Vinstriblaðamennska á mbl.is

Eftirfarandi er úr meðfylgjandi fréttaskýringu á mbl.is

Þýsk­ir fjöl­miðlar tala um enda­lok hefðbundnu þversk­urðar­stjórn­mála­flokk­anna, á þýsku Volk­spar­teien, sem hafa haft tögl og hagld­ir í þess­um sam­bands­lönd­um um ára­bil..

Þýska orðið Volkspartei er í íslenskri þýðingu ,,þjóðarflokkur" enda eðlilegast að þýða Volk sem þjóð. Það er hrein og klár vinstriblaðamennska að búa til orðskrípi eins og ,,þverskurðarstjórnmálaflokka" og þjónar þeim eina tilgangi að breiða yfir þá staðreynd að stóru flokkarnir í Þýskalandi eru viðskila við þýsku þjóðina sem í auknum mæli leitar til AfD.

Það er fokið í flest skjól ef orð eins og ,,þjóðarflokkar" þykja ekki nógu góð á mbl.is. Viðleitnin er öll í þá áttina að koma á framfæri þeim vinstriáróðri að þjóðhyggja sé öfgar.


mbl.is Hægriöfgar á afmæli heimsstyrjaldar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Benedikt Halldórsson

Auðvitað mun mogginn verða að þræl tíðarandans eins og hinir. 

Sú almenna skoðun að landamæri sé af hinu illa er velheppnaður heilaþvottur. Sá sem er ekki "sponsoraður" og með fulla rænu veit að flestar þjóðir eru smáþjóðir sem hafa eitt markmið, að fá að lifa í friði innan sinna landamæra. Þær ráðast ekki á aðrar. Það er engin hætta á þótt við Íslendingar berum gæfu til þess að ráða okkur málum sjálfir og látum ekki lögsögu lands og sjávar fyrir ekkert af einskærri hræðslu við andlitslaust alþjóðasamfélagið, að við munum taka upp á því að ráðast inn í Pólland.

Við höfum verið friðsöm út á við í þúsund ár en deilum innbyrðis og veitum hvorum öðrum aðhald. Þegar valdið er á bakvið ystu sjónarrönd er ekki hægt að ná í þá sem ráða til að kvarta? Við munum fá skipanir frá alþjóðlegum "stiftamtmanni" um hvernig við eigum að haga okkar lífi. Það mun engu breyta þótt einhverjum útvöldum sé boðið fríar þotuferðir og frítt uppihald á "ráðstefnur" sem er bara bragð til að tryggja völdin. Engin veit af hverju við eigum að eigum að hlýða? Er einhver með símanúmerið hans? Alveg eins mætti sameina öll fyrirtæki í heiminum í eitt alþjóðlegt?

Þegar landamæri eru lögð niður er ekkert aðhald á alþjóðlegum grimmdarseggjum eða er búið að telja fólki trú um að mannlegur breyskleiki, t.d. sú ómótsstæða löngun þeirra sem vita hvað öðrum er fyrir bestu að taka völdin með góðu eða illu - leggist bara sísvona af? 

Benedikt Halldórsson, 2.9.2019 kl. 06:14

2 Smámynd: Guðmundur Böðvarsson

Rosalega samstillt átak fjölmiðla að fjalla ekki um kosningasigur AFD um helgina..

Guðmundur Böðvarsson, 2.9.2019 kl. 11:01

3 Smámynd: Helgi Viðar Hilmarsson

Volkspartei = eine große Partei mit Mitgliedern und Wählern aus allen Bevölkerungsschichten.

Stórflokkur með félögum og kjósendum úr öllum þjóðfélagsstéttum.

Síðan má spyrja sig hvað svona fyrirbrigði kallast á íslensku. Orðið "þverskurðarstjórmálaflokkur" er auðvitað óttarlegt klamburball en hvað hugsar fólk á Íslandi þegar talað er um þjóðarflokk? Það væri líka hægt að þýða þetta sem alþýðufokk.

Helgi Viðar Hilmarsson, 2.9.2019 kl. 13:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband