Kreppa vestræns valdakerfis: Nató, IMF og ESB

Brexit mun festa Bretland i kreppu, sagði IMF - alþjóða gjaldeyrissjóðurinn. Tilfellið er að breskur efnahagur mun vaxa meira en sá þýski og franski. Þetta eru trúðar, segir breskur þingmaður.

Nató var beitt í hernaðarbrölt í Úkraínu sem leiddi til ónauðsynlegra árekstra við Rússland og aukinnar spennu í Austur-Evrópu. Nató-ríkið Tyrkland, á landamærum Evrópu og miðausturlanda, er undir harðstjórn Erdogan, sem lætur Pútín Rússlandsforseta líta út eins og boðbera lýðræðis og mannréttinda.

Evrópusambandið, ESB, stendur frammi fyrir innri upplausn, sbr. Brexit, hryðjuverkaógn og evru-kreppu, og langtíma flóttamannavanda frá miðausturlöndum.

Orð Donald Trump, forsetaefnis Repúblíkana í Bandaríkjunum, um nauðsyn breyttrar utanríkisstefnu er ótvírætt merki um vaxandi einangrunarhyggju stærsta Nató-ríkisins.

Nató, ESB og IMF eru vestræn valdakerfi sem byggð voru upp eftir seinni heimsstyrjöld. Veik staða þessara valdakerfa veit á langvarandi óvissu um skipan mála í okkar heimshluta.

Forsenda fyrir nýju jafnvægi er að Bandaríkin/ESB/Nató annars vegar og hins vegar Rússland finni varanlega lausn á sambúðarvanda sínum í Austur-Evrópu. Án samstöðu í Evrópu verður ekki hægt að koma á skikki á málefni miðausturlanda.

Vill gjörbreyta utanríkisstefnunni

Fjölmiðlanauðgun

Ef einhverjum er nauðgað getur viðkomandi farið með nauðgunina í fjölmiðla sem eru viljugir viðtakendur slíkra frétta, eins og dæmin sanna.

Þolandi nauðgunar getur einnig kært verknaðinn til lögreglu. Þá fer fram opinber rannsókn sem sem ýmist leiðir til ákæru eða frávísunar.

Sá sem verður fyrir nauðgun getur líka gert hvorttveggja, sagt frá ofbeldinu í fjölmiðlum og kært árásina.

Í stuttu máli: fórnarlambi nauðgunar eru allir vegir færir að gera glæpinn að opinberu máli.

Samt láta fjölmiðlar og sumt fjölmiðlafólk eins og lögreglustjórinn í Vestmannaeyjum stjórni opinberri umræðu um nauðgun.

„Einfaldlega nóg boðið“

RÚV verkfæri Viðreisnar - elur á ófriði innan ríkisstjórnarinnar

Hringbraut er útgáfa á vegum Viðreisnar, stjórnmálaflokks sem ESB-sinnar úr Sjálfstæðisflokknum stofnuðu. Viðreisn ætlar sér fylgi hægrimanna og leiðin að því markmiði er að sá fræjum óvildar á milli stjórnarflokkanna.

Hringbraut býr til fréttir um að ráðherrar Framsóknarflokksins séu ,,lúbarðir" af Sjálfstæðisflokknum og í ,,slagsmálum" um útgjöld til velferðarmála.

Ríkisútvarp vinstrimanna, RÚV, stekkur á vagn Hringbrautar og birtir sömu fréttir til að valda usla í stjórnarsamstarfinu. Aðferð RÚV er gamalkunn aðgerðafréttamennska, búa til frétt og leita viðbragða er kalla á gagnviðbrögð. Ef RÚV fær ekki heimildamenn til að koma fram undir nafni eru tilbúnir ónafngreindir notaðir til að staðfesta ,,línuna" sem RÚV er búið að taka.

Munurinn á Hringbraut og RÚV er að fyrrnefndi fjölmiðillinn er einkaframtak en RÚV er á opinberu framfæri og starfar samkvæmt lögum. En faglega eru fjölmiðlarnir tveir á sama plani: þeir framleiða fréttir í þágu pólitískra hagsmuna.

Skilgreining á öfgatrú

Trú er sammannleg í þeirri merkingu að hún hefur fylgt manninum frá örófi alda. Með fastri búsetu, við landbúnaðarbyltinguna fyrir tíu þúsund árum, verða til skipulögð trúarbrögð sem fléttuð eru saman við veraldlegt vald.

Eingyðistrú við upphaf okkar tímatals leggur drög að náinni samvinnu trúarvalds og veraldlegs. Snemma á miðöldum kemur fram önnur útgáfa eingyðistrúar, múslímatrú, sem gengur í sömu átt.

Siðbótin í lok miðalda færði trúarvald til veraldlegra fursta og einvaldskonunga. Franska byltingin laust fyrir 1800 hnykkti á aðskilnaði trúar og réttarríkis. Trúfrelsi og vaxandi trúleysi verður ráðandi á vesturlöndum. Trú eða trúleysi sérhvers borgara verður einkamál hans.

Í ljósi vestrænnar sögu er skilgreining á öfgatrú þessi: trú er krefst tiltekinnar breytni einstaklingsins á opinberum vettvangi er öfgar sem ætti að úthýsa úr veraldlegu samfélagi. 

Baráttan um Ísland og peningatré góða fólksins

Tvær fylkingar takast á um Ísland, skrifar Þórður Snær Júlíusson í leiðara Kjarnans. Hægrimenn undir merkjum Sjálfstæðisflokks og Framsóknarflokks og vinstrimenn í Samfylkingu, Pírötum, Viðreisn, Vinstri grænum og Bjartri framtíð. Þórður Snær fylgir vinstrimönnum og skrifar

Sam­an­dregið er fólk til­búið að hafna ótrú­legri mis­skipt­ingu eigna og auðs. Það er að taka afstöðu með auk­inni sam­neyslu og betra vel­ferð­ar­kerfi. Þangað sækir stærsti hluti Íslend­inga enda mestan hluta lífs­gæða sinna.

Miðað við dreifingu leiðara Þórðar Snæs á samfélagsmiðlum er augljóst að góða fólkið finnur samstöðu með boðskapnum.

Misskipting auðs er ekki meiri en svo að ríkisútvarp vinstrimanna, RÚV, viðurkennir að tekjudreifing hefur aldrei verið jafnari frá því mælingar hófust.

Orð Þórðar Snæs um Íslendingar sæki stærstan hluta lífsgæða sinna til velferðarkerfisins er hreinræktaður sósíalismi frá 19du öld sem mistókst á þeirri 20stu. Útfærsla Þórðar Snæs er sögulaus 21stu aldar glópska: ,,mark­aðsvæða sum kerfi og lýð­ræð­i­svæða önn­ur."

Ha? Jú, þið lásuð rétt. Þórður Snær vill markaðsvæðingu til að auka samneyslu. 

Hversdagslegur skilningur á markaðsvæðingu er að vara eða þjónusta er sett á markað þar sem sumir tapa en aðrir græða. Ef læknisþjónusta og landbúnaðarvörur færu á markað myndi samneysla minnka og ójöfnuður aukast. Ástæðan fyrir því að við rekum skóla, heilbrigðisþjónustu og að hluta landbúnað undir formerkjum samneyslu er að við viljum ná markmiðum um jöfnuð.

Nú má deila um hvort við höfum gengið of langt eða of skammt í jöfnuði. Það er pólitískt álitamál. En við getum ekki markaðsvætt til að auka jöfnuð. Ekki frekar en að við getum virkjað fallvötn til að auka ósnortna náttúru. Eða búið til hringlaga þríhyrning.

Markaðsvæðing og aukin samneysla er mótsögn. Hún gengur ekki upp nema í huga góða fólksins sem trúir að peningar vaxi á trjánum. Leiðin til allsnægta sé að stofna samyrkjubú og rækta peningatré. 

En það er rétt hjá Þórði Snæ að tvær fylkingar berjast um Ísland. Góða fólkið með drauma um markaðsvæddan jöfnuð, ESB-aðild sem lausn á öllum vanda og fjölmenningu til höfuðs vestrænum lífsháttum annars vegar og hins vegar raunsæisfólkið sem metur meðalhófið og almenna skynsemi en hafnar kollsteypu á fyrirkomulagi sem reynslan sýnir að virki.

Bylting, gagnbylting og Tyrkland á barmi hengiflugs

Einræðistilburðir, spilling, sundurþykkja valdahópa og óánægja almennings er oftast undanfari byltingartilrauna. Herinn reyndi stjórnarbyltingu í Tyrklandi en gekk ekki heill til verksins og tilraunin rann út í sandinn.

Erdogan forseti efnir til gagnbyltingar til að uppræta andstöðu við foringjalýðræðið sem hann stendur fyrir. Fréttir eru af aftökum án dóms og laga þar sem stuðningsmenn forsetans ganga milli bols og höfuðs á raunverulegum og ímynduðum andstæðingum.

Hreinsanir í stjórnkerfinu á mánudegi eftir tilraun til stjórnarbyltingar um helgina sýnir ótvírætt að Erdogan og fylgismenn hans nota tækifærið til að ryðja úr vegi lýðræðislegri andstöðu við forsetann.

Atburðirnir í Tyrklandi færa landið fjær vesturlöndum og nær miðausturlöndum. Í nágrannaríki Tyrklands, Sýrlandi, blasir við sundurtætt ríki þar sem hver höndin er upp á móti annarri. Það er í höndum Tyrkja sjálfra að sneiða hjá sýrlenskri sjálfstortímingu. Krossum fingur og vonum það besta.

 

Játar að hafa skipulagt valdaránið

Trumpismi, samfélagsmiðlar og brotið lýðræði

Í pólitískri umræðu er nýtt hugtak, Trumpismi, notað um framgang Donald Trump í Bandaríkjunum, foringjaræði Erdogan í Tyrklandi, Brexit og vöxt harðlínustjórnmála í Evrópu. Inn í þetta hugtak þarf að staðsetja hömlulausa orðræðu samfélagsmiðla.

Morðin á lögreglumönnum í Bandaríkjunum eru viðbrögð við umræðu í samfélagsmiðlum um kerfisbundið óréttlæti sem blökkumenn þar í landi telja sig verða fyrir af hendi lögreglu. Erdogan í Tyrklandi er í hlutverki hins eilífa fórnarlambs sem haldið er á lofti í samfélagsmiðlum.

Áður en samfélagsmiðlar komu til sögunnar var dagskrárvald umræðunnar í höndum fjölmiðla, sem lutu stýringu fagmanna, blaðamanna, og voru undir áhrifum eigenda sinna, sem áttu það sameiginlegt að eiga ítök í samfélaginu og stuðla að framgangi sinna hagsmuna.

Samfélagsmiðlar lúta ekki stjórn fagmanna og engum eigendaáhrifum er þar til að dreifa. Í teóríunni eru samfélagsmiðlar lýðræðið uppmálað. Sérhver einstaklingur með aðgang að tölvu er sjálfstæður fjölmiðill.

Reyndin er sú að lýðræðið styrkist ekki með samfélagsmiðlum heldur stendur það veikara. Ástæðan fyrir mótsögninni er að samfélagsmiðlar grafa undan þeim stofnunum sem eru forsenda fyrir starfhæfu lýðræði. Ef fólk unnvörpum hættir að treysta réttarkerfinu, þjóðþingum og ríkisvaldi verður lýðræðið að skrílræði.

Þegar skrílræði nær fótfestu verður eftirspurn eftir sterkum leiðtogum sem bjóða harðlínupólitík gegn málamiðlunum. Trumpismi er öðrum þræði viðbragð við hömluleysi samfélagsmiðlanna.

„Ég teng­ist rétt­læt­inu, engu öðru“

Píratar tapa á Viðreisn, Samfylkingin gjörtapar

Viðreisn, stjórnmálaafl ESB-sinna, sækir í sama fylgið og Píratar. Lausafylgi sem ekki treystir hefðbundnum flokkum og vill refsa þeim með stuðningi við nýjasta stjórnmálaaflið sem stendur til boða hverju sinni.

Viðreisn leitar hófanna nokkuð víða, Halla Tómasdóttir forsetaframbjóðandi og Páll Magnússon fjölmiðlamaður eru nefndir sem frambjóðendur. Eyjan nefnir einnig samfylkingarþingmenn eins og Valgerði Bjarnadóttur og Össur Skarphéðinsson á lista Viðreisnar.

Björt framtíð gerði gott mót síðustu kosningar og skolaði þingmönnum á land, sem áður tilheyrðu vinstriflokkunum. Viðreisn ætlar að leika sama leikinn en sækja í fylgi til hægri, einkum Sjálfstæðisflokksins. En þar sem Píratar eiga mest fylgi í skoðanakönnunum, og það fylgi er kvikt, er viðbúið að Viðreisn fái til sín hluta þeirra kjósenda sem í könnunum gefa upp stuðning við Pírata.

Stærsti tapið á vexti og viðgangi Viðreisnar ber þó Samfylkingin, sem var eini ESB-flokkurinn. ESB-sinnar eru fáir og ekki til skiptanna á fleiri en einn flokk. Það væri nokkur pólitísk kaldhæðni ef Viðreisn yrði síðasti naglinn í líkkistu Samfylkingar.

Múslímsk hraðferð fjöldamorðingja

Glæpamenn með sjálfsmorðshneigð fá innblástur úr múslímatrú til fjöldamorða. Hófsamir múslímar viðurkenna þetta sjúklega einkenni múslímatrúar. Maajid Nawas biður fólk að horfast í augu viðurstyggðarinnar sem mælir fjöldamorðum bót.

Múslímski hryðjuverkamaðurinn í Nice er með sömu einkenni og ýmsir aðrir múslímskir fjöldamorðingjar. Glæpamenn sem komnir eru í öngstræti með líf sitt sækja sér háleit markmið í múslímatrú og tryggja sér sælu í paradís með fjöldamorðum.

Fjöldamorðinginn í Nice skipulagði ódæðið á yfirvegaðan hátt. Samkvæmt FAZ fór hann tvisvar í könnunarleiðangur um strandgötuna þar sem hann á Bastilludag keyrði niður yfir 300 manns og drap 84. Mohamed Lahouaiej-Bouhlel vissi að hann kæmist ekki lífs frá verknaðinum og gerði m.a. þær ráðstafanir að senda peninga, sem enginn vissi að hann ætti, til fjölskyldu sinnar í Túnis.

Í fréttaskýringu Guardian kemur fram að Hollande Frakklandsforseti setti á laggirnar sérstakt ráðuneyti til að hjálpa fórnarlömbum múslímskra hryðjuverkamanna. Hlutfall múslíma af íbúum Frakklands er um tíu prósent. Þau 90 prósent Frakka, sem ekki eru múslímar, fá sérstakt ráðuneyti fórnarlamba múslímskra hryðjuverkamanna. Á meðan láta flestir múslímar eins og ekkert hafi í skorist - og sumir eru svo ósvífnir að kalla múslímatrú friðelskandi.

Öfgamaður á nokkrum mánuðum

Sjö ár frá svikum Vinstri grænna

Vinstri grænir gengu til kosninga vorið 2009 með þá kosningastefnu að Ísland ætti ekki heima í Evrópusambandinu. Þann 16. júlí, nokkrum vikum eftir kosningar, sveik meirihluti þingflokks Vinstri grænna kjósendur sína og greiddi atkvæði með þingsályktun Össurar Skarphéðinssonar utanríkisráðherra um að Ísland skyldi sækja um aðild að Evrópusambandinu.

Þrír þingmenn VG lýstu því yfir í heyranda hljóði á alþingi að þeir greiddu atkvæði gegn yfirlýstri sannfæringu sinni þegar ESB-umsóknin var samþykkt á alþingi 16. júlí 2009. Umsóknin var samþykkt með 33 atkvæðum gegn 28, en 2 sátu hjá. Ef þingmenn VG hefðu greitt atkvæði samkvæmt sannfæringu sinni, eins og þeir vinna drengskaparheit að þeir skuli gera, hefði ESB-umsóknin verið felld: 31 atkvæði gegn umsókn, 30 atkvæði með og tvær hjásetur.

Álfheiður Ingadóttir sagði þetta í sinni atkvæðaskýringu er hún samþykkti tillögu Össurar:

Frú forseti. Stuðning minn við þessa tillögu um aðildarviðræður ber ekki að skilja sem stuðning við aðild Íslands að Evrópusambandinu. (Gripið fram í: Nú?) Ég er eindreginn andstæðingur þess að Ísland gangi í ESB og ég tel ólíklegt að aðildarviðræður muni skila samningi sem getur varið íslenska hagsmuni og auðlindir gagnvart alþjóðlegu auðvaldi og yfirþjóðlegri drottnun þess.

Svandís Svavarsdóttir þáverandi umhverfisráðherra lét eftirfarandi ummæli falla í ræðustól þingsins þegar hún samþykkt ESB-umsóknina

Frú forseti. Ég hef þá sannfæringu að Íslandi sé betur borgið utan Evrópusambandsins en innan þess. Ég hef þá sannfæringu að bandalagið sé á krossgötum eins og heimurinn allur og þurfi á endurmati að halda. Þar þurfi að efast um mælikvarða, grundvöll og forsendur þess samfélags sem við höfum byggt á Vesturlöndum undanfarinna áratuga. Ég hef þá sannfæringu að lýðræðið sé fyrir borð borið í Evrópusambandinu vegna þess að valdið er of langt frá fólkinu. Ég hef þá sannfæringu að markmið Evrópusambandsins sé að verða stórt og sterkt og hugsanlega sjálfstæður gerandi í stríði á forsendum valdbeitingar og yfirgangs eins og um hernaðarbandalag væri að ræða.

Katrín Jakobsdóttir menntamálaráðherra þá og núna formaður Vinstri grænna sagði frammi fyrir alþjóð þegar hún studdi tillögu Össurar um að sækja um aðild að ESB

Ég hef mótað mér mína afstöðu. Sem alþjóðasinni er ég krítísk á Evrópusambandið og ég tel hagsmunum Íslands betur borgið utan Evrópusambandsins en innan þess.

Svik þingmanna Vinstri grænna leiddu til ósigurs í kosningunum 2013 þegar flokkurinn fékk 10,9 prósent fylgi, helmingi minna en 2009.

Svandís og Katrín sitja enn á þingi og ætla báðar að sækjast eftir umboði kjósenda í haust.