Eldgosið og leyndarhyggjan

Fagradalsgosið losar á hverj­um degi 6.150 tonn af koltvísýringi, CO2, út í andrúmsloftið auk annarra gróðurhúsalofttegunda.

Samkvæmt Umhverfisstofnun losar Ísland innan við 5000 kílótonn af CO2-ígildum á ári.

Þegar Umhverfisstofnun talar um Ísland er átt við Íslendinga en ekki landið sjálft.

Fagradalsgosið er auðvitað hluti af Íslandi en það er ekki Íslendingur.

Hvers vegna skiptir þetta máli?

Jú, koltvísýringur er náttúruleg lofttegund. Hún verður fyrst og fremst til í náttúrunni en einnig af mannavöldum, t.d. þegar jarðefnaeldsneyti er brennt.

Þegar ný uppspretta koltvísýrings verður til, sbr. Fagradalsgosið, þarf að reikna það inn í samhengið við aðra losun.

En það er ekki gert. Bæði vísindamenn og meintir umhverfisverndarsinnar keppast við að þegja um áhrif eldgossins á CO2-losun Íslands og Íslendinga. 

Hvers vegna þessi leyndarhyggja? Líklegasta svarið er að allt reikniverkið er merkingarlaust. Hugmyndafræði klædd í búning vísinda.

Eldfjallagas getur ógnað heilsu fólks á SV-horninu

Athugasemdir

[Helga Kristjánsdóttir, 7.5.2021 kl. 15:49]

  Allt ber að sama brunni reikniverkið er merkingarlaust.....                                                                                                                                                             Þótt fávís þekki ekki til vísinda annað en sem les og heyrir um,er þó eitt kristaltært og svo auðskilið; Þeir sem kalla á bráðaaðgerðir vegna loftlagsvá í formi hlýnunar jarðar,eru nær undantekningarlaust vinstripólitískir eða þá ofur fégráðugir og valdafíknir í öllum ráðagerðum.    

[Þórhallur Pálsson, 7.5.2021 kl. 16:17]

6.150 tonn á sólarhring verða 2.244 kílótonn á ári.
Samkvæmt því er losun eldgossins tæplega 45% af losun Íslendinga sjálfra.

[Hörður Þormar, 7.5.2021 kl. 18:15]

Líklega hafa eldgos ríkt á jörðinni síðan hún varð til og haft áhrif á loftslagið.

Er eitthvað sem bendir til að stóraukinn styrkur CO2 í loftinu undanfarna áratugi stafi af meiri eldvirkni? 

[Snorri Hansson, 8.5.2021 kl. 02:43]

Ég sé ekki annað en ég neyðist til aö slá lóðina með orfi og ljá í sumar.

[Richard Þorlákur Úlfarsson, 8.5.2021 kl. 12:44]

Aðeins 3% af öllu CO2 er af mannavöldum, þannig að barátta jólasveina við lífsgjafann CO2 er fáránlegur. Og að halda því fram að maðurinn geti stjórnað veðurfari á jörðinni með því að takmarka CO2, sem er aðeins 0.04% af andrumsloftinu, er klikkun.