Sérstaklega rætinn Y

Frásögn meðfylgjandi fréttar er lyginni líkust. Einhver, sem nefndur er Y í dómnum, ræðst inn í húsbíl með rúðubroti. Hann er stunginn í höndina við verknaðinn af 26 ára þýskum strák sem var í húsbílnum með kærustu sinni vitstola af hræðslu.

Y lýgur því til að hann hafi ,,óvart" dottið í gegnum bílrúðuna og sé almennt og yfirleitt friðarins maður er aldrei geri flugu mein.

Frásögn Y er frá upphafi fáránlegur skáldskapur. Engu að síður tekur ákæruvaldið upp þykkjuna og krefst dóms yfir þýska stráknum fyrir ,,sérstaklega hættulega líkamsárás". Til að bæta gráu ofan á svart krefst Y 4 milljóna kr. í skaðabætur.

Góðu heilli var þýski stráklingurinn sýknaður. En mikið lifandis ósköp er Y óvönduð manneskja.

Og hvernig stendur á því að ákæruvaldið eyðir opinberum fjármunum í mál sem er tóm steypa frá upphafi?

 

Skelfingu lostinn ferðamaður sýknaður

Athugasemdir

[Sigurður Kristján Hjaltested, 5.2.2021 kl. 20:44]

Vegna þess að lögfræðingarnir fá alltaf sitt. Hvort sem það er frá

verjanda, ákæranda eða ríki.

Gullltryggð vinna.

[Grímur Kjartansson, 6.2.2021 kl. 09:31]

Ekki eykst tiltrú almennings á dómskerfið við að saksóknarar skuli hlaupa á eftir svona máli. Maður bara spyr sig hvað gengur þessum mönnum til