Krakkar, loftslag og útlandaferðir

Ef nemendur sem skrópa fyrir loftslagið undir kjörorðinu ,,aðgerðir strax" meina eitthvað með afstöðu sinni ættu þau að harðneita öllum útlandaferðum.

Þotueldsneyti myndar koltvísýring við bruna, veldur gróðurhúsaáhrifum og, samkvæmt kenningunni sem börnin aðhyllast, hækkar lofthitinn í framhaldi.

Ferðalögin ættu að vera innanlands, helst fótgangandi en til vara á reiðhjólum.

Maður á fyrst að gera kröfu á sjálfan sig. Vonandi hafa börnin lært það í uppeldinu.

Reyna að múta nemendum með pítsu

Athugasemdir

[Haukur Árnason, 18.3.2019 kl. 19:50]

Svo gætu þeu skoðað þetta.

https://www.youtube.com/watch?v=TCy_UOjEir0&feature=share&fbclid=IwAR070nqngbMqxMm25_E8h-AJlslrTxCi7Pl_7_bbNFaw_9afj78Bh9DNLkw

[Hörður Þormar, 18.3.2019 kl. 20:57]

Börn eiga að temja sér að henda aldrei rusli frá sér, aldrei að setja meira á diskinn sinn en þau geta torgað, aldrei leifa eða henda ætum mat.

Þau eiga að fara vel með fötin sín og ekki metast á um klæðaburð, reyndar ættu börn í skóla að vera í skólabúningi. Ein einföld flík getur í framleiðslu kostað allt að 1000 l af vatni.

Ekki síst eiga börn að læra að sjálfsgagnrýni.

[Halldór Egill Guðnason, 18.3.2019 kl. 22:43]

 Afsprengi foreldra, sem aldrei gera kröfu á sjálfa sig verða aldrei annað en afvegaleiddar frekjudollur, alveg eins og foreldrarnir. Hvað ungur nemur, gamall temur.

 Góðar stundir, með kveðju að sunnan.

[Jón Steinar Ragnarsson, 18.3.2019 kl. 23:04]

Bíð bara eftir að fleiri aktívistar fari að virkja ungviði landsins í pólitík sinni. Gráðupplagt fyrir No Borders t.d. Hver getur sagt nei við börn? Kannski stjórnmálaflokkarnir geti lika nýtt sér þessa auðlind í næstu kosningum til að brydda málstaðinn smá sympatíu. Það þarf bara að láta krakkana hafa handrit svo allt sé kórétt. Fyrir krakkana skiptir öllu máli að fá frí og fara í bæinn að láta illa og hrópa. Verst að það hættir að vera sport eftir smá stund.

Hræðsla og kvíði fyrir einhverju sem gæti hugsanlega gerst eftir 100-200 ár gæti varað lengur í ungum brjóstum, en það er fórnarkosnaður sem hæfir göfugum málstað.

Dýraverndarsamtök, hvalveiðiandstæðingar, Ísland Palestína og fleiri ættu líka að hugleiða þesskonarliðsauka. Foreldrar eru sljóir að þeim er andskotans sama.

[Jóhannes Laxdal Baldvinsson, 19.3.2019 kl. 01:07]

Hvað veizt þú Páll, nema þessir meðvituðu unglingar dundi ekki við það á sumrin, að gróðursetja tré til mótvægis við utanlandsferðirnar með foreldrunum.

Þessi ummæli kommentaranna lýsa annars fádæma hroka og dómhörku svo jafnvel mér blöskrar Ungdómurinn spjarar sig alltaf.  Sama hvað fullorðnum þykir um ábyrgðarleysi og tilætlunarsemi þá hafa bara viðmiðin breytzt frá því við vorum unglingar.

[Flosi Kristjánsson, 19.3.2019 kl. 01:33]

Er það rétt sem mig grunar, Páll Vilhjálmsson, að þú sért að apa eftir ritdeilu-stíl sem Helgi Hálfdanarson notaði til að vekja athygli?

Jóhannes Laxdal Baldvinsson eltir þig eins og skugginn og er ALLTAF ósammála þér? Ertu sjálfur að viðhalda þrefinu með athugasemdum frá þínum alter ego? 

[Páll Vilhjálmsson, 19.3.2019 kl. 07:04]

Flosi, ég skil vel grunsemdir þínar. En þær eru ekki á rökum reistar.

[Þorsteinn Siglaugsson, 19.3.2019 kl. 10:37]

Man eftir þessum greinum Helga. Hrólfur hét hans alter ego ef ég man rétt. Fyrst lá Þorsteinn Gylfason undir grun minnir mig. Helgi hafði húmor.