Kristinn fasismi forseta Evrópusambandsins

Fasismi og kaþólska kirkjan héldust hönd í hönd á velmektardögum Mússólíni. Fasíska útgáfan af kaþólskri kristni er í hávegum hjá forseta Evrópuráðsins, Herman van Rompuy. Hér er tilvitnun í orð Belgans um afstöðuna til aðildarumsóknar Tyrkja

In 2004, he stated "An enlargement [of the EU] with Turkey is not in any way comparable with previous enlargement waves. Turkey is not Europe and will never be Europe." He continued "But it's a matter of fact that the universal values which are in force in Europe, and which are also the fundamental values of Christianity, will lose vigour with the entry of a large Islamic country such as Turkey.

Tyrkir munu sjúga kristna lífskraftinn úr Evrópusambandinu fái þeir inngöngu, segir forseti Evrópusambandsins. Kaþólska, bæði fasíska útgáfan og mildari, er frá upphafi hugmyndafræðilegur drifkraftur Evrópusambandsins.

Íslendingar, vel að merkja, kvöddu kaþólsku árið 1550 og litlar hræringar í þátt átt síðan, eða þangað til umsókn Samfylkingarinnar kveikti trúarbál á Íslandi. 

Jóhönnustjórnin er án pólitískrar undirstöðu

Vinstristjórnin á Íslandi er án pólitískrar undirstöðu. Það sést best á samanburði við ríkisstjórn Geirs H. Haarde þar sem Sjálfstæðisflokkur og Samfylking sameinuðust um frjálshyggjulausnir; einkavæðing orkuauðlindanna, einkarekstur í heilbrigðis- og menntamálum og stóriðjuvæðing á kostnað náttúruverndar. Í ríkisstjórn Geirs H. Haarde var Samfylkingin frjálshyggjusinnaðri en margir þingmenn Sjálfstæðisflokksins.

Vinstristjórnmál á Íslandi eru sögulega tvíþætt. Annars vegar hækjustjórnmál Alþýðuflokksins sem var lengi minnihlutaaðili í ríkisstjórnum Sjálfstæðisflokksins og reyndi iðulega að vera kaþólskari en páfinn. Hins vegar fullveldisstjórnmál Alþýðubandalagsins og forvera þar sem sjálfstæðisbaráttan var bæði fyrsta og síðasta vers.

Í Jóhönnustjórninni er Samfylkingin meirihlutaflokkur. En trúr sínu eðli verður flokkurinn að vera undirlægja stærri stjórnmálaafls og þess vegna er Samfylkingin hækja Evrópusambandsins á Íslandi. 

Vinstrihreyfingin grænt framboð sveik grunnhugsjón róttækra vinstristjórnmála með því að samþykkja umsókn um aðild að Evrópusambandsins.

Andrúmsloftið innan dyra í flokkunum tveim staðfestir ólíkt hlutskipti þeirra í ríkisstjórn. Í Samfylkingunni ríkir samstöðuþögn feitra þjóna sem njóta valdsins og hugsa sér gott til Evrópuglóðarinnar. Vg er í varanlegu uppreisnarástandi enda sveik flokkurinn sína huldumey.

Álíka líklegt er að Samfylkingin og Vg finni sameiginlega undirstöðu og að við rekumst á hringlaga þríhyrning á förnum vegi.

 

Churchill, Hitler og belgíski dvergurinn

Tímaritið Der Spiegel er samviska Þýskalands. Forsíðuefni vikunnar eru þakkir til Winston Churchill forsætisráðherra Bretlands fyrir að stöðva þýska evrópuvæðingu Hitlers fyrir 70 árum. Vorið 1940 réð Hitler Frakklandi, Póllandi, Niðurlöndum, Danmörku og Noregi auk Austurríkis og Tékklands.

Eftir Dunkirk, þar sem breskt herlið slapp við illan leik yfir Ermasund, var það sjónarmið uppi í Bretlandi að semja ætti við Hitler forræði hans yfir meginlandinu. Bandaríkin voru í hlutleysisgír og í gildi bandalag milli Þýskalands og Sovétríkjanna. Yfirþyrmandi rök voru fyrir því að semja ætti við foringjann um að þýskir fengju meginlandið en létu Breta í friði.

Innsæi og þvermóðska Churchill bjargaði Evrópu sumarið 1940. Churchill var meingallaður maður en hann var stóri samnefnarinn fyrir andóf gegn yfirgangi og ofbeldi.

Flettum sögunni fram um tæp 70 ár. Evrópa er sameinuð og leitar að varanlegum leiðtoga. Í boði er breskur fyrrum forsætisráðherra með nafn og orðspor sem gæti gefið álfunni einhvers konar forystuídentítet, Tony Blair. Evrópusambandið leitar að minnsta samnefnaranum og finnur hann í Herman van Rompuy sem var forsætisráðherra í tilbúna ríkinu Belgíu sem hefur tvö ríkistungumál og alltaf við það að detta í sundur.

Fyrir 70 árum skóp Evrópa heiminn í stríði og friði. Í dag er hún útskagi asíska meginlandsins. Ísland er svo ljónheppið að eiga úthaf á milli sín og útskagans.

Umsóknarmenn eru aðildarsinnar á undanhaldi

Rúmt ár er liðið frá atburðinum 16. júlí þegar Samfylkingin knésetti Vg á alþingi og fékk samþykkta ályktun um að Ísland sækti um aðild að Evrópusambandinu. Umræðan hefur leitt tvennt í ljós. Í fyrsta lagi að ESB býður ekki upp á viðræður um aðild heldur aðlögunarferli. Í Brussel er gert ráð fyrir að þjóðir sem banki upp á geri það í fullri alvöru. Eins og alþjóð veit var hvorki þjóðarvilji né raunsannur þingvilji fyrir umsókn.

Í öðru lagi hefur umræðan hert andstöðuna við aðild samkvæmt ítrekuðum könnunum. Aðildarsinnar eru enda á hröðu undanhaldi og reyna mest lítið að útskýra fyrir almenningi hvaða erindi þjóðin á í ESB. 

Aðildarsinnar eru orðnir umsóknarmenn sem vilja sá undanþágurnar sem standa til boða hjá Evrópusambandinu. Þeim nægir ekki að heyra frá stækkunarstjóra ESB, Stefan Füle, að engar varanlegar undanþágur eru í boði.

Einn umsóknarmanna er Illugi Jökulsson sem óskar sér nýrrar skoðanakönnunar til að fá byr í segl aðildarsinna. Dæmigerð samfylkingarlausn; þegar rökin þrýtur og fylgið hverfur má alltaf vonast eftir hagfelldri skoðanakönnun.

Gylfi er í þjónustu atburðarásarinnar

Gylfamál Magnússonar eru á yfirborðinu hvort ráðherra hafi sagt satt um vitneskju sína um lögmæti gengislána. Í reynd eru Gylfamál hluti af atburðarás sem búið er að skrifa en á eftir að tímasetja. Atburðarásin er harmsaga hreinu vinstristjórnarinnar sem tók við eftir hrun án þess að vita í hvorn fótinn hún ætti að stíga.

Samfylkingin lýsti sig samábyrga Gylfa með fundinum í dag. Atburðarásin krefst að byrgisfólkið snúi bökum saman allt fram á síðasta dag er trúnaðurinn slitnar með hvelli og hver hleypur í sína áttina í þeirri vissu að enginn verður sakaður um liðhlaup þar sem allir eru á flótta.

Öðru hvoru megin við áramótin næstu harmsögu Jóhönnustjórnarinnar.

 

Sóttist ekki eftir starfinu

Reykjanesbær er næsta Álftanes

Bæjarstjóri Reykjanesbæjar, Árni Þór Sigfússon, sér það helst sjálfum sér og bæjarsjóð til bjargar að selja orkufyrirtæki almennings til braskara. Fréttir helgarinnar hafa leitt í ljós að HS-Orka og HS-Veitur eru sama fyrirtækið og hvorttveggja átti að fara ofan í sænska skúffu sem heitir Magma.

Eyjan vekur athygli á því að Reykjanesbær stendur í stórum ábyrgðum vegna torkennilegs fjármálavafsturs HS-Orku.

Fjármálaruglið í Reykjanesbæ mun hægt en örugglega koma í ljós.

Egill Helga, Jón Frímann og áráttan

Egill Helgason umræðustjóri leitar í smiðju Jóns Frímanns Jónssonar til að greina þjóðfélagsumræðuna.

Hér er færsla Jóns Frímanns kl. 10:07 og klukkan 10:40 endurvinnur Egill færslu Jóns Frímanns.

Egill skuldar Jóni Frímanni afsökunarbeiðni fyrir að geta ekki heimilda.

Samnefnari ESB-fólksins

Aðild að Evrópusambandinu er stórpólitískt mál, um það eru fylgjendur og andstæðingar sammála. Af þeirri staðreynd ætti að leiða að sannfærðir aðildarsinnar væru í einhverju pólitísku sambandi sín á milli, þvert á flokkslínur. Andstæðingar aðildar eiga sér sameiginlegan vettvang, Heimssýn, þar sem hittast reglulega sjálfstæðismenn, vinstri grænir, framsóknarmenn og flokksleysingjar. Viðræður þar á bæ sýna margar sameiginlegar áherslur til dæmis í afstöðu til marka opinbers reksturs og einkareksturs, náttúruverndar og fleiri mála.

En hver er vettvangur ESB-sinna? Þeir geta ekki starfað saman í félagi og hafa stofnað nokkur s.s. Evrópusamtökin, sammála.is og Sjálfstæðir Evrópumenn. 

Þegar grannt er skoðað er eitt sem sameinar aðildarsinna. Sameiginlegur vettvangur þeirra er Baugs-útgáfan. Í Fréttablaðinu er ritstjórinn aðildarsinninn og sjálfstæðismaðurinn Ólafur Stephensen; kratísku dálkahöfundarnir og aðildarsinnarnir Þorsteinn Pálsson, Guðmundur Andri Thorsson og Þorvaldur Gylfason eru fyrir á fleti.

Auk áhuga á Evrópusambandinu sameinast aðildarsinnar í varðstöðu um hagsmuni Baugsfjölskyldunnar.

 

 

Stjórnarþingmenn hóta ríkisstjórninni

Þolinmæði stjórnarþingmanna gagnvart Jóhönnustjórninni er af skornum skammti. Tvennt kemur til. Við fjárlagagerð verður tekist á um forgangsröðun í ríkisrekstri og pólitísk álitamál um skattlagningu og niðurskurð. Stjórnin er búin að tapa frumkvæðinu og sérlega illa búin undir átakamál. Í öðru lagi er undiralda í stjórnmálum og ekki að vita nema kosningar verði fyrr heldur en seinna.

Samfylkingin er sérstaklega veik fyrir þar sem óopinbert leyndarmál er að Jóhanna hætti strax og færi gefst. Magnús Orri og félagar hans í þingflokknum þurfa að skapa sér stöðu innan flokks þar forystan er í uppnámi og aðstæður í samfélaginu mótdrægar, svo ekki sé meira sagt.

Á næstunni verða þeir fleiri sem setja fyrirvara við Jóhönnustjórnina.

Líst vel á bankaskatt

Magma-leiktjöldin rifin niður

RÚV reif niður afganginn af Magma-leiktjöldunum í sexfréttum. Hitaveitu Suðurnesja var skipt upp aðeins að nafninu til í HS-Orku og HS-Veitu. Starfsmannahald, innviðir og aðstaða er hin sama fyrir báða hlutana. Með því að hleypa Magma inn í einn hluta er fyrirtækið komið í aðstöðu til stýra báðum hlutum gömlu Hitaveitu Suðurnesja.

Þegar leiktjöldin eru farin stendur það eitt eftir að Magma-málið er tilraun til þjófnaðar á opinberum eigum.