Lögregluríki Steingríms J.

Ríkisstjórninni leiðist lýðræði og finnst það til trafala þegar samþykkja á mál sem vitað er að þjóðin er á móti, eins og aðild að Evrópusambandinu og Icesave-samninginn. Hótanir sem berast úr herbúðum stjórnarinnar um ákærur um landráð vegna leka úr þingnefnd verður að skoða í ljósi heitstrenginga um að þessi ríkisstjórn ætli sér að sitja lengi enn.

Eftir að landráðabrigslin ná flugi mun ríkisstjórnin beita framkvæmdavaldinu til að hafa uppi á lögbrjótum, t.d. með hlerunum og öðrum persónunjósnum.

Vinstriflokkarnir búa að mannskap sem bæði kann og getur svívirt lýðræðislegar leikreglur. Árni Þór Sigurðsson þingmaður og liðþjálfi Steingríms lærði sín fræði í Moskvu á sínum tíma og hefur sýnt sig viljugt verkfæri til skítverka.

Lýðræðissinnar í öllum flokkum verða að sameinast um að koma ríkisstjórninni frá völdum áður en það verður um seinan.

Skaðar hagsmuni Íslands

Athugasemdir

[Doddi D (IP-tala skráð) 14.8.2009 kl. 16:28]

16 ára fangelsi fyrir að birta 4 dögum of snemma? 16 ára fangelsi fyrir að sýna þjóðinni á undan Bretum og Hollendingum?

 Eðlilegt hefði verið að dæma menn í 16 ára fangelsi fyrir að ætla semja leynilega við Hollendinga og Breta.

[Finnur Bárðarson, 14.8.2009 kl. 16:31]

Kaustu ekkin VG ? Geturðu ekki tengt þetta Baugi á einhvern hátt ?

[Björn Birgisson, 14.8.2009 kl. 16:54]

Þessi færsla er bara grín, er það ekki? Varla meinarðu allt sem þarna er skrifað.

[Páll Vilhjálmsson, 14.8.2009 kl. 16:55]

Jú, Finnur,  ég kaus Vg í trausti þess að þeir fylgdu yfirlýstri stefnu sinni. Það brást og ég hef haft fyrirvara á Vg síðan. Tengja Baugi? Það er búið að því, bloggari rifjaði upp orð SJS um ,,gungu og druslu" sem formaðurinn hafði um forsætisráðherra sem dirfðist að leggja stein í götu fjölmiðlaveldis Baugs.

[Guðmundur 2. Gunnarsson (IP-tala skráð) 14.8.2009 kl. 17:01]

Steingrímur vildi stofna sérstaka netlögreglu, væntalega til að hafa áhrif á skrif um hann og flokkinn.  Nokkuð víst að skoðun hans hefur ekki breyst eftir þessa uppákomu og hversu illa netheimur hefur tekið myrkraverkum hans og ríkisstjórnarinnar.

[Jón Sveinsson, 14.8.2009 kl. 17:07]

Sannmála þér páll það þarf að koma þeim frá sem allra firrst

[Páll Blöndal, 14.8.2009 kl. 17:27]

Páll Vilhjálmsson,
Hvern ætlarðu þá að kjósa næst?
Ekki Sf, Ekki Vg, Ekki Bh,
Þá er það bara Blá höndin eða Græna framsóknarslímið.