RÚV falsar ummæli forseta ESB

Fréttamaður RÚV í Brussel falsar ummæli forseta leiðtogaráðs Evrópusambandsins, van Rompuy, til að þau falli betur að málstað ESB-sinna. Í hádegisfréttum RÚV segir van Rompuy að hann vonist til að ESB og Íslandi haldi góðum sambandi ,,either within or outside the accession process". (3:31).

Orð van Rompuy er ekki hægt að þýða á annan veg en þann að val Íslands standi um að vera í aðlögunarferli eða ekki. En ESB-sinnaður fréttamaður RÚV þýðir orð forseta leiðtogaráðsins á þennan veg: ,,hvort sem aðildarviðræður halda áfram eða ekki."

Fréttamaður RÚV er viljandi og af yfirlögðu ráði að fela þá staðreynd að eina leiðinin inn í Evrópusambandið er leið aðlögunar þar sem umsóknarríki jafnt og þétt tekur upp lög og regluverk sambandsins.

Fréttafölsunin er í þágu þeirrar blekkingar ESB-sinna að hægt sé að ljúka óskuldbindandi aðildarviðræðum við Evrópusambandið og fá samning til að kjósa um. Það er einfaldlega ekki hægt, aðlögun er eina leiðin inn í Evrópusambandið.

„Erum að skoða allar leiðir“

Athugasemdir

[Eiður Svanberg Guðnason, 16.7.2013 kl. 14:02]

Fréttamaður Ríkisútvarpsins er greinilega betri í ensku en Páll Vilhjálmsson. Hann er ekki að falsa eitt eða neitt. 

[Jón Kristján Þorvarðarson, 16.7.2013 kl. 15:09]

RUV-hatrið nær nýjum hæðum...

[Páll Vilhjálmsson, 16.7.2013 kl. 15:29]

Evrópusambandið varar við því að nota orðið ,,negotiation" (þ.e. samningaviðræður) um ferlið inn í ESB.

sjá

http://pallvil.blog.is/blog/pall_vilhjalmsson/entry/1304358/

[Kristján Þorgeir Magnússon, 16.7.2013 kl. 15:33]

Páll býr augljóslega yfir betri enskukunnáttu en fréttamaðurinn og Eiður Svanberg Guðnason

[Helga Kristjánsdóttir, 16.7.2013 kl. 16:37]

Það augljósa er að RÚV. flytur fréttir ,sem lagaðar eru til svo þær falli betur að málstað Esb. Þetta höfum við andstæðingar inngöngu í sambandið orðið að þola.að minnsta kosti frá því vinstrstjórnin komst til valda, Mættum við biðja um það hlutleysi sem RÚV. ber að viðhafa.

[Hjálmtýr V Heiðdal, 16.7.2013 kl. 16:49]

Ég verða að viðurkenna að ég skil ekki Heimssýnarmenn þegar þeir hrópa á torgum um aðlögun að ESB sem hið versta mál. Það vill svo til að við Íslendingar erum búnir að vera í aðlögun síðan 1994 ef ég man rétt. Það sem helst breytist ef við göngum í ESB er að við getum haft áhrif á hverju við skulum aðlagast. Ef menn vilja hætta aðlögun þá eiga menn að koma hreint fram og heimta slit á EES samningum. Þá væri hægt að ræða málin af fullri alvöru - því við vitum hvað sá samningur hefur fært okkur og menn geta ekki bullað út og suður eins og suður er í umræðunni um ESB.

[Hjálmtýr V Heiðdal, 16.7.2013 kl. 16:50]

Leiðrétting: ...eins og siður er..

[Sigurður M Grétarsson, 16.7.2013 kl. 17:02]

Þeir sem halda því fram eins og Páll hér að við séum í aðlögunarferli en ekki samningsferli við ESB hafa aldei getað bent á það í hverju þessi aðlögun er fólgin. Eins og Hjálmtýr bendir á höfum við verið í aðlögun frá árinu 1994 vegna EES samningsins og höldum því áfram við hverja breytingu EES samningins meðan við erum aðilar að honum. Það er hins vegar haugalygi að við séum í einhverri aðlögun að ESB núna vegna aðildarumsóknar okkar.

En hvað þýðingu varðar þá fór ég á google translate og þar var engin þeirra möguleika sem boðið var upp á fyrir orðin "accession process" aðlögunarferli heldur var fyrsti kosturinn sem boðið var upp á "aðildarferli" og fyrir orðið Wddession var meðal annars að finna þýðingu á borð við "inngöngu" og "vörslu" en þar kom ekki orðið "aðlögun" fram.

Ég held að það sé því sannleikur í orðum Eiðs Guðnasonar að þarna sýni Páll einfaldlega skort á enskukunnáttu.

[Páll Vilhjálmsson, 16.7.2013 kl. 17:45]

Í útgáfu ESB er ferlið inn í sambandið útskýrt með eftirfarandi orðum  (sjá á bls. 9 )

The term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 100,000 pages of them. And these rules (also known as the acquis, French for "that which has been agreed") are not negotiable.

Sem sagt: hugtakið ,,samningaviðræður" getur verið misvísandi. Aðlögunarviðræður eru með áherslu á skilyrði og tímasetningar á upptöku umsóknarríkis á regluverki ESB, sem telur 100 þúsund blaðsíður. Og þetta regluverk (sem þekkt er sem acquis, franska fyrir ,,það sem samþykkt hefur verið") er ekki umsemjanlegt.

ESB-sinnar vilja ekki skilja aðlögunarferlið inn í sambandið enda halda þeir dauðahaldi í blekkinguna um ,,samningaviðræður."

[Árni Gunnarsson, 16.7.2013 kl. 17:49]

"....hafa aldrei getað bent á það í hverju þessi aðlögun er fólgin."

Er þér sjálfrátt Sigurður M. Grétarsson?

Alþingi er allt frá umsókn -og reyndar áður að samþykkja á færibandi hinar og þessar tilskipanir frá þessu illa þefjandi og hálfdauða fyrirbæri sem ávarpar okkur með hótunum um viðskiptaþvinganir. Er enginn úr tilbeiðsludeildinni búinn að fá nóg af að sleikja þessa skó?

Síðan má benda á margítrekaðar yfirlýsingar fulltrúa móverksins úr innsta hring í Brussel. En kannski skilja þeir þetta ekki til fulls sjálfir.

[kallpungur, 16.7.2013 kl. 19:51]

 Accession:

the time when a country officially joins a group of countries or signs an agreement:
Poland's accession to the EU

Process:

a series of actions that you take in order to achieve a result: the peace process, process of European unification. The party has begun the painful (= difficult)process of rethinking its policies and strategy. Going to court to obtain compensation is a long process. She arrived at the correct answer by a process of elimination (= by deciding against each answer that was unlikely to be correct until only one was left).

http://dictionary.cambridge.org 

Þýðingin er aðildar ferli en ekki aðildar viðræður, svo einfalt er þetta. Nema náttúrulega menn vilji trúa öðru (blekkja sjálfan sig og aðra).

Það að ganga í ESB þýðir að beygja sig undir Lissabon sáttmálann (Stjórnarskrá ESB felld í að minnsta kosti tveimur þjóðaratkvæðagreiðslum og síða troðið upp á lönd ESB sem samningi sem ekki þurfti að bera undir þjóðirnar, Einungis samþykkja á þjóðþingum.) og lög sambandsins, frá þeim  fást aðeins takmörkuð og tímabundin frávik (Eða þangað til Evrópudómstóllinn ákveður að slá þau út af borðinu).

[Anna Sigríður Guðmundsdóttir, 16.7.2013 kl. 20:41]

Hvers vegna tekur ESB, eða þessi María Damanaski, sér það vald að hóta þjóð utan ESB, ef ekki verður farið að vilja hennar í makrílveiðum?

Fróðir menn segja að ekki sé hægt að mæla stofnstærð makríls. Ég hef ekki þekkingu til að segja frá hvernig.

Hverju eru vísinda-veiðiráðgjafarnir eiginlega að ljúga að þessari Maríu, og að því er virðist, öllum í embættis-apparatinu? Eru engin takmörk fyrir vitleysisganginum í þessu ójarðbundna embættis-liði, út um allar jarðir og höf?

Á sama tíma stunda ríki innan ESB ólöglegar veiðar út um öll höf, og innan landhelgi Íslands, eða gerðu mikið af hér áður fyrr.

Bretar voru ekkert að spyrja um leyfi, og landhelgisgæslan virðist hafa lokað báðum blindu augunum, fyrir Bretaveiðum innan landhelgi.

Hvernig virka þessir EES-ESB-samningar eiginlega?

Það stendur skýrum stöfum í umsóknar-aðildar-plagginu frá alþingi árið 2009, að ekki sé hægt að klára aðildarviðræður með bindandi þjóðaratkvæðagreiðslu í lokin.

Það er hægt að finna þessa útúrsnúninga-umsóknar-samþykkt frá 2009, á alþingisvefnum.

Svo vogar sumt fólk sér að ljúga því að almenningi, að þjóðin eigi að fá að kjósa um hvort farið verði í ESB.

Auðvitað á að vera heiðarleiki í vinnubrögðunum, og segja fólki eins og satt er, bæði hérlendis og erlendis. EES samningurinn virðist ekki halda, þegar kemur að réttindum almennings gagnvart fjármála-stofnunum/bönkum.

Það hentar kannski þeim stóru innan EES-ESB, að hafa regluverkið nógu flókið og mótsagnarkennt, svo hægt sé að blekkja almenning í gjaldþrot. Svo embættismanna-spillingin geti haldið sinni ránsiðju áfram.

M.b.kv.

[Ómar Bjarki Kristjánsson, 16.7.2013 kl. 22:47]

Þessi orð ,,accession process" þýða ,,aðildar prósess".

[Sigurður M Grétarsson, 16.7.2013 kl. 23:58]

Árni Gunnarsson. Við erum að breyta milli 300 og 400 reglum á ári til aðlögunar að ESB reglum vegna aðildar okkar að EES samningum. Þetta hefur ekkert að gera með umsókn okkar um aðild að ESB. Hversu erfitt er að skilja það. Aðlögun að ESB sem vegna aðildar að ESB mun fara fram eftir þjóðaratkvæðagreiðslu um aðildarsamning og þá aðeins ef hann verður samþykktur.

Páll. Það skiptir engu máli hversu oft þið sem eruð að blekkja þjóðina með bullinu um aðlögun vegna aðildarumsóknar okkar þá heldur þessi fullyrðing um aðlögun áfram að vera bull. Meðan þið getið ekki bent á breytingar sem hefur þurft að gera vegan aðildarumsóknarinnar en ekki þurfti að gera vegna aðildar okkar að EES þá hafið þið engin rök fyrir þessari þvælu sem þið eruð að bera á borð.

Karlpungur. Allar þjóðir sem gengið hafa í ESB hafa náð fram varanlegum breytingum á ESB reglum í sínum aðildarviðræðum í þeim köflum sem mikilvægustu hagsmunir þeirra liggja. Það væri því í andstöðu við þróunina hingað til ef við fengjum engar slíkar breytingar samþykktar. Sú fullyrðing að viðræður snúist ekki um neitt aðnnað en það hvernig við innleiðum Lissabon sáttmálan stenst því enga skoðun.

Anna Sigríður Guðmundsdóttir. Það er ekki hægt að klára aðildarviðræður með bindandi þjóðaratkvæðagreiðslu af þeirri einföldu ástæðu að stjórnarskráin heimilar ekki bindandi þjóðaratkvæðagreiðslur. Það breytir því þó ekki að ekkert bendir til annars en að stjórnvöld muni fara að niðurstöðu þjóðaratkvæðagreiðslu um það mál. Jafnvel þó svo færi að þjóðin hafnaði aðildarsamningi í þjóðaratkvæðagreiðslu en stjórnvöld ætluðu síðan að samþykkja hann eru allar líkur á að einhver af 28 aðildrríkjunum myndu hafna inngöngu Íslands í ESB með þeim hættæi. Margar þeirra eru rótgrónar lýðræðisþjóðir og myndu aldrei samþykkja aðild okkar með þeim hætti. Það er því engin ástæða til að álykta annað en að samningur verði borin undir þjóðina í þjóðaratkvæðagreiðslu og að eftir niðursöðunni verði farið. Og þaðan af síður er það einhver lygi að halda slíku fram.

[Brynjólfur Þorvarðsson, 17.7.2013 kl. 09:16]

Páll, thad er alvarleg villa í pistlinum hjá thér: Thad var enginn fréttamadur RÚV staddur í Brussel!

Vidtalid vid Sigmund Davíd fór fram í gegnum síma og allar "fréttir" af thessari fundaferd SD, hvort sem thær birtast á prenti eda í ljósvakafjölmidlum, eru hreinræktadar fréttatilkynningar, væntanlega skrifadar af PR mönnum SD eftir hans fyrirmælum.

[Sigurður M Grétarsson, 17.7.2013 kl. 16:02]

Hér er fullyrðingin um meinta fölsun blaðamanns Rúv svarað af blaðamanni hjá Rúv.

http://blog.pressan.is/johannhlidar/2013/07/17/bladamadur-bladrar/?fb_action_ids=10201389025104706&fb_action_types=og.likes&fb_source=other_multiline&action_object_map=%7B%2210201389025104706%22%3A654470591248939%7D&action_type_map=%7B%2210201389025104706%22%3A%22og.likes%22%7D&action_ref_map=%5B%5D

Í þessari grein er meðal annars að finna þennan texta.

"Tilgangurinn helgar meðalið, og sannleiksást er ekki hans sterka hlið. Ég ætla að gera Páli tilboð: Finni hann eina viðurkennda orðabók þar sem accession eða accession process er þýtt sem aðlögun eða aðlögunarferli, þá skal ég prenta út þennan pistil og éta hann!"

[Ómar Bjarki Kristjánsson, 17.7.2013 kl. 18:12]

Góð grein og umhugsunarverð.

Atgangur og aðfarir þeirra sem horn hafa í síðu ESB eru algjörlega furðulegar og forkastanlegar.

Svo tekur Davíð þetta upp í Mogganum.

[Heimssýn, 18.7.2013 kl. 12:52]

Til upplýsingar:

Aðlögunferlið felur í sér aðlögun að ESB áður en samningur er undirritaður