Hugur, líkami og leiðrétting

Leiðrétting á kyni felur í sér kyn hafi verið rangt. En það er ómöguleiki. Einstaklingur fæðist af öðru hvoru kyninu. Það er hversdagsleg staðreynd. Hlutverkaleikir barna eru önnur hversdagsleg staðreynd.

Allir vita að hugur og líkami fæðast sem einn og sami hluturinn, nýburi með meðvitund. Hugurinn er ekki aðgreindur frá líkamanum og er sem slíkur kynlaus. Ekki er vitað um neina hugsun sem sérgreind er öðru kyninu. Einstaklingar tileinka sér sjónarmið og hugmyndir sem draga dám af líkama þeirra. Skiljanlega, maður hefur þennan eina líkama sem er ferðafélaginn út ævina.

Bábiljufræði, að hægt sé að fæðast í röngum líkama, geta skaðað óþroskaða einstaklinga, barna og ungmenna. Ekki tjóar að banna heimskar hugmyndir, það gerir þær spennandi og er andstætt góðum siðum málfrelsis.

Góðir siðir eru einnig að vekja athygli á firrum sem eru hættulegar börnum og unglingum. Áfengi og fíkniefnum er ekki haldið að ungmennum og það á ekki að kenna þeim sannanlegar ranghugmyndir - að hægt sé að fæðast í röngum líkama. Eina leiðin til að fá þá útkomu að vera í röngum líkama er að lenda á villigötum með hugsun sína, líkt og þekkist hjá áfengis- og fíkniefnaneytendum. Líkja má útbreiðslu ranghugmynda um hvað gerist í getnaði og fæðingu við félagslegan vímuefnafaraldur.

Ef fermingarstrákur segði ,,mér líður eins og stelpu" væri það álíka ómarktækt og hann segði ,,mér líður miðaldra." Það er markleysa að ímynda sér sig af öðru kyni, aldri, hörundslit eða uppruna. Maður er það sem maður er og þarf að lifa með þeirri staðreynd.

Maðurinn fæðist annað tveggja karlkyns eða kvenkyns; ekki hvorugkyns og heldur ekki fiðraður eða hreistraður með sporði. Maðurinn er takmarkaður í líkamanum en getur leyft sér að hugsa hið ómögulega. Heilbrigði er að gera greinarmun á veruleika og ímyndun. Félagslegi vímuefnafaraldur síðustu ára gerir engan greinarmun á ímyndun og veruleika.

Þeir sem halda sig af röngu kyni þurfa ekki kynleiðréttingu heldur geðhjálp. 

Kynleiðréttingar á börnum bannaðar í Texas

Athugasemdir

[Sigurður Kristján Hjaltested, 4.6.2023 kl. 08:59]

Frábær pistill Páll og mættu fleiri ÞORA að taka þessa umræðu án

þess að verða svo úhrópaðir fóbistar af hvaða tagi.

[Guðmundur Böðvarsson, 4.6.2023 kl. 09:02]

Vonandi verðurðu ekki kallaður á teppið hjá Skólameistara. Og til hamingju með Fiskaradaginn.

[Helga Dögg Sverrisdóttir, 4.6.2023 kl. 09:54]

Á spjalli mínu við einn skólastjóra um málefnið og þann utanaðkomandi áróður sem börn verða fyrir, t.d. með flöggun regnbogafána, horfði hann á mig og sagði ,,Helga þau gætu verið miklu fleiri." Segir mér allt sem segja þarf um þröskuldinn sem er í skólasamfélaginu.

Í skólabók ,,Ég og samfélagið" ætluð miðstigi er talað um að við getum okkur til um kyn barns við fæðingu. Orðin strákur og stelpa eru vísvitandi tekin út. Í námsefni fyrir 10-12 ára börn.  

Guðmundur, við skulum vona að Páll sleppi. 

Sigurður, sammála fleiri þurfa að þora til að málstaðurinn fái athygli.

Krækja að bókinni: Ég og sjálfsmyndin - nemendabók (mms.is)

[Ragnhildur Kolka, 4.6.2023 kl. 11:16]

Allir ættu að sjá nýja kvikmynd um þetta efni eftir Matt Walsh. Hún er nú sýnd á Twitter á þræði @realDailyWire og øllum opin.  Á einum sólarhring fékk hún 110 milljón áhorf en í upphafi átti að banna sýningu hennar. Walsh kemur víða við í leit sinni að svørum við spurningunni - Hvað er kona. 

Ef eitthvað má segja um þessa kvikmynd þá er það að við erum að horfa uppá fjøldageðbilun sem tisku fyrirbrigði.