Veit ekki hvers vegna Björt framtíð tapar fylgi

Guðmundur Steingrímsson formaður Bjartar framtíðar veit ekki hvers vegna flokkurinn mælist með 4,4 prósent fylgi.

Guðmundur vissi í apríl síðast liðnum hvers vegna Björt framtíð var með gott fylgi, eða ríflega tíu prósent. Þá sagði formaðurinn kotroskinn: ,,Fólk á að kjósa þá sem tala fyr­ir lausn­um og af skyn­semi hverju sinni.“ 

Í málþófinu í vor hætti Guðmundur að tala fyrir lausnum og skynsemin var víðs fjarri. Ef Guðmundur lofar að finna lausnir og verða skynsamur er aldrei að vita nema félagarnir fáu sem mynda Bjarta framtíð veðji á 'ann á ný.

Aulaleg hreinskilni er stundum sniðug pólitík, það sanna dæmin.

„Þú gerir ekki rassgat einn“

Fjölmenning er skálkaskjól ómenningar

Fjölmenning er íslenskun á erlenda hugtakinu ,,multiculturalism" sem var búið til í Evrópu sem valkostur við þjóðmenningu. Fjölmenning varð til sem pólitísk stefna í kjölfar innflytjendastraums til Vestur-Evrópu áratugina eftir seinna stríð.

Í nafni fjölmenningar voru innflytjendur hvattir að halda í menningu heimaslóða, sem aftur leiddi til þess að innflytjendur aðlögðust síður menningu nýrra heimkynna. Önnur afleiðing fjölmenningar var að menningarkimar innflytjenda fóstruðu með sér andstyggð á nærumhverfi sínu og efndu jafnvel til hryðjuverka, til dæmis árás breskra múslíma á meðborgara sína sumarið 2005 þegar yfir 50 saklausir Bretar féllu.

Fjölmenning er orðið skammaryrði í Vestur-Evrópu enda hugtak um misheppnaða innflytjendastefnu. Leiðtogar stærstu ríkja Vestur-Evrópu. Bretlands, Frakklands og Þýskalands gáfu út yfirlýsingar sumarið 2011 um að horfið skyldi frá fjölmenningarstefnu.

Atburðir, sem standa okkur nærri, staðfesta að fjölmenning er skálkaskjól fyrir ómenningu. Danskfæddur múslími ákvað á liðnum vetri að drepa menn sem ekki sýndu spámanningum næga virðingu. Hryðjuverkamaðurinn var skotinn af lögreglu. Við útförina mættu 600 til 800 hundruð manns til að sýna samstöðu með morðingjanum.

Þegar fjölmenning rennur sitt skeið í Evrópu sýnast íslenskir vinstrimenn þess albúnir að taka hana upp á sína arma. Guðmundur Andri Thorsson rithöfundur mærir fjölmenningu í vikulegum pistli í Fréttablaðinu. Að hætti áróðursmanna býr Guðmundur Andri til ímyndaðan andstæðing, strámann, úr fjölmenningu og kallar fámenningu - sem hann, auðvitað, dundar sér við að salla niður.

Sigurður Nordal skrifaði fyrir daga fjölmenningar bókina Íslensk menning. Þar segir á bls. 31 að vanmetakennd sumra Íslendinga leiði þá í ,,freistni hroka eða undirlægni, þröngsýni eða apaskapar." Greining Sigurðar hittir fyrir vinstrimenn í fjölmenningartrúboði.

Kúrdar, Rússar og ruglið í utanríkisstefnu Íslands

Ísland er sem Nató-ríki ábyrgt fyrir morðárásum Tyrkja gagnvart Kúrdum. Ísland er sem taglhnýtingur ESB í viðskiptastríði við Rússa vegna stórveldaátaka í Úkraínu.

Við eigum að fordæma árásir Tyrkja á Kúrda og afturkalla stuðning okkar við Evrópusambandið í deilu þess við Rússa um forræði yfir Úkraínu.

Utanríkisstefna Íslands virðist mótuð í siðferðislegu tómarúmi þar sem þeir ráða för er búa að skertustu dómgreindinni. Útkoman er eftir því: Ísland styður morð á Kúrdum og tekur þátt í aðför að öryggishagsmunum Rússa.

390 Kúrdar féllu á tveimur vikum

Jón Gnarr taki við Bjartri framtíð

Besti flokkur Jóns Gnarr gekk í bandalag við flokkaflakkarana Guðmund Steingríms og Róbert Marshall til að stofna Bjarta framtíð.

Nú er Björt framtíð í tortímingarhættu þrátt fyrir merkilegt framlag til íslenskra stjórnmála, eins og að breyta klukkunni og að Ísland borgi evru-skuldir Grikkja.

Er ekki tímabært að guðfaðirinn axli ábyrgð á króganum? Jón Gnarr hlýtur að þekkja sinn vitjunartíma.

 

Formaðurinn meti stöðu sína

Flóttamenn og lífsgæði

Flóttamenn frá Afríku og Mið-Austurlöndum sækjast eftir lífsgæðum Evrópu. Lífsgæði Evrópu eru takmörkuð gæði sem gengið yrði á ef Evrópa tæki við öllum þeim flóttamönnum sem þar knýja dyra.

Stjórnmál í Evrópu eru óðum að snúast gegn viðtöku flóttamanna einmitt vegna þess að almenningur metur það svo að það gangi á lífsgæðin eftir því sem flóttafólki fjölgar.

Eina varanlega lausn á flóttamannavandanum er að Afríka og Mið-Austurlönd bjóði íbúum sínum upp á sambærileg lífskjör og þekkjast í Evrópu. Það gæti tekið nokkurn tíma.

 

Reyndi að smygla 18 flóttamönnum

Orðspor á meira en milljón

Nytjahlutir eru með tvöfalt verðgildi. Maður kaupir sér úlpu til að skýla sér í vondu veðri og borgar fyrir í samræmi við það hlutverk úlpunnar. Í öðru lagi er verðgildi nytjahluta metið eftir orðspori. Markaðssetning og tíska myndar þetta orðspor.

Þegar vel tekst til myndar orðspor hlutar meiri verðmæti en notagildið.

Dæmi um það er Egg-stóll sem selst notaður á 1,3 m.kr. Þessir stólar eru mest til að horfa á en minnst til að sitja í.

Einn bannaður í Úkraínu, annar í Rússlandi

Franski leikarinn Géerard Deperdieu er bannaður í Úkraínu vegna stuðnings við Rússa. Í Rússlandi sjálfu eru bækur sagnfræðingsins Anthony Beevor bannaðar í skólum sökum þess að hann styður Rússa ekki nógu mikið (les: Beevor segir frá nauðgunum rússneskra hermanna á þýskum konum í lok seinna stríðs.).

Austur-Evrópa er enn á því menningarstigi að banna eitt og annað sem ekki fellur að opinberri stefnu.

Vesturlönd banna ekki menningu, aðeins viðskipti. Og það er óendanlega merkilegra. Eða þannig.

Slökkt á Depardieu

Ef bændur framleiddu fatnað og raftæki

Verslunin í landinu, með fákeppnisfyrirtækið Haga í broddi fylkingar, hamast á bændum landsins og telur þá stunda viðskiptahætti er haldi uppi vörurverði.

Flestir vita að bændur framleiða mat fyrst og fremst. En ekki fatnað og raftæki.

En raftæki og fatnaður eru hvergi í Evrópu dýrari en á Íslandi.

Hvers vegna þegja nær allir fjölmiðlar um þessa staðreynd? Er það vegna auglýsingahagsmuna hjá versluninni?

Flokkaflakkarar á leið til hægri

Forystumenn Bjartar framtíðar, Guðmundur Steingrímsson og Róbert Marshall, eru flokkaflakkarar sem leita uppi örugg þingsæti fyrir kosningar. Félagarnir fengu stuðning að stofna Bjarta framtíð frá Össuri Skarphéðinssyni, yfirplottara Samfylkingar, undir þeim formerkjum að veiða upp óánægjufylgi á vinstri kantinum.

Óánægja kjósenda vinstriflokkanna var svo megn síðustu þingkosningar að fylgið fór yfir á Sjálfstæðisflokk og Framsóknarflokk sem fengu meirihluta.

Þeir Guðmundur og Róbert leita hófanna eftir hægrafylgi með því að afneita móðurflokknum, Samfylkingunni. Björt framtíð er í meirihlutasamstarfi við Sjálfstæðisflokkinn í Hafnarfirði og Kópavogi. Félagarnir sjá fyrir sér að hoppa á hægrivagninn í íslenskri pólitík.

Með 4,4 prósent fylgi mun enginn líta við Bjartri framtíð og skiptir engu hvort Guðmundur og Róbert leita til hægri eða vinstri. 

Glímir við forystukreppu

Bankar tileinki sér hófstillingu

Bankar eru á Íslandi það sem kynþáttahyggja er í Þýskalandi; svolítið viðkvæmt mál í pólitískri umræðu. Bankarnir gerðu Ísland nærri gjaldþrota og bankamenn eru helstu glæpamenn hrunsins.

Landsbankinn var djarfur að ætla sér höfuðstöðvar á dýrustu lóð landsins. Samstillt átak stjórnmálamanna og almennings þurfti til að koma vitinu fyrir Landsbankamenn.

Bankar og bankafólk gerir vel í að stíga varlega til jarðar á opinberum vettvangi og derra sig ekki meira en brýnasta nauðsyn krefur.

„Frestun breytir engu“