Ónýta Evrópa og vonin í Afríku

Evrópa, í merkingunni Evrópusambandið, er við dauðans dyr segir Macron Frakklandsforseti í opnu bréfi til íbúa álfunnar. Bréfið er hvatning til að kjósa ,,rétt" til Evrópuþingsins.

Frelsi, vernd og framfarir skulu verða hornsteinar nýrrar Evrópu, segir Macron, en nefnir í leiðinni manngert veðurfar, sem honum tókst ekki einu sinni að selja samlöndum sínum, sbr. mótmæli gulvestunga í vetur.

Vinveittir álitsgjafar, t.d. á Guardian, segja viðbrögð við forsetabréfinu háðsglósur.

Utan Evrópu nefnir Macron eina heimsálfu aðra, Afríku. Hann hvetur til nánari samstarfs, á sviði efnahagsmála og menntunar.

Stór-Evrópusinnar í Brussel, menn eins og Guy Verhofstadt, gripu tillöguna á lofti og boða draumsýn um evró-afrískt efnahagsbandalag.

Síðast þegar Afríka spilaði rullu í evrópskum stjórnum, áratugina fyrir fyrra stríð, kepptust heimsveldin að leggja undir sig álfuna.

Að Afríka skuli verða von um endurnýjun Evrópusambandsins segir mikla sögu um örvæntinguna í Brussel, París og Berlín.

Athugasemdir

[Jón Steinar Ragnarsson, 9.3.2019 kl. 16:45]

Hugmyndir um styrkt "viðskiptabönd" við afríkulönd eru bara nýlendustefnan light, þar sem efnuð evrópuríki hafa öll tromp á hendi gagnvart verr settum og örvæntum afríkuríkjum. Annars er ESB búið að standa að rányrkju til sjávar og sveita alla tíð og séð um að styðja spillta einræðisherra sem ganga erinda þeirra. Ekki skortir þá "erlenda fjárfestingu" þar sem erlend riki eiga nánast allt og blóðmjólka auðlindirnar á meðan almúginn sveltur.

[Guðmundur Böðvarsson, 9.3.2019 kl. 18:59]

CNN hamrar látlaust á hversu verðmætir starfskraftar Afríkumenn eru og mikill hvalreki fyrir Evrópu..

[Halldór Jónsson, 9.3.2019 kl. 20:25]

CNN hamrar látlaust á hversu verðmætir starfskraftar Afríkumenn eru og mikill hvalreki fyrir Evrópu..

Eru þeir ekki góðir liðsmenn í verkfalli Eflingar núna?

[Halldór Egill Guðnason, 9.3.2019 kl. 23:40]

"Endurreisn" Afríkusambandsins lýsir sennilega best alls, algeru gjaldþroti Evrópusambandsviðbjóðsins. Ef ekki dugar að hrista eigin þegna í duftið, skal halda í útrás. Útrás inn í eitthvert skelfilegasta holrúm mannlegrar eymdar, sem Afríka er að stórum hluta.

 Álfa upplausnar og stjórnleysis. Álfa allra möguleika, en ekki svo mikils sem votts af vitneskju um hvernig þeim möguleikum er best borgið, álfubúum til hagsbóta. "Fjórða Ríkið" sér nú möguleika í nánari "samvinnu" við Afríku! Hafi bjöllur klingt fyrr, ættu þær aldrei að klingja með enn meiri hávaða en nú! ESB er ónefndur aðili á evrivör sinni skeggsnyrtur samnefnari andskotans á leið með allt til helvítis. Í þetta sinn kemur viðbjóðurinn ekki fyrir sjónir sem einn geðsjúklingur, heldur herskari blýantsnagara og reglugerðarkverúlanta í Brussel. Svona álíkara góðmenna og ónefnds Belgíukonungsaumingja sem mergsaug Kongó á sínum tíma. Þessa óværu ætti að uppræta með öllum ráðum, ef ekki á illa að fara.

 Góðar stundir, með kveðju að sunnan.

[Helga Kristjánsdóttir, 10.3.2019 kl. 03:06]

   Macron í öngum sínum biðlar til Afríku, um leið
 sér Verhofstadt draumsýnir um evr-ófrískt bandalag!