Áfall fyrir ríkisstjórnina; ný 3OP könnun

Afgerandi meirihluti kjósenda ríkisstjórnarflokkanna hafnar 3. orkupakkanum og vill fá undanþágu frá orkustefnu ESB, samkvæmt nýrri könnun.

Maskína framkvæmdi könnunina og verður hún birt á morgun. Um helmingur sjálfstæðismanna vilja undanþágu frá orkulöggjöf ESB, 30 prósent eru óvissir en aðeins 20 prósent eru andvígir undanþágu. Tæp 70 prósent, já 70 prósent, kjósenda Framsóknarflokksins vilja að Ísland standi utan orkustefnu ESB. Fjórir af hverjum tíu kjósendum Vinstri grænna eru sama sinnis, 35 prósent eru óviss en fjórðungur vill ekki undanþágu.

Könnunin staðfestir að allur þorri kjósenda ríkisstjórnarflokkanna er á móti 3. orkupakkanum og aðild Íslands að orkustefnu ESB.

Athugasemdir

[Jón Steinar Ragnarsson, 19.6.2019 kl. 06:29]

Ef þetta verður samþykkt og forsetinn vísar því til þjóðarinnar, sem mér sýnist hann varla geta hunsað, þá er ríkistjórnin fallin. Sjálfsvíg sjálfstæðisflokksins væri þar með fullnað. 

Mér sýnist á viðbrögðum þeirra við þessu nú séu enn að hunsa vilja fólksins og taka frekar mark á hugsanlegum meirihluta á þingi, þótt hann gangi þvert á vilja þjóðarinnar. 

[Eggert Guðmundsson, 19.6.2019 kl. 20:01]

jón - það er ekki hægt að vísa þessu til þjóðarinnar- þetta er þingsályktun en ekki lög. 

Mögulega væri hægt að setja ný raforkulög í þjóðaratkvæðagreiðslu þar sem ákvæði Orkupakka 3 koma framm