Nató stækkar, Trump veit ekki af því

Þrettánda ríkið sem gengur í Nató verður Norður-Makedónía. Lítið er fjallað um viðbótina og er af sem áður var þegar stækkun Nató þótti stórfrétt. Trump Bandaríkjaforseti veit líklega ekki af viðbótinni, segir í New Republic.

Nató er jafngamalt kalda stríðinu sem hófst eftir sigur Bandaríkjanna og Sovétríkjanna á Hitlers-Þýskalandi. Bandaríkin og fylgiríki stofnuðu Nató en Sovétríkin og undirsátar Varsjárbandalagið. Fyrir 30 árum féll Berlínarmúrinn, Sovétríkin leystust upp og Varsjárbandalagið var aflagt. Nató hélt velli.

Samtrygging er kjarninn í Nató-samstarfinu. Árás á eitt Nató-ríki jafngilti  árás á þau öll. Útrás Nató í austur og útþenslustefna sumra Nató ríkja, Tyrklands sérstaklega, þynnir út samtrygginguna og veikir þar með bandalagið.

Aðild að Nató er hornsteinn í utanríkispólitík Íslands nánast alla lýðveldissöguna. Sá hornsteinn er við það að molna í sundur. Þeim sem treyst er fyrir utanríkismálum þjóðarinnar ættu að hafa varann á.

Athugasemdir

[Kolbrún Hilmars, 17.1.2020 kl. 12:53]

Því má heldur ekki gleyma að Ísland var eitt af stofnríkjum NATO.  Þau voru mun færri en núverandi aðildarríki.

[Þorsteinn Sch Thorsteinsson, 17.1.2020 kl. 17:42]

Sæll Páll,

Ekki má gleyma NATO hernum í Afganistan, er heldur uppi öllum þessum vörnum fyrir allri þessari opium ræktun þarna í Afganistan, nú og ásamt CIA er sér um flutinga á efninu opium frá Afganistan.

Ekki má gleyma ólöglegum vopnunum með hvítum phosphorus og cluster sprengum er NATO hefur, og hefur reyndar notað núna síðast gegn alþjóðalögum í Líbýu.

KV.