RÚV lokar á Namibíufréttir

RÚV bjó til raðfréttir um meinta glæpi Samherja í Namibíu. Raðfréttirnar byggðu á einni heimild, fyrrum starfsmanni Samherja, er heitir Jóhannes Stefánsson.

Jóhannes er heimild sem verður að taka með fyrirvara. Gögn sem Jóhannes lét RÚV í té eru handvalin til að falla að handriti um spillingu.

Hvorki framburður Jóhannesar né gögn sem hann veitti aðgang að hafa sannfært íslensk yfirvöld um að glæpir hafi verið framdir. 

Dómsmál vegna raðfrétta RÚV og viðskiptadeilna í Namibíu halda á hinn bóginn áfram. Í viðtengdri frétt mbl.is segir m.a.

Fyr­ir dómi komu fram harðar ásak­an­ir í garð upp­ljóstr­ar­ans Jó­henn­es­ar Stef­áns­son­ar og sagði Hatuikluipi að Jó­hann­es hefði dregið að sér fé þegar hann starfaði fyr­ir Sam­herja til að fjár­magna neyslu sína á fíkni­efn­um. Jó­hann­es hafi átt harma að hefna gegn Sam­herja og því hafi hann stigið fram og upp­ljóstrað um meint brot Sam­herja í Namib­íu.

Raðfréttastofan á Efstaleiti segir ekki stakt orð um dómsmálið suður í Namibíu. Líklega eru handritshöfundarnir að samsæriskenningunni í sumarfríi.

 

 

Hafi dregið að sér fé til að fjármagna neyslu sína

Athugasemdir

[Benedikt Halldórsson, 8.7.2020 kl. 10:40]

Tinni fór til Namibíu ásamt Skafta og Skafta. Ákafi þeirra að "negla" Samherja var of mikill. Vitni frá "Global Witness" fullyrti að Samherji þyrfti að sanna sakleysi sitt og Tobbi urraði.

[Sigfús Ómar Höskuldsson, 8.7.2020 kl. 11:35]

Held að það sem höfndur heldur fram um okkar margt ágæta Ríkisútvarp beri og verði að taka með stóískri ró og með allmiklum fyrirvara.

Fyrir því liggja of margar greinar á bloggsvæði höfundar, til að hann teljist hlutlaus og þá um leið áreiðanlega heimild.

[Ragnhildur Kolka, 8.7.2020 kl. 11:37]

RÚV er seinheppið með stríðsmenn sína.

[Jóhann Elíasson, 8.7.2020 kl. 13:44]

Að mínum dómi kemur það "Samherjamálinu" ekkert við hvort Jóhannes "uppljóstrari" notaði eiturlyf eða ekki.......

[Páll Vilhjálmsson, 8.7.2020 kl. 14:29]

Um tveim klukkustundum eftir að þetta blogg birtist kom frétt á RÚV um málaferlin. Morgunblaðið birti sína frétt í gær. RÚV þurfti sólarhring til að velja sitt sjónarhorn.

Hér er fréttin:

https://www.ruv.is/frett/2020/07/08/sagdur-hafa-bedid-samherja-ad-dylja-slod-sina