Pólitískar rætur gagnrýni á Óskar

Orðalagið er athyglisvert í tilkynningu Óskars Bergssonar varaborgarfulltrúa Framsóknarflokksins um að hann hætti launuðum eftirlitsstörfum á vegum borgarinnar. Ef Óskar væri grandvar embættismaður sem fyrir slysni lenti í pólitískri orrahríð væri eðlilegt að hann tæki svona til orða:

 

Sú gagnrýni sem beinst hefur að mér að undanförnu er ómakleg og af pólitískum rótum sprottin.

 

En Óskar er stjórnmálamaður og kom sér sjálfum í gagnrýniverða stöðu með því að gera ekki greinarmun á opinberum skyldum sínum sem borgarfulltrúa og persónulegum hagsmunum sem verktaka.

 

Óskar biður um að samningi hans við Faxaflóahafnir verði rift

Athugasemdir

[Jón Agnar Ólason, 20.12.2006 kl. 11:10]

Fullkomlega sammála; samkvæmt þessum orðum og aðstæðum er maðurinn annaðhvort alls óflinkur pólitíkus eða bara siðferðilega staurblindur. Held persónulega að hann sé hvorttveggja.

[Sigríður Laufey Einarsdóttir, 20.12.2006 kl. 17:11]

Sammála, heldur lítilmannlegt að reyna svo að bera fyrir sig fjölskyldu sína, að hún hafi skaðast. Hann hefur vonandi gert fjöskyldunni grein fyrir því að hann gæti lent í gagnrýni annars ætti hann bara að segja af sér sem allra fyrst.

Í upphafi skyldi endirinn skoða það hefði hann átt að vita.