Innanflokksátök Samfylkingar og skotárásir

Skotárásin á skrifstofu Samfylkingar í Reykjavik var gerð þegar flokkurinn logaði stafnanna á milli í innanflokksátökum. Uppstillingarnefnd flokksins fórnaði sitjandi þingmanni. Stuðningsfólk þingmannsins brást ókvæða við og sagði sparkað í liggjandi mann.

Logi formaður sendi flokksfólki skilaboð og bað það að elska meira og hata aðeins minna. Huggulegra sé að flokkurinn sýni lágmarkssamstöðu á kosningaári.

Í framhaldi er skotið á bíl borgarstjóra. Í hvorugu tilfellinu er ljóst hverjir standa að verki.

Framlag Samfylkingar til íslenskrar stjórnmálamenningar er ekki alveg skothelt.

Sættum okkur ekki við árásir eða hótanir

Athugasemdir

[Hrossabrestur, 29.1.2021 kl. 16:22]

Það var athyglisvert að heyra viðtalið við Borgarstjórann í kjölfarið á skotárásinni á bíl hans. þar gagnrýndi hann það hvernig umræðan væri orðin óvægin og harkaleg, hverjir hafa nú verið fremstir í flokki óvæginnar umræðu og jafnan farið frekar í manninn en boltann? hefur það ekki aðallega verið vinstri sinnað fólk? Væri ekki ráð fyrir vinstri sinnaða fólkið að taka til í sínum ranni og bæta úr þessu?

kv hrossabrestur.