Byrlun og stuldur RÚV: staða sakborninga

Mannréttindadómstóll Evrópu styður aðferðafræði lögreglunnar á Akureyri sem boðaði blaðamenn RÚV, Kjarnans og Stundarinnar til yfirheyrslu vegna byrlunar á Páli skipstjóra Steingrímssyni og gagnastuldi.

Dómari á Akureyri, eiginkona Loga formanns Samfylkingar, úrskurðaði fyrir tveim vikum að ekki mætti boða blaðamennina í yfirheyrslu sem sakborninga.

Mannréttindadómstóll Evrópu (MDE) er á annarri skoðun en eyfirski dómarinn. Í viðtengdri frétt um mál Bjarka Diego segir:

Hafði Bjarki verið boðaður í yf­ir­heyrslu og var greint frá því að hann væri með stöðu vitn­is, en síðar kom í ljós að sími hans var á sama tíma hleraður og voru end­ur­rit af sím­töl­um notuð í mál­inu. Fékk hann við næstu yf­ir­heyrslu stöðu sak­born­ings, en MDE taldi að hann hefði átt að fá þá rétt­ar­stöðu strax miðað við að sími hans væri hleraður.

Líkt og í mál Bjarka er lögreglan með símagögn, símtöl og tölvupósta, sem eindregið benda til sektar blaðamanna RÚV, Kjarnans og Stundarinnar. Eðlilegt er að boða Aðalstein, Þórð Snæ, Þóru, Helga og Rakel til yfirheyrslu sem sakborninga en ekki vitni. Dómaframkvæmd MDE staðfestir þann framgangsmáta.

Úrskurður eiginkonu Loga formanns er til endurskoðunar hjá landsrétti. 

 

„Ánægjuleg niðurstaða sem kemur ekki á óvart“

Athugasemdir

[Heimir Lárusson Fjeldsted, 16.3.2022 kl. 08:47]

Takk fyrir að halda okkur upplýstum.

[Ragnhildur Kolka, 16.3.2022 kl. 18:29]

Það er þá ágætt að hafa það á hreinu,svo ekki verði dráttur á yfirheyrslum meðan málið þæfist fyrir hjá MDE.