ing­ar­lega bar­áttu hef­ur sag­an sýnt það sem ritn­ing­ar íslams einnig upp­lýsa, að jí­had er líka beitt í formi póli­tísks áróðurs, hræðslu­áróðurs, hryðju­verka og styrj­alda. [...]

Íslam grund­vall­ast til að mynda á hefnd­ar­rétti og hug­mynd­inni um yf­ir­burði fylgj­endanna yfir öðru fólki, trú­ar­brögðum og menn­ing­ar­heim­um, á sama tíma og kristni grund­vall­ast á auðmýkt, kær­leika, fyr­ir­gefn­ingu og mis­kunn­semi. And­stæðurn­ar eru hróp­andi – hliðstæðurn­ar eru hverf­andi. [...]

Íslam skil­grein­ir heims­mynd­ina í stór­um drátt­um í tvo meg­in­hluta: Ann­ars veg­ar í 'Dar al-Islam', sem tákn­ar 'Hús friðar­ins' sem fylgj­end­ur íslams trúa að sé ei­líf friðsæld þar sem íslam ræður ríkj­um með sja­ría­l­ög­um. Hins veg­ar í 'Dar al-Har­b', sem tákn­ar 'Hús ófriðar eða stríðs' sem fylgj­end­ur íslams trúa að sé vegna þess að ríkið er ekki að meiri­hluta und­ir íslam og sja­ría­l­ög­um

 Fyrir bráðum tíu árum bloggaði tilfallandi um vesturlönd og múslímsku mótsögnina:

Vestræn samfélög reyndu lengi vel að mæta múslímum með umburðalyndi. Undir formerkjum fjölmenningar áttu allir að finna sína fjöl í samfélaginu: kristnir, gyðingar, múslímar, ásatrúarmenn, búddistar og vantrúaðir. Múslímar notuðu fjölmenningarsamfélagið til að koma sér fyrir á vesturlöndum og í framhaldi gera kröfu um múslímavæðingu þar sem vestræn grunngildi, t.d. tjáningarfrelsi, skyldu víkja ef múslímar móðguðust. [...]

Múslímska mótsögnin sem vesturlönd standa frammi fyrri er þessi: öfgatrú sem notar trúfrelsi til að grafa undan vestrænum mannréttindum verður ekki stöðvuð nema með takmörkun á trúfrelsi. En takmörkun á trúfrelsi er skerðing á mannréttindum.

Evrópa stendur bjargarlaus gagnvart mótsögninni. Ísland getur enn gætt sín og ekki leyft innflutning á múslímsku mótsögninni.

Færslan er skrifuð 2016. Núna er 2025. Ísland er á hraðri leið að búa sér til ástand sem slítur í sundur samfélagsfriðinn. Íslensk stjórnmál hafa brugðist íslensku þjóðinni.

Vill fjarlægja bænaherbergi úr háskólum

Jón Gnarr útvalinn og óseðjandi

Launahækkun Jóns Gnarr upp á 153 þúsund kr. á mánuði var sett í forgang af Kristrúnu og félögum í stjórnarmeirihlutanum. Þingfararkaup Jóns er um ein og hálf milljón á mánuði en hann vildi aukalega rúmlega 150 þúsund krónur. Undir þeim formerkjum að sumir eru jafnari en aðrir er þess freistað að keyra launahækkun Jóns í gegn á síðustu dögum þingsins.

Fyrir hvað á að hækka laun Jóns? Stutta svarið er: fyrir ekkert. Jón á að fá launahækkun fyrir að vera formaður í framtíðarnefnd. En nefndin hefur engin verkefni. Í viðtengdri frétt er snyrtilegt orðalag um opinbera nefnd til að réttlæta mútugjafir úr ríkissjóði:

Nefnd­in er með óljóst hlut­verk, ólíkt fasta­nefnd­um þings­ins, og er það nefnd­ar­inn­ar sjálfr­ar að hafa frum­kvæði að þeim mál­um sem hún tek­ur til um­fjöll­un­ar og vinnslu.

Jón Gnarr er grínisti og fær 1,5 m.kr. í mánaðarkaup sem þingmaður Viðreisnar. Grínlaust vill hann 150 þúsund krónur aukalega fyrir formennsku í nefnd sem hefur ekkert hlutverk.

Víkjum þá að vinnandi fólki sem skapar raunverðmæti en ekki aulabrandara. Eiríkur heitir maður og er Ólafsson. Hann er Fáskrúðsfirðingur. Hryggstykkið í plássinu er Loðnuvinnslan sem að mestu er í eigu 350 manna samvinnufélags heimamanna. Loðnuvinnslan rekur útgerð og borgar 250 milljónir í auðlindaskatt, jafngildir 700 þúsund krónum á hvern félagsmann. Kristrún og félagar í ríkisstjórninni ætla að tvöfalda skattinn þannig að hver félagsmaður borgi 1,4 milljónir, skrifar Eiríkur í Vísisgrein fyrir fjórum dögum.

Fyrirsögnin á grein Eiríks er Hinn óseðjandi. Ríkisstjórn Kristrúnar tvöfaldar skatta á vinnandi menn til að tryggja framfærslu hinna óseðjandi útvöldu sem dýfa helst ekki hendi i kalt vatn. Þeir sitja í nefndum án verkefna á ríkistryggðum launum.

 

Launahækkun Jóns Gnarr út um þúfur

Rassvasaréttlæti Víðis og líf stjórnarinnar

Víðir Reynisson Samfylkingarþingmaður tekur einn hælisleitanda af 19 sem á að vísa úr landi og ætlar veita honum ríkisborgararétt. Helga Vala fyrrum þingmaður Samfylkingar er hælislögmaður mannsins sem Víðir hyggst veita ríkisborgararétt.

Skilaboð Víðis og Helgu Völu er að með réttum hælislögmanni er ólöglegum útlendingum allir vegir færir á Fróni. Þeir 18 sem bíða brottreksturs hljóta að kaupa þjónustu Helgu Völu til að komast á íslenska velferð. Hælislögmenn taka við Vísa-raðgreiðslum.

Rassvasaréttlæti Víðis er eins og rassvasabókhald skussa í rekstri, leiðir til gjaldþrots. Víðir er ekki í sjoppurekstri heldur þingmaður ríkisstjórnarmeirihlutans. Pólitíska gjaldþrotið sem blasir við er fall Kristrúnarstjórnarinnar. Ekki í dag eða morgun. Það tekur tíma að stúta ríkisstjórn innan frá.

Jafnræðisreglan í réttarríkinu er þverbrotin með framferði Víðis. Hugdettustjórnarfarið, sem birtist í hegðun Víðis, er næsti bær við stjórnleysi. Ábeking ríkisstjórnarinnar á hugdettustjórnsýslu jafngildir uppgjöf á landsstjórninni.

Útspil Víðis kemur í kjölfar skemmdarverka dómsmálaráðherra á Keflavíkurflugvelli sem rak hæfan mann í landamæraeftirlitinu. Á landamærunum er allt í upplausn, þau mígleka, kom fram á alþingi í gær. Þjóðin telur allof marga hælisleitendur sleppa inn í landið en Víðir og ríkisstjórnin bjóða hælisiðnaðinum frjálsa hagbeit á íslenskan almenning.

Flokkur fólksins ríður ekki feitum hesti frá fyrsta misseri stjórnarinnar. Kristrún og Doddi netníðingur brugguðu Ásthildi Lóu barnamálaráðherra launráð í samvinnu við RÚV og létu Ingu Sæland kyngja afsögninni með brosi á vör. Núna skal opna landamærin upp á gátt til að hælisútlendingar keppi við stærsta kjósendahóp Flokks fólksins um félagsleg úrræði. Vísutölutrygging bóta almannatrygginga í landi með opin landamæri er dautt mál. Hælisiðnaðurinn er óseðjandi.

Fylgi Flokks fólksins skreppur saman en Samfylking og Viðreisn halda sínu. Veðmálið er hve lengi Inga lætur alþjóðasinna vaða yfir sig og skjólstæðinga Flokks fólksins. Varla bíður hún eftir að síðasta atkvæðið þakki fyrir sig.

Veikleikar stjórnarsamstarfsins opinberast skýrar er nær dregur þinglokum sem eru í fullkominni óvissu. Valkyrjustjórnin fékk sína hveitibrauðsdaga en sólundaði þeim í útlöndum að bjarga alþjóðamálum í Úkraínu og Gasa. Nær hefði verið að sinna heimahögum.  

 

Víðir Reynisson sakaður um trúnaðarbrot

Stoltir fánaberar, rasisti sem hrósyrði

Stórfundur gegn hælisiðnaðinum á laugardag og könnun sem sýnir 60 prósent þjóðarinnar sammála Íslandi þvert á flokka veldur usla meðal talsmanna opinna landamæra. Þingmaður Samfylkingar kallar meirihluta þjóðarinnar rasista og frá heimilishaldi Helgu Völu fyrrum Samfó-þingmanns og hælislögmanns koma sambærileg skot úr ritbyssu eiginmanns og dóttur.

Á Facebook fann tilfallandi færslu sem gefur hugboð um hvað meirihluti þjóðarinnar hugsar:

Ætli ég sé þá ekki bara rasisti?

Af því mér hugnast ekki að flytja inn glæpagengi né fólk sem aðhyllist glæpsamleg trúarbrögð. Mér hugnast ekki kvenfyrirlitning, barnabrúðkaup né kynfæralimlesting. Er ég rasisti af því að mér finnst sjálfsagt að fólk sem flyst inn í landið okkar komi með því hugarfari að aðlagast samfélaginu læri tungu og virði siði [þeirra] sem fyrir eru.

Höfundurinn játast skilgreiningu hrædda fólksins á rasisma, sem notar orðið til að löðrunga málefnalega umræðu. Það er ekki rasismi að þykja vænt um þjóðmenninguna og gjalda varhug við óheftu innflæði hælisleitenda. Rasisti verður hrósyrði.

Nokkur hundruð manns mættu á Austurvöll með þjóðfánann til að sýna væntumþykju fyrir því sem er íslenskt. Fundarmenn voru þversnið þjóðarinnar, stoltir fánaberar. 

 

 

 

Ísland þvert á flokka 60% þjóðarinnar

17. júní-stemning var á Austurvelli á laugardag. Nokkur hundruð, sumir segja 300-400, aðrir nefna hærri tölu, andmæltu opnum landamærum og stjórnlausum innflutningi hælisleitenda. Yfirskrift mótmælanna er Ísland þvert á flokka. Ný skoðanakönnun sýnir að Ísland þvert á flokka er 60% þjóðarinnar.

Samkvæmt frásögn af vettvangi var þverskurður þjóðarinnar mættur:

Amma og afi, mamma og pabbi, sonur og dóttir, gamalt fólk og ungt fólk og allt þar á  milli mætti á Austurvöll í dag til að mótmæla tómlæti stjórnmálamanna (ekki allra en flestra) í landamæramálum landsins og sem og vanrækslu verndun íslenskrar menningar og tungu. Þetta áttu að vera friðsamleg mótmæli og þau voru það.

Afgerandi meirihluti þjóðarinnar telur nóg komið í undanlátssemi gagnvart hælisiðnaðinum sem flytur inn fólk af framandi slóðum til að setjast upp á skattgreiðendur. Óöld í Breiðholti og sveðjumaður í Úlfársdal eru ekki einstök atvik heldur hluti af mynstri þar sem grunngerð samfélagins er í húfi.

Á meðan mótmælt er á Austurvelli eru helstu ráðherrar ríkisstjórnarinnar uppteknir af vandamálum útlanda. Kristrún forsætis vill leysa Úkraínustríðið og Þorgerður Katrín utanríkis er kappsöm um eilífðardeilur Ísraela og araba. Þær sjást tíðum í erlendum stórborgum að skipta sér af málum sem hvorki koma Íslendingum við né eru nokkrar líkur á að íslenskt ráðherravald breyti atburðarás. Ráðherrastöllur eru í innbyrðis samkeppni um að vera alþjóðlega marktækar á flokksmælikvarða Samfylkingar annars vegar og hins vegar Viðreisnar. Mannjöfnuður kúlu og Kviku í útlöndum er til marks um veruleikafirringu.

Ísland þvert á flokka og skoðanakönnunin sýnir að þolinmæðin er þrotin gagnvart íslensku yfirvaldi sem heldur mest til í útlöndum en glímir ekki við brýnan vanda á Fróni.

Meira en 60% telja of marga fá hér hæli

Bloggari, dómstólar og trúverðugleiki blaðamanna

Í landsrétti í gær sagði Gunnar Ingi Jóhannsson lögmaður Aðalsteins Kjartanssonar blaðamanns að tilfallandi bloggari hefði vegið að trúverðugleika blaðamannsins með ítrekuðum bloggfærslum um byrlunar- og símamálið. Gunnar Ingi lögmaður nefndi trúverðugleika Aðalsteins ekki einu sinni í ræðu sinni heldur þrisvar sinnum. Höfuðsynd tilfallandi er að skrifa um starfshætti blaðamanna og fjölmiðla sem má ekki afhjúpa.

Tilfallandi bloggari var í landsrétti og hlustaði á lögmanninn krefjast uppreist æru Aðalsteins og að dómstólar verndi trúverðugleika blaðamanna.

Trúverðugleika öðlast menn með verkum sínum. Trúverðugur smiður skilar af sér vandaðri vinnu, ekki hrákasmíði. Trúverðugur skipstjóri skilar mannskap og afla í höfn og hefur í heiðri skráðar og óskraðar reglur um samskipti við áhöfn og útgerð. Sama gildir um blaðamenn. Þeir skila af sér fréttum sem halda máli og eru unnar samkvæmt viðurkenndum reglum starfsgreinarinnar - blaðamennsku. Þar brást Aðalsteinn, ekki á lítilfjörlegan hátt heldur alvarlega og yfir langan tíma.

Páli skipstjóra Steingrímssyni var byrlað mánudagskvöldið 3. maí 2021 og var ekki hugað líf þá um nóttina. Á meðan hann var meðvitundarlaus í öndunarvél var síma hans stolið og færður til afritunar í höfuðstöðvar RÚV á Efstaleiti. Þar tók við síma skipstjórans Þóra Arnórsdóttir ritstjóri Kveiks sem hafði til reiðu samskonar síma og skipstjórans, af Samsung-gerð. Á RÚV vissu menn með fyrirvara að sími skipstjórans væri væntanlegur.

Aðalsteinn Kjartansson var undirmaður Þóru á Kveik. Þrem dögum fyrir byrlun, föstudaginn 30. apríl 2021, skipti Aðalsteinn óvænt um vinnustað, fór af RÚV til systur sinnar Ingibjargar ritstjóra Stundarinnar. Einsdæmi er að fréttamenn RÚV skipti um vinnustað í hádeginu. Eitthvað bjó að baki skyndilegum vistaskiptum blaðamannsins.

Eftir afritun síma skipstjórans á RÚV voru tvær samhljóða fréttir skrifaðar um meinta ,,Skæruliðadeild Samherja". Þær birtust samtímis morguninn 21. maí 2021 í Stundinni, með Aðalstein sem skráðan höfund, og í Kjarnanum, merkt þeim Þórði Snæ Júlíussyni og Arnari Þór Ingólfssyni. Skipulag var að baki - engir aðrir fjölmiðlar en Stundin og Kjarninn voru með fréttina.

RÚV hafði heimildina, síma skipstjórans, undir höndum en birti ekkert. Það þekkist ekki á byggðu bóli, þar sem blaðamennska er stunduð, að einn fjölmiðill afli gagna, með byrlun, stuldi og afritun, en framselji fréttirnar til óskyldra fjölmiðla. Þessi séríslenska blaðamennska brýtur landslög og er ósamrýmanleg skráðum og óskráðum reglum starfsgreinarinnar.

Tilfallandi bloggari hóf að skrifa um byrlunar- og símamálið í nóvember 2021. Skömmu síðar birtu þeir Aðalsteinn og Þórður Snær samtímis þann 18. nóvember (aftur skipulag og samráð) greinar í Stundinni og Kjarnanum þar sem bloggari var sagður fleipra og setja á flot samsæriskenningar. Fleiprið var ekki meira en svo að þrem mánuðum síðar fengu Aðalsteinn, Þóra, Þórður Snær og Arnar Þór stöðu sakborninga í lögreglurannsókn. Rannsókn var hætt á blaðamönnum, ekki felld niður, síðast liðið haust með þeirri skýringu lögreglu að gögnum var eytt og blaðamenn voru ósamvinnuþýðir. Málið er varðar byrlara skipstjórans er enn opið og til rannsóknar.

Ítrekað hefur verið skorað á Aðalstein og félaga að gera hreint fyrir sínum dyrum og upplýsa málsaðild. Aldrei hafa þeir komið til dyranna eins og þeir eru klæddir heldur boðið upp á yfirklór og ósannindi - t.d. að þeir hafi aldrei verið í samskiptum við byrlara skipstjórans, sem var þáverandi eiginkona hans. Síðasta tilraun blaðamanna að hvítþvo sig var gerð síðast liðið haust. Aðalsteinn og Arnar Þór skrifuðu leiðara í Heimildina. Tilfallandi tók saman efnisatriði sem þeir sópuðu undir teppið:

1. Aðalsteinn tilkynnti á Facebook starfslok á RÚV/Kveik þrem dögum fyrir byrlun Páls skipstjóra Steingrímsson, eða 30. apríl 2021. Aðalsteinn hætti fyrir hádegi á RÚV en var kynntur sem nýr liðsmaður á Stundinni eftir hádegi sama dag. Einsdæmi er að blaðamaður skipti um vinnustað í hádeginu. 

2. Páli skipstjóra var byrlað kvöldið 3. maí heima hjá sér á Akureyri. Um nóttina varð að lífga hann við með til þess gerðum tækjum. Hann var tæknilega dauður um stund, áður en lífgunartilraunir báru árangur. Flogið var með hann meðvitundarlausan á gjörgæslu Landsspítalans um hádegisbil daginn eftir. Síðdegis sama dag, 4. maí 2021, fer þáverandi eiginkona skipstjórans með síma hans yfir götuna, Bústaðarveg, sem liggur á milli spítala og RÚV á Efstaleiti. Á RÚV tekur á móti henni Arnar Þórisson framleiðslustjóri á Kveik. Þau setjast inn á skrifstofu, Arnar fer fram og sækir yfirmann sinn, Þóru Arnórsdóttur. Þau þrjú fara á aðra skrifstofu þar sem þriðji RÚV-maðurinn bíður. Hann tekur við símanum úr höndum Þóru. Daginn eftir fær konan síma skipstjórans afhentan á ný og skilar honum á sjúkrabeð Páls, sem var enn meðvitundarlaus. Skipulagið er byrla, stela, afrita og skila.

3. Fyrir byrlun, eða í apríl 2021, var Þóra búin að kaupa Samsung-síma, samskonar og Páls skipstjóra og valdi á hann símanúmer sem var það sama og á síma skipstjórans, nema síðasti tölustafurinn, 680 2140, en númer Páls var 680 214X. Úr afritaða símanum á RÚV með númerið 680 2140 voru einkagögn Páls send á Kjarnann og Stundina, m.a. skjáskot sem voru tekin af samskiptum skipstjórans. Skjáskotin voru notuð til að myndskreyta. Sjálfar fréttirnar voru að öllum líkindum skrifaðar á RÚV og sendar með tölvupósti á Stundina og Kjarnann til birtingar. 

4. Veturinn og vorið 2021 voru eiginkonan og Páll skipstjóri í skilnaðarferli. Skilnaðarlögmaður konunnar var Lára V. Júlíusdóttir. Í rannsóknagögnum lögreglu er tölvupóstur frá konunni dagsettur 3. október 2021. Viðtakendur eru Lára V. Júlíusdóttir, Þóra Arnórsdóttir, Aðalsteinn Kjartansson og Ingi Freyr Vilhjálmsson blaðamaður og fyrrum sakborningur. Textinn:

Sæl Lára.
Ég gef hér með Þóru Arnórsdóttur og Aðalsteini Kjartanssyni umboð til að ná í símkortin mín til þín ef þau óska eftir því að fá þau í hendur ásamt öðru efni sem þú kannt að hafa frá mér.

Dagsetningin, 3. október 2021, er mikilvæg. Búið var að boða konuna í fyrstu yfirheyrslu, sem fór fram tveim dögum síðar. Konan átti tvo síma, enda talar hún um ,,símkortin" í tölvupóstinum. Augljóst er af samhenginu að um er að ræða svar konunnar við tilmælum um að hún veiti aðgang að símkortum sínum, sem geyma samskiptaupplýsingar. Hvers vegna vildu blaðamenn komast í einkagögn konunnar ef hún var þeim ókunn og óviðkomandi?

5. Áður en konan veitti blaðamönnum aðgang að símkortunum á skrifstofu Láru var Þóra Arnórsdóttir í reglulegu sambandi við konuna, samkvæmt símtalaskrá í gögnum lögreglu. Þann 24. ágúst 2021 töluðu þær saman í átta skipti. Hluti samskiptanna er í sms-skeytum. Þar ráðleggur Þóra konunni að ,,breyta ÖLLUM lykilorðum alls staðar." Þá fer Þóra fram á að konan afhendi ónafngreindum manni einkasíma sinn. Þóra skrifar:

Hann vill helst ekki hittast (mjög varkár maður, skiljanlega) en spyr hvort þú treystir honum fyrir símanum einn dag?

Leiðari Aðalsteins og Arnars Þórs nefnir ekkert af atriðum 1.- 5. hér að ofan. Fyrstu þrjú atriðin lúta að undirbúningi og framkvæmd tilræðisins gegn Páli skipstjóra. Seinni tvö snúa að viðbrögðum fyrrum sakborninga eftir að lögreglurannsókn hefst. Atriði 2.- 5. sýna veruleg tengsl við andlega veika konu sem byrlaði eiginmanni sínum, stal síma hans og færði blaðamönnum. 

Með þögn sinni um þessi efnisatriði viðurkenna tvímenningarnir að þeir hafa ekki frásögn sem rímar við þekktar staðreyndir úr málsgögnum lögreglu.

Af upphaflegu sakborningum í byrlunar- og símamálinu starfar Aðalsteinn einn enn á fjölmiðli. Þóra var flutt yfir á Landsvirkjun, Þórður Snær og Arnar Þór eru komnir á ríkisspena Samfylkingarinnar, eru starfsmenn þingflokksins. Og nú vill Aðalsteinn að landsréttur endurreisi orðspor og trúverðugleika hans sem blaðamanns. Sorrí Steini, sá strætisvagn keyrði fyrir björg - með sjálfan þig undir stýri.

Raunverulegur tilgangur Aðalsteins með dómsmálinu er að gera tilfallandi bloggara dýrkeypt, mælt í krónum og aurum, að afhjúpa vinnubrögð Aðalsteins og félaga í byrlunar- og símamálinu.

Ummælin séu tilhæfulaus og tilbúningur

Samtökin 78 njósna um fólk og krefjast slaufunar

Samtökin 78 stunda stafrænar njósnir á samskiptum fólks og finna leiðir til að koma höggi á þá sem ekki sýna transhugmyndafræðinni skilyrðislausa hollustu. Norðlensk kona varð fyrir barðinu á Stasi-aðferðum lífsskoðunarfélagsins. Sjálfboðavinna í þágu innflytjenda er í uppnámi vegna aðgerða Samtakanna 78.

Norðlenska konan vann sér til óhelgi að hafa ranga skoðun á transmálum í umræðum á samfélagsmiðlum. Samtökin 78 flettu upp á konunni og komust að því að hún vann í sjálfboðavinnu að aðstoða erlendar konur aðlagast íslensku samfélagi. Sjálfboðavinnan er í samstarfi við Amtsbókasafnið á Akureyri. Framkvæmdastjóri Samtakanna 78, Kári Garðarsson, skrifaði harðort bréf norður sem lýkur með þessu orðum:

Er það krafa Samtakanna 78 að forsvarsfólk Amtsbókasafnsins taki föstum tökum á þeirri stöðu sem upp er komin.

Þetta er krafa um slaufun. Samtökin 78 njósnuðu um konu, fundu snöggan blett, að hún starfaði í sjálfboðavinnu í samstarfi við opinberan aðila, Amtsbókasafnið, og krefjast að konunni verði úthýst.

Netmiðillinn Þjóðólfur fjallar um málið undir fyrirsögninni: Er Samtökunum 78 eitthvað í nöp við innflytjendur? Þjóðólfur birtir helstu gögn málsins.

Samtökin 78 eru nær alfarið rekin fyrir opinbert fé. Þegar fyrir liggur að samtökin stunda stafrænar njósnir á fólki út í bæ og standa fyrir skemmdarverkum á frjálsu félagastarfi, sem unnið er í sjálfboðavinnu, hljóta kjörnir fulltrúar að endurskoða fjárframlög til samtakanna. Transnjósnir á ekki að fjármagna með opinberu fé. Í ljósi sérhæfingarinnar er nærtækt að endurskíra lífsskoðunarfélagið, nefna það Stasi 78.

 

Sema Erla, Hamas og Íslandsbanki

Sema Erla Serdaroglu rekur samtökin Solaris og safnaði í fyrra 93 milljónum króna í þágu Palestínuaraba. Grunur er um peningaþvætti og rannsakar lögreglan málið. Tilfallandi sagði frá greinargerð ríkissaksóknara:

Markmið Solaris var að safna 50 milljónum króna. Söfnun hófst 7. febrúar 2024 lauk formlega 4. mars sama ár og höfðu þá safnast 50 milljónir króna. Í rökstuðningi ríkissaksóknara til lögreglunnar, um að sakamálarannsókn skuli haldið áfram, kemur fram að tugir milljóna króna hafi flætt inn á reikning Solaris í vikur og mánuði eftir að söfnun lauk.

,,Fram til 4. september 2024 söfnuðust 93.338.100 kr.," segir í greinargerðinni. Hvaðan komu rúmlega 43 milljónir króna inn á reikning Solaris, hálfu ári eftir að formlegri söfnun lauk og 50 milljón kr. markinu var náð? Allir sem þekkja til fjársafnana af þessum toga vita að eftir að söfnun lýkur kemur sáralítið ef nokkuð til viðbótar inn á söfnunarreikning. Í greinargerð ríkissaksóknara segir að ,,sætir það furðu" að Solaris hefði ,,viðvarandi innstreymi fjármagns."

Viðskiptablaðið skrifar frétt um að Sema Erla sé stórkaupandi hlutafjár Íslandsbanka í nýlegu útboði, keypti fyrir hámarksfjárhæð, 20 milljónir króna.

Í blogginu, sem vitnað er í hér að ofan, segir:

Glæpahópar og hryðjuverkasamtök nota gjarnan góðgerðar- og mannúðarsamtök til að þvætta peninga. Söfnun á peningum frá almenningi er notuð til að gera illa fengið fé hreint. Ólögmætir peningar fara inn á reikninginn en út koma peningar sem hægt er að koma í umferð í þágu málefna á skjön við lög og reglur.

Í hnotskurn: Sema Erla er undir lögreglurannsókn vegna gruns um peningaþvætti. Hún kaupir fyrir 20 milljónir hlut í Íslandsbanka á eigin kennitölu. Í útboðinu er vitað af kennitölusöfnun fjársterkra aðila.

Fjármálastofnanir eru lykilaðilar í peningaþvætti.