Trump, rasismi og vondar hugmyndir

Ef Norðmaður segði Íslendingi að fara heim til sín ef hann væri ekki ánægður með vistina í Noregi yrði það trauðla kallað rasismi. En þegar Trump segir 4 ónefndum þingmönnum, sem gagnrýna Bandaríkin í tíma og ótíma, að drífa sig heim er hann óðara uppnefndur rasisti.

Rasismi er þægilegt slagorð til að nota í pólitísku hanaati. Sá sem fær stimpilinn á sig er sjálfkrafa vondur maður.

Góða fólkið slengir fram rasista-ásökun þegar það kemst í rökþrot í vörn fyrir vondar hugmyndir, eins og opin landamæri. Lýðræði og siðferði þurfa landamæri. Þeir sem ekki finna sig í siðagildum samfélaga ættu að ,,fara heim" - ekkert rasískt við það.  

Ummælin „algjörlega óviðunandi“

Athugasemdir

[Halldór Jónsson, 16.7.2019 kl. 08:49]

Rúv kom hatri sínu á Trump til skila með því:

að velta sér upp úr skít lyga, rangfærslna og falsana á orðum Trump Bandaríkjaforseta.  Hann sagði einfaldlega á Twitter  að þeir sem hötuðu Bandaríkin væru frjálsir að því að fara.Þetta varð RÚV ástæða til að ráðast gegn Forsetanum og skjóta úr báðum hlaupum um að hann væri rasísti eða verra.

Demókratahyskið byrjaði auðvitað að snúa út úr og reyna að æsa fólk gegn Forsetanum. Sem var aðeins að segja að Bandaríkin væru frjálst land og þeir sem ekki vildu búa þar og hötuðu þau stjórnmálalega  gætu farið annað.

Auðvitað vill hyskið ekkert fara heldur aðeins fá borgað til að hata og afflytja sitt föðurland og stjórnarfar í friði í von um sporslur eftir næstu kosningar.Ekki ólíkt Pírataflokknum hérna.

Þessir demókratar vilja ekkert gera fyrir sín upprunalönd af því að þessar fjórar konur sem tóku þetta til sín vilja búa í skjóli voldugasta ríki heims sem þær hata á borði en og rægja í orði á kostnað kjósenda sinna. Hentistefnan og hræsnin blasir við þeim sem vilja sjá.

Gæti einhver séð hliðstæðu við Píratana okkar eða hvað?

En RÚV kom hatri sínu á Trump Bandaríkjaforseta prýðilega til skila í fréttum kvöldsins. 

Takið eftir því að hann nefndi þessar kellingar ekki á nafn. Þær bara tóku það til sín og bragð er að þá barnið finnur.

[Arnór Baldvinsson, 16.7.2019 kl. 17:35]

Sæll Páll,

Þú skautar framhjá þeirri staðreynd að 3 af þessum konum eru fæddar og uppaldar hér í Bandaríkjunum!  Þær hafa verið Bandarískir ríkisborgarar frá fæðingu og eiga ekkert annað heimaland.  Fyrir þær er "að fara heim" að fara til Bandaríkjanna.  Með sömu rökum mætti segja Trump að fara heim og þá átt við að hann færi til Þýskalands þaðan sem afi hanns var rekinn með skömm eftir liðhlaup, sviptur ríkisborgararétti og gerður brottrækur.  

Það er nú einu sinni svo að hér í Bandaríkjunum er stjórnarskrárvarinn réttur fólksins í landinu til að gagnrýna og að stjórnvöld megi ekki grípa þar inní.  Þessi réttur er varinn í fyrsta viðauka við stjórnarskrána - hluti af því sem er kallað "Bill of rights":  

"Congress shall make no law respecting an establishment of religion or prohibiting the free exercise thereof, or abridging the freedom of speech or of the press, or the right of the people peaceably to assemble and to petition the government for a redress of grievances."

Theodore Roosevelt, 26. forseti Bandaríkjanna sagði "Speaking out against criticism of the President "is not only unpatriotic and servile, but is morally treasonable to the American public."

Ég hef ekki séð að Íslendingar séu neinir eftirbátar Bandaríkjamanna í gagnrýni á eigin stjórnvöld eða eigið þjóðfélag.   Hef ekki séð neinn ýja að því að þú eigir að fara "heim" þegar þú gagnrýnir eitthvað í Íslensku stjórnarfari, o.s.frv.  Skárra væri það ný ruglið! 

Fjölmargir Íslendingar hafa haft uppi mjög harða gagnrýni á Íslensk stjórnvöld, einstaka stjórnmálamenn og Íslenskt þjóðfélag í heild bæði í ræðu og riti - ekkert nýtt við það.  Hvert á að "senda" þetta fólk ef það á bara að fara "heim"?  Mér finnst þessi umræða algjörlega rökþrota, því hún er einfaldlega út í hött.  Gagnrýni á stjórnarfar og þjóðfélag er nauðsynleg til framfara.  Þessi gagnrýni getur stundum orðið mjög hörð - það höfðu margir ansi stór orð í kjölfar hrunsins.  Man ekki eftir neinni umræðu um að senda þá "heim"  

Ef þessar konur hefðu verið hvítar á hörund, þá er mjög ólíklegt að Trump hefði nokkurntíman látið þessi orð falla.  Stuðningsmenn rasisma finna alltaf afsökun fyrir því að beita rasisma.  Staðreyndin er sú að fólk sem lítur öðru vísi út er talið "erlent" eða "innflytjendur" af fólki, sem ekkert þekkir til um hagi viðkomandi.  Það er ekkert nýtt að fólki með dökkt skinn sé sagt að "fara heim"  Fólk sem eru afkomendur þræla, sem voru fluttir hingað frá Afríku fyrir 300 árum síðan.  Eða rómönsku fólki sagt að fara aftur til Mexíkó, þegar það eru afkomendur fólks sem bjó í Texas meðan Texas var enn hluti af Mexíkó, eða frá Mið- eða Suður Ameríku!  Þetta er fólk, sem hefur verið ríkisborgarar í fjölmargar kynslóðir og þekkir ekkert "heima" nema Bandaríkin.  Þetta er auðvitað ekkert annað en rasismi og rakalaust bull.  

Kveðja,

[Páll Vilhjálmsson, 16.7.2019 kl. 18:44]

Munur er á því, Arnór, að segja einhverjum að fara heim, í merkingunni þú getur bara hypjað þig, og hinu að beinlínis flytja einhvern nauðungarflutningum, - eða hóta því.

[Halldór Jónsson, 16.7.2019 kl. 21:13]

Hann nafngreindi ekki hyskið. Það tók það til sín því sá er eldurinn heitastur sem á sjálfum brennur