Beaty er í bandalagi með útrásarauðmönnum

Útrásarauðmenn og Ross Beaty í Magma eru í bandalagi um að komast yfir íslenskar orkuauðlindir. Í pakkanum er einnig Árni Sigfússon bæjarstjóri gjaldþrota Reykjanesbæjar og Árni Magnússon fyrrum ráðherra Framsóknarflokksins og núverandi yfirmaður orkudeildar Íslandsbanka. Fyrrum félagar Árna eru menn eins og Hannes Smárason í FL-group og Jón Ásgeir Baugsstjóri.

Beaty kann vel við sig á mörkum stjórnmála og viðskipta, þar sem spilltir stjórnmálamenn koma við sögu og græðgisvæddir meðhlauparar. Orkudeild  Íslandsbanka sótti Beaty til Íslands þegar aðrir fjárfestar brugðust.

Þjálfaður meðhlaupari útrásarauðmanna, Ásgeir Margeirsson, stýrir Magma á Íslandi. Ásgeir var næstráðandi í OR en gekk þaðan í þjónustu útrásarauðmanna í Geysir Green og þaðan til Magma.

Beaty hótar, býður mútur og kjaftar sig inn á lífeyrissjóði. Hann er sölumaður sem gæti selt sand til Sahara.

Allt sem Beaty gerir er með hámarksgróða í huga enda þekkur raðfjárfestir sem býður fáranlega ávöxtun. Hvers vegna ættu Íslendingar að gína við þessu rugli rétt eftir hrun?

 

Segja Beaty hóta í kjölfar viðtals við Björk

Engin þörf á ríkisrekstri heimila

Níu af hverjum tíu heimilum eru í skilum með sín fjármál, segir lífskjarakönnun Hagstofu. Eftir þessa niðurstöðu ætti að vera með góðri samvisku að leggja til hliðar áform um flata niðurfærslu lána eða önnur allsherjarúrræði fyrir heimilin.

Eitt af hverjum tíu heimilum er í vanda. Af þeim er helmingurinn alltaf í vanda hvort heldur í góðæri eða hallæri. Sértæk úrræði fyrir þau fimm prósent heimila sem eru í vanskilum ætti ekki að vera tiltökumál.

Forsendur fyrir eðlilegum fasteignamarkaði skapast fyrst þegar vissa fæst fyrir því að stjórnvöld eru hætt við hugmyndir um ríkisrekstur íslenskra heimila.

Yfir 10% heimila í vanskilum

Þjóðernishyggja íslensk og þýsk-evrópsk

Íslensk þjóðernishyggja er barátta fyrir lífsafkomu í harðbýlu landi. Menningarleg sjálfstæðisbarátta er vörnin fyrir tungumálinu og efnahagslegt sjálfstæði er tryggt með yfirráðum yfir náttúruauðlindum til lands og sjávar. Þýsk-evrópsk þjóðernishyggja dregur á eftir sér slóða tveggja heimsstyrjalda, hugtök eins og Lebensraum og staðarnöfnin Auschwitz og Dachau.

Herman van Rompuy forseti leiðtogaráðs Evrópusambandsins flutti ræðu í Berlín þann 9. nóvember þar sem hann dró beina línu milli þjóðernishyggju og stríðsreksturs. Upphafsstöð þjóðernishyggju, samkvæmt Rompuy, er gagnrýni á Evrópusambandið; milliliðurinn er ótti sem getur af sér þjóðernishyggju og af því leiðir stríð. Textinn fer hér að neðan

 We have together to fight the danger of a new Euro-scepticism. This is no longer the monopoly of a few countries. In every Member State, there are people who believe their country can survive alone in the globalised world. It is more than an illusion: it is a lie! Franklin Roosevelt said: 'The only thing we have to fear is fear itself.' The biggest enemy of Europe today is fear. Fear leads to egoism, egoism leads to nationalism, and nationalism leads to war (“le nationalisme, c’est la guerre” (F. Mitterrand)).

Þýsk-evrópska þjóðernishyggjan sem van Rompuy lýsir á ekkert sameiginlegt með íslenskri þjóðernishyggju. Ísland á fjarska lítið sameiginlegt með Evrópusambandinu.

Fullveldi og aðlögun er líf og dauði

Umsókn Íslands um aðild að Evrópusambandinu varðar fullveldi þjóðarinnar. Um það eru fullveldissinnar og aðildarsinnar sammála og þar er ástæðan fyrir því að stjórnarskránni verður að breyta ef af aðild verður.

Utanríkisráðuneytið getur ekki farið í viðræður þar sem fullveldi þjóðarinnar er í húfi án þess að skýrar og afgerandi forsendur liggi til grundvallar. Aðlögun annars vegar og óskuldbindandi samningaviðræður um skilmála aðildar að ESB eru gagnólíkir hlutir.

Ótækt er að loðnar yfirlýsingar hvors samningsaðila um sig að þeir virði andstæð sjónarmið verði grunnur viðræðna Íslands við Evrópusambandið. 

Yfirlýsingarnar „til hliðsjónar“

Innlit í horfinn stjórnmálaheim

Umræðan um skattahækkanir er dauð. Almenningur veit að eftir fjármálafyllerí síðustu ára verður að hækka skatta og kaupir ekki röksemd sjálfstæðismanna að skattar drepi atvinnulífið í dróma. Pælingar um að láta hagkerfið vaxa með því að drita út almannafé til óráðssíufólks falla í grýttan jarðveg.

Stjórnmál eftirhrunsins munu snúast um annað en skattaprósentur. 

Um hvað? Jú, um lífsgildi.

Hagkerfið sýnir viðbragðsflýti

Völundarhús valdsins

Kafka skrifaði sögur um það hversu heilbrigð skynsemi má sín lítils gagnvart valdinu. Kafka skrifaði sínar sögur þegar valdaverkfæri þýsk-prússnesku elítunnar var orðið fullveðja. Þrátt fyrir tvær heimsstyrjaldir er verkfærið enn í notkun undir sam-evrópsku vörumerki. Eitt einkenni valdsins er hve erfitt er að skilja það og ræða á röklegum forsendum.

Umsókn samfylkingarhluta ríkisstjórnarinnar þvældi íslenskum hagsmunum inn í völundarhús valdsins í Brussel. Evrópuvaktin bendir á lygavefinn sem aðalábyrgðarmaður umsóknarinnar, Össur Skarphéðinsson utanríkisráðherra, er fastur í. Össur segir viðræðuramma Evrópusambandsins ekki eiga við Ísland. Talsmaður Evrópusambandsins segir aðeins einn viðræðuramma til af hendi sambandsins og sá rammi feli í sér aðlögun umsóknarríkis að reglum og lögum sambandsins. Aðlögunin fer fram samhliða viðræðum.

Evrópusambandið hannaði aðildarferli í anda Kafka. Embættismenn í Brussel geta vísað Íslandi í tyrknesku biðstofuna, þar sem umsóknarríki geta beðið endalaust. Brusselvaldið á jafnframt þann kost að hinkra þangað til aðstæður á Íslandi eru heppilegar til að gera leifturárás á landið og fá samþykki þjóðarinnar fyrir innlimun. En áður en að því kemur þarf að mýkja andstöðuna með fégjöfum og áróðri.

Ögmundur Jónasson dómsmálaráðherra talar fyrir heilbrigðri skynsemi þegar hann segir hingað og ekki lengra.

Í anda ,,Kafka-skrifræðis"

Norska leiðin útilokuð, aðeins aðlögun í boði

Skrifstofa stækkunarstjóra Evrópusambandsins útilokar að samningar um aðild Íslands verði gerðir á sama grundvelli og samið var við Norðmenn fyrir rúmum 15 árum. Evrópusambandið gerði engar kröfur til Norðmanna að þeir aðlöguðu lög og regluverk að Evrópusambandinu á með viðræður um aðild stóðu yfir. Ísland var sett í aðlögunarferli sem Evrópusambandið hannaði fyrir ríki Austur-Evrópu.

Í viðtali við EU-Observer segir talsmaður stækkunarskrifstofu ESB að aðeins ein leið sé inn í sambandið og Ísland fái ekki undanþágu frá þeirri leið.

It's basically a set of rules on how the negotiations are to be conducted, between the member states and the country concerned. And Iceland agreed to this framework. They can't go back on it now.

Umfjöllun EU-Observer er í tilefni af grein Ögmundar Jónassonar í Morgunblaðinu sl. laugardag þar sem hann setti fram þá hugmynd að viðræður um aðild Íslands yrðu færðar út aðlögunarferlinu yfir í raunverulegar samningaviðræður þar sem tekist væri á um grundvallaratriðin. Ögmundur segir slíkar viðræður ekki taka lengri tíma en tvo mánuði.

 

 

Bölsýni veit á aðild, bjartsýni fullveldi

Þegar mestur bölmóðurinn eftir hrun réð ríkjum mældist áhugi á aðild að Evrópusambandinu hvað mestur, rétt slefaði upp í helming þjóðarinnar. Ef því sem fólk áttar sig betur á að afskriftir eru tilfærslur á eignum sem var ekki innistæða fyrir og að samfélagið mun koma lögum yfir útrásarbófana eykst bjartsýni og stuðningur við aðild fellur.

Dæmigerður aðildarsinni er vingull sem hoppaði og skoppaði með útrásinni. Í stað þess að líta í eigin barm eftir hrun leitaði aðildarsinninn sér að nýrri tálsýn og fann hana í Evrópusambandinu.

Allur þorri þjóðarinnar gengur að þeirri sannfæringu vísri að fullveldi og forræði eigin mála er forsenda lífvænlegrar framtíðar. 

Almenningur hér ekki jafnbölsýnn og í ESB-ríkjunum

Hjarta og sál Vg á móti ESB

Vinstri grænir standa fyrir hefð í íslenskum stjórnmálum sem metur fullveldið ofar flestu öðru. Sú sannfæring býr að baki að án fullveldis er daglaunastritið í þágu annars en þjóðarinnar sjálfrar. Forysta Vg reynir að selja flokkmönnum baunadisk vinstristjórnar til að kaupa aðlögunarfrið við Samfylkinguna.

Valdaþorsti flokksforystunnar eykur ekki matarlyst hins almenna flokksfélaga á baunadiski með samfylkingarkryddi.

Vinstristjórn sem afsalar fullveldi landsins til Evrópusambandsins er einskins virði.

VG tekst á um ESB-inngöngu

Samfylkingin viðurkennir einangrun

Fattljósið kviknar hjá Samfylkingunni um síðir. Evrópustefna flokksins er helvegur rúins trausts og smáflokkafylgis. Í kvöld er fundur hjá höfuðsstöðvum flokksins þar sem spurt er hvort Samfylkingin eða Jón Bjarnason stjórni umræðunni. Bjarni Harðarson gerir stólpagrín að fundinum þar sem Baldur nokkur Þórhallsson varaþingmaður Samfylkingar  og prófessor opnar naflaskoðunina.

Samfylkingin þarf svona eina til tvær skoðanakannanir í viðbót til að átta sig á að ef ekki verður brugðist við í tíma grefur flokkurinn sér djúpa holu og morknar þar. 

Eins og kom fram fyrr í dag stendur valið á milli þess að Samfylkingin fórni Evrópustefnunni og Össuri með eða að ríkisstjórnin fjúki.