Trans-bann í breskum skólum

Líffræðilegum drengjum, sem telja sig trans-stúlkur, má banna aðgang að kvennasalernum. Ekki má nota trans-fornöfn (hán, kvár, etc) á nemendur nema samkvæmt uppáskrift heilbrigðisstarfsmanns. Salerni skulu kyngreind. Kennarar sem leyfa nemendum félagslega kynbreytingu eru sekir um lögbrot, liggi ekki fyrir samþykki foreldra.

Ofansagt eru nýjar reglur í breskum skólum sem yfirmaður lagaskrifstofu ríkisstjórnarinnar (attorney general) kynnir næstu daga.

Skólamenn í Bretlandi hafa óskað eftir leiðbeiningum frá yfirvöldum um hvernig skuli fara með trans-málefni. Foreldrar stúlkna hafa kvartað undan ágengni drengja, sem segjast trans-stúlkur, í rýmum sem eingöngu eru ætluð stúlkum, t.d. kvennasalernum.

Stórfelld endurskoðun stendur yfir í Bretlandi á trans-málefnum. Fyrir skemmstu var tilkynnt að einu stofnuninni í Bretlandi sem kynbreytir unglingum yrði lokað. Starfsemi stofnunarinnar þótti skaðleg börnum.

Nýja línan í stefnu breskra yfirvalda er að kynbreyting, trans, sé heilbrigðisástand örfárra sem þurfi læknisfræðilega meðhöndlun. Að breyta sér úr einu kyni í annað er ekki gert með hugdettu heldur löngu ferli, sem að jafnaði hefjist ekki fyrr en á fullorðinsárum. Nema í algjörum undantekningartilfellum.

 

Athugasemdir

[Jón Þórhallsson, 10.8.2022 kl. 09:16]

Trans-bann í breskum skólum

Líffræðilegum drengjum, sem telja sig trans-stúlkur, má banna aðgang að kvennasalernum. Ekki má nota trans-fornöfn (hán, kvár, etc) á nemendur nema samkvæmt uppáskrift heilbrigðisstarfsmanns. Salerni skulu kyngreind. Kennarar sem leyfa nemendum félagslega kynbreytingu eru sekir um lögbrot. 

--------------------------------------------------------------------------------

=Heimur batnandi er.

[Ásgrímur Hartmannsson, 10.8.2022 kl. 16:19]

"Liffræðilegur drengur" gefur til kynna tilvist ólíffræðilegra drengja.  Steinefna-drengja og málmdrengja, jafnvel vökvakenndra eða loftkenndra drengja, eða hvers annars sem manni gæti dottið í hug.