RÚV-lögmál umræðunnar

Fréttaefni sem lendir í RÚV-kvörninni lýtur ekki sömu lögmálum og fréttir er standa utangarðs á Efstaleiti.

RÚV sérhæfir sig í aðgerðafréttum. Myndum, texta og talmáli er stillt saman til að ná hámarksáhrifum í samfélaginu. Sólarhringsþjónusta sér um dreifinu á alneti, útvarpi og sjónvarpi. Þegar mikið liggur við, sbr. Samherja-málið, skáldar Efstaleiti í eyðurnar.

Í kjölfar RÚV koma samfélagsmiðlar og ýkja það sem áður var ýkt og skrumskæld frásögn. Á píratavettvangi birtast myndir af íslenskum lögreglukonum með ku klux klan hettur og forsætisráðherra er sýndur í nasistabúningi, svo nýleg dæmi séu tekin.

Herlegheitin eru áframsend með stafrænum fjölpóstum. Þá kemur RÚV aftur og segir ókyrrð í samfélaginu, líkt og í hádeginu í dag vestur á fjörðum, og kennir í brjósti um þá er verða fyrir barðinu.

Hringnum er lokað og lögmálið uppfyllt þegar samúðarfullur RÚV-ari leyfir fórnarlambi að gráta í beinni yfir óréttlæti heimsins. Svikamyllan á Efstaleiti kann sitt fag.

Það má alveg biðja um að fólk út í bæ sýni háttvísi. En vei þeim er voga sér að efast um heilindi RÚV.

Hvetja til háttvísi á samfélagsmiðlum

Athugasemdir

[Jón Þórhallsson, 26.10.2020 kl. 15:49]

"EFTIR HÖFÐINU DANSA LIMIRNIR" (segir máltækið).

Mér finndist að forseti íslands ætti að tjá sig í gegnum RÚV-sjónvarp á hverjum einasta degi sem æðsti maðurinn í skipuriti landsmála;

þó að það væri ekki nema í 5 mínútur þar sem að hann tjáði sig um það sem að hann vildi fá meira af í samfélaginu og hvað vildi hann fá minna af?

--------------------------------------------------------------------------

Það vantar alltaf röddina inn í rúv sjónvarp sem  á að færa okkur

                                 VONINA

sem að sýnir okkur að einhver árangur sé að nást á einhverjum sviðum.

[Grímur Kjartansson, 26.10.2020 kl. 20:15]

Hvernig gengur annars rannsókn RUV á því hver lét Ásmundi í té upplýsingar um fjölda hælisleitenda sem komu hingað vikuna eftir að fjölskyldan frá Egyptalandi fékk hér hæli.