Kapítalisminn leið undir lok 1991

Kapítalismi er ekki stjórnmálastefna heldur 19. aldar heiti á efnahagsbúskap er byggir á séreignarrétti sem er miklu eldri.

Karl Marx bjó í senn til kapítalisma, með ritverkinu Auðmagnið (Das Kapital), sem kom út 1867, og sameignarstefnuna, sósíalisma, sem valkost við kapítalisma.

Sameignarstefnan, sósíalismi, dó drottni sínum með falli Sovétríkjanna 1991. Kapítalismi leið undir lok á sama tíma enda aðeins áróðursheiti vinstrimanna.

Vinstrimenn reyna að halda lífinu í kapítalisma enda þénugt áróðurshugtak. Loftslagsvinstrimenn halda hugtakinu á lofti til að fífla ungdóminn.

Hvað með valkostinn, sameignarstefnuna/sósíalisma? Jú, Venesúela og Norður-Kórea kenna sig við fyrirbærið. 

Fjöldauppsagnir hjá Deutsche Bank

Athugasemdir

[Jón Þórhallsson, 8.7.2019 kl. 08:39]

Er kapítalistinn liðinn undir lok

ef að Bjarni Ben. kapitalisti ætlar að einkavæða póstþjónutuna á íslandi?

[Ómar Geirsson, 8.7.2019 kl. 20:18]

Þú skora seint hátt í rökhugsun með þessum pistli þínum Páll, ert eiginlega kjánalegur.

En þó, kannski ertu snilli, samkvæmt þessu þá hættu fávitar að vera til þegar orðið þroskaheftur var innleitt í lagatexta, og síðasta fóstureyðingin var framkvæmd daginn sem lögin um þungunarrof voru samþykkt.

Og ekkert vandamál með líknardráp lengur, núna heitir þetta víst sjálfbær hjálp við að enda ósjálfbært líf, eða þannig. 

Þú getur breytt því sem er, með því að endurskilgreina orðin.

Svona 1984 eitthvað. 

Breytir samt ekki þeirri staðreynd að það sem er, er óháð þeim orðum sem við notum til að lýsa því. 

Og ég held að þú vitir það.

Kveðja að austan.