Börn eru manngerð, ekki veðurfar

Framtíð barna er að verða fullorðin. Bernskan rjátlast ekki af sumum þótt æviárunum fjölgi. Ævintýri æskunnar, til dæmis um ofurmátt eða himnaríki og helvíti, er lifandi veruleiki fólks sem ætti að vita betur.

Vinsælt ævintýri fullorðinna þessi misserin er trúin á manngert veðurfar. Í ævintýrinu er veðurfar á jörðinni stöðugt þangað til mannskepnan kom til sögunnar og fiktaði í hitastiginu sem hafði verið óbreytt í 4,6 milljarða ára eða allan líftíma jarðarinnar.

Prestar í ævintýrinu, kallaðir sérfræðingar, boða heimsendi ef maðurinn hverfur ekki frá illskunni, þ.e. nútíma lífsháttum. Í bjartri nýrri veröld er eitt alheimsríki sérfræðinga er halda  hitastigi jarðar við kjörhita. Þeir kenna að gagnrýnin hugsun dragi fólk á tálar. Hvítt er svart og svart hvítt segja sérfræðingarnir og senda þessi skilaboð: 

Til að verja börn kalla skýrslu­höf­und­ar eft­ir nýrri alþjóðlegri hreyf­ingu sem drif­in verði áfram fyr­ir börn og leggja m.a. áherslu á að stöðva verði los­un kolt­ví­sýr­ings, að leyfa þurfi rödd­um barna að heyr­ast...

Nú heitir það ekki lengur að börnin komi til föðurins heldur að foreldrarnir krjúpi fyrir barninu sem leitt af presti - sérfræðingi - sem allt veit en þó ekki neitt.  


mbl.is Erum að bregðast börnunum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Benedikt Halldórsson

Einmitt.

Svo ímynda boðendur hamfarahlýnunar að verið sé að "eitra" fyrir heimskum söfnuðinum með falsfréttum. Það er ekki þannig. Þeir sem efast afla sér sjálfir upplýsinga úr ýmsum áttum, t.d. með lestri margra bóka og margra vísindagreina eftur ýmsa höfunda. Vísindamenn sem eru sestir í helgan stein þora að tjá sig á youtube og segja "fréttir" af því sem þeir telja rétt og satt. 

Það er engin hamfarahlýnun framundan.

Það er hinsvegar mikil hætta á að þeir sem trúa ekki verði sóttir til saka. Verið er að venja fólk á Orwelska framtíð. Boðað er að þeir sem trúa ekki visku stjórnvalda hafi ánetjast "falsfréttum" sem þurfi að uppræta.

Hættan framundan er hugsanalögregla. 

Benedikt Halldórsson, 19.2.2020 kl. 12:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband