Síðasta hálmstrá orkupakkasinna

Þeir sem vilja samþykkja orkupakka þrjú klifa á því að lagaálit mæli með samþykkt. Nú liggur fyrir að fremsti sérfræðingur landsins á sviði EES-samningsins og Evrópurétti, Stefán Már Stef­áns­son pró­fess­or, segir lögfræðilega rétt að hafna pakkanum.

Orkupakkasinnar, sem iðulega kalla innleiðinguna smámál, eru þar með búnir að tapa síðasta snefli af málefnalegum ástæðum.

Ríkisstjórnin getur ekki haldið áfram að þrjóskast við. Hvorki eru pólitísk né lögfræðileg rök fyrir samþykkt 3. orkupakkans. 

Lögfræðilega rétt að hafna innleiðingu

Athugasemdir

[Jóhann Elíasson, 6.5.2019 kl. 13:41]

Eru það sérfræðingarnir sem taka ákvörðun eða eru það þeir sem eru kosnir til að taka ákvarðanir, sem eiga að hafa úrslitaáhrifin????????

[Jónatan Karlsson, 6.5.2019 kl. 15:19]

Hinir kjörnu fulltrúar hafa svarið drengskapareið að því að framfylgja og gæta hinnar íslensku þjóðskrár í einu og öllu.

Öll undanbrögð frá því loforði eru drottinsvik og landráð.

[Helga Kristjánsdóttir, 6.5.2019 kl. 15:57]

.....Og hver eru viðurlög drottinsvika og landráða!?

[Benedikt Halldórsson, 6.5.2019 kl. 16:51]

Allir mistök og allir eru breyskir. En blekkingar eru ófyrirgefanlegar. 

[Benedikt Halldórsson, 6.5.2019 kl. 16:52]

Breyst stafsetning. Allir gera mistök...

[Benedikt Halldórsson, 6.5.2019 kl. 16:53]

Ja,hérna. Atti að vera BREYSK....

[Kolbrún Hilmars, 6.5.2019 kl. 17:48]

Þingmenn hafa lært sitthvað síðan Icesave var og hét.  Nú kunna þeir hvernig komast má hjá þjóðaratkvæði - vilji þeir ekki að vilji kjósenda fái að ráða.

[Valdimar Samúelsson, 6.5.2019 kl. 19:33]

Páll góð grein. Helga landráð er að finna undir kafla X grein 83?  í hegningalögunum það er venjulega talað um 8 ár til lífstíðar dóm. Landráð fyrnist aldrei og sá sem segir ekki frá landráði er sjálfur að fremja landráð.

[Halldór Jónsson, 6.5.2019 kl. 20:30]

Aumingja Sjálfstæðisflokkurinn minn gamli.

Sárt ertu leikinn Sámur fóstri sagði annað hvort Guðni Ágústsson eða hann  Gunnar á Hlíðarenda, man ekki alveg hvor þeirra það var..

[Jón Valur Jensson, 7.5.2019 kl. 01:49]

Góður Halldór!

En landráð er fleirtöluorð, ekki eintölu!

[Helga Kristjánsdóttir, 7.5.2019 kl. 02:58]

 Já já kenndu mér málfræði? hver hefur ekki skriplað að á as hlið við á myrkru takkaborði.